شهريار الزمن دا
شهريار الزمن دا ملوش مثيل لا تقوليلى الف ليلة و ليلة ولا شريهان ولا فوازير رمضان والكلام دا خالص، شهريار الزمن دا هو شهريار الفيس بوك والواتس اب وتويتر وكل السوشيال ميديا الموجودة دلوقتى، متلقيش حاجة غير وعنده فيها اكونت، ودايما تلاقيه بيفتخر بعدد اصحابه على الفيسبوك و بالذات “البنات” وطبعا مقوليكش على صور البنات الى حواليه فى كل حتة بيروحها :P
شهريار الزمن دا معندوش خلق زى بتاع زمان ويقعد لغايه ما الديك يأذن والكلام دا خااالص، من الأخر اللى متخرجش معاه وتاخد سيلفى كمان يبقى بلوك على طول، احنا معندناش وقت للتهريج دا!
شهريار الزمن دا مبيضحكشي عليه بكام حكاية من حكايات الف ليلة و ليلة ولا بسهوكة شهرزاد ورقتها، دا اقل من فيلم 9D وعزومة مخلصة ميقبلش.
شهريار بتاع زمان متسرع اوى دا كان كل يوم يقتل واحدة لكن بتاع اليومين دول هادى وراسى البنت ممكن يفضل معاها اسبوع وبعد كدة يقلبها!!
شهريار الزمن دا معندوش وقت يرغى فى تليفونات او يسمع حكايات لكن ممكن تلاقيه على الواتس اب اوالفيس بوك ماسنجر وعادة بيكون عامل نفسه اوف لاين !!!لزوم التقل يعني،، و تلاقيه ه بيرد عليكى بعديها بفترة بعد لما يفضى طبعا.
شهريار الزمن دا رافع شعار “شهرزاد واحدة لا تكفى” يعنى من الاخر ملوش فى الجواز، فى فيس بوك تشوفية, على الواتس اب تلاقيه, لكن فى الجواز اكنك على المشنقة بتاخديه!!
كام واحدة فيكم يا بنات قابلت هذا الشهريار في حياتها؟ مستنيين تعليقاتكم وتجاربكم عن هذا النوع من الرجال…
