إزاى تكسب قلب انثى برج الحوت؟

بقلميسرا خالد فيبرج الحوت visibility49533

زى كا تعرفنا قبل كده على كل برج و صفاته و مميزاته و عيوبه فى الانثى و الرجل جايبنلكم كمان انهارده نصائح جميلة ازاى الرجل يكسب قلب انثى البرج اللى بيحبها انهارده معانا انثى برج الحوت ..تعالوا نقرأ ازاى تكسب قلب انثى برج الحوت ؟

قلب انثى برج الحوت
قلب انثى برج الحوت

1- الرومانسية :

انثى برج الحوت من اكثر الشخصيات العاطفية و الرومانسية فى الابراج كلها و بيكون من السهل جدا الوصول لقلبها عن طريق الطرق التقليدية القديمة فى التعبير عن الحب زى رسالة حب مكتوبة رقيقة او هدية مربوطة بفيونكات و الوان و دايما خليك عارف ان انثى برج الحوت بتحب تعيش فى القصص و الخيال و الاحلام فلازم تكون متقبل حاجة زى دى و تشاركها فيها بكل افكارها و خيالتها .

2 -شاركها  المرح والطفولة :

فتاة البرج ده عمرها ما بتكبر ابدا و بتعشق المرح و اللعب و الجرى لان جواها طفلة جميلة جدا هتخليك تحبها اكثر و هتساعدك تهرب من ضغوط و روتين الحياة لانها مش بتستحمل الملل . هتكون رحلة جميلة لو خدتها وديتها للملاهى او مراجيح الاطفال و لعبتم العاب مسلية و اشتريتلها غزل البنات و الفشار و اتعاملت معاها كأنها طفلة . اتكلم معاها فى القصص الخيالية و الاحلام و اى افكار غريبة ممكن تختر على بالك و بالها الجو الساحر ده هيخليها تقربلك و تحبك جدا .

3 – نقطة ضعفها طيبة القلب : 

اكبر نقطة ضعف فى انثى برج الحوت هى طيبة قلبها و لو حد وصلها هيأثر عليها جدا و يخليها تحبه . اسهل طريقة لوصول للنقطة دى هى انها تحس ان الرجل الى قدامها محتاجلها و انه فى مشكلة و هى الوحيدة بحبها و حنيتها اللى تقدر تحلها .مفيش احسن من انك دايما تلجأ لها فى مشاكلك و تحسسها ان الدنيا مش هتتحل من غيرها و تفهما انك واثق فيها و فى افكارها و طيبة قلبها و بطبعها هتنجذبلك جدا لانها بتقدر الرجل اللى مش بيخبى مشاعره بالعكس بتحترمه جدا لما يظهر ضعفه قدامها .

4 – زود ثقتها بنفسها :

البرج ده بطبعه حساس و رقيق جدا عشان كده بتكون ساعات عندها مشكلة عدم ثقة بالنفس احيانا . اكثر حاجة هتجذبها ليك هى انك تزودلها ثقتها بنفسها عن طريق مجاملة لطيفة على شكلها و لبسها و اداي هى جميلة و رقيقة بس بلاش تكون المجاملات كتيرة او واضحة عشان متحسش انك بتقول كده قاصد او بتجامل بالكذب و فى الوقت ده هتتجرح اكثر ما هتفرح .

5- الابتعاد عن الضغوط و التحكم :

دول اكثر حاجتين المفروض تبعد عنهم لو عايز تكسب قلبها . ممكن فى الاول انثى برج الحوت تبان ضعيفة و سهلة فى التحكم و بترضى و توافق على اى تحكمات بس لو حست انها مضغوطة او انها محكزمة بيك هتكون حاجة مش فى صالحك و مش هتقدر تستحملها و هتبعد عنها لا ن بطبعها مش بتحب المسؤليات و الضغوط و الواجبات الكثير اللى بتقيد حريتها .

طبعا المشاعر دي حاجة مش بإيدينا يعني مش شرط انك تنفذ الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل بنات الحوت، لكن دي محاولة مننا عشان نفهمك طبيعة انثى الحوت وتخليك تتعامل معاها بالشكل المناسب. أهم نصيحة من بنات حوا عشان تكسب قلب أي بنت هي إنك متمثلش وإنك تخليها تنجذب لشخصيتك الفعلية مش شخصية إنت بس بتعيشها عشان تجذبيها ليك, لانك غصب عنك وبعض فترة هترجع لشخصيتك الأصلية ووقتها ممكن تحصل مشكلة كبيرة لما تحس إن مش ده الرجل اللي هي حبته…

اقروا كمان: الحساسة الرقيقة انثى برج الحوت

الرومانسي: رجل برج الحوت

توافق برج الحوت مع الأبراج التانية

أهم 6 أسباب لجاذبية برج الحوت!

أيه هي عيوب برج الحوت?!