إيه هى عيوب برج الثور؟!

يسرا خالد
يسرا خالد
27479

 زى ما عرفنا قبل كده مع دليل ابراج بنات حوا  مميزات مواليد برج الثور اللى بيكونوا ناس طموحة جدا ومن اهم صفاتهم ان هما عاشقين للجمال و بيلاحظوه و يقدروه جدا فى اى حاجة حواليهم …تعالوا انهاردة  فى السطور الجاية نتعرف شوية  على عيوب برج الثور و نتمنى انكم تتقبلوا النصايح دى من غير زعل لان مفيش حد فينا مفيهوش عيوب واهم حاجة نصلح العيوب دى عشان تظهر المميزات الجميلة اللى فينا و خصوصا فيكم مواليد برج الثور …

1 – العند :

على الرغم من ان مواليد برج الثور شخصيات محترمة جدا لكن لو حاجة مش مقتنعين بيها بيتحولوا لشخصيات عنيدة جدا صعب توصل معاها لحل وسط  و عمرهم ما يقدروا يسمعوا او يفهموا وجهة نظر الناس التانية طالما مش ماشية على مزاجهم او معتقداتهم .

2 – الانانية:

مواليد البرج ده عندهم تقدير و حب للذات و ثقة بالنفس ساعات بيكون زيادة عن المطلوب و الناس اللى حواليهم بيعتقدوا خطأ ان فيهم صفة الغرور او الكبر  و الانانية لان بيحسوا ان مواليد البرج ده بيتعاملوا كأن هما محور الحياة و مركزها و كل حاجة تخصهم و كل حاجة متعلقة بيهم هى اهم حاجة و بس و مش مهم اى حاجة تانى و راحتهم  تيجى هى  فى المركز الاول  .

3 – الكسل :

على الرغم من حبهم لمساعدة الناس و انهم مش بيتأخروا على حد فى حاجة الا ان ساعات بتصيبهم مشكلة الكسل الشديد اللى بتقف قدام مساعدتهم للغير احيانا يعنى ممكن حد يطلب منهم حاجة او شغل و ميكونوش قادرين يعملوا حاجة او يتحركوا من مكانهم لان الكسل بيكسب فى الوقت و يتغلب عليهم .

4 – ماديين :

عشان مواليد البرج ده بيعشقوا النجاح و الوصول لاحلامهم و طموحاتهم ساعات بيكونوا ماديين شوية بزيادة  و بيهمهم الفلوس و ازاى يوصلولها او يوصلوا لمركز معين .

5 – حب التملك :

الصفة دى فى مواليد برج الثور احيانا بيكون نتايجها سيئة لانها بتخليهم يخسروا علاقات و ناس كثير . عندهم حب تملك شديد لاى شخص بيحبوه و ده بيخلى الناس ساعات تبعد عنهم لانهم مش بيعرفوا يعبروا عن الحب اللى جواهم بطريقة صح و تحكماتهم ساعات بيكون مبالغ فيها .

6- الحرص الزيادة:

مواليد برج الثور زى ما قلنا قبل كده بيعشقوا النجاح و بيحبوا جدا يجمعوا الفلوس و ساعات الناس بتشوف فيهم صفة الحرص الشديد أو البخل لانهم بيكونوا حريصيين شوية و ممكن ميصرفوش فى حجات مهمة زى مثلا هدية لشخص قريب و حجات تانية اساسية الناس طبيعى بتصرف فيها الفلوس.

اقروا كمان: الجذابة الصادقة انثى برج الثور

الصادق الوفي رجل برج الثور

مقالات متعلقه

استايل هدوم انثى برج الثور

استايل هدوم انثى برج الثور

أحلى هدايا لرجل برج الثور !

أحلى هدايا لرجل برج الثور !

ازاى تكسبى قلب رجل برج الثور ؟!

ازاى تكسبى قلب رجل برج الثور ؟!