إزاي تخلي الروج يثبت طول اليوم!
لو إنتي من البنات اللي بتحب تحط احمر شفايف كل يوم, وبتزهق انه دايما بيطلع بسهولة بعد مابتشربي كباية الكوفي بتعتك أو بعد لما تاكلي، تعالي اتعرفي معانا علي الخدعة ده اللي هتخلي احمر الشفايف يثبت معاكي اليوم بطولة..
إزاي تحصلي على الروج الثابت؟!
الخطوة الأولي: حطي أحمر الشفايف الأول علي منطقة الشفة بالكامل .ويفضل لو كان اختيارك لأحمر الشفايف من النوع المط”الغير لامع”.
الخطوة التانية: حطي منديل بين شفايفك واضغطي عليه عشان يمتص شوية من احمر الشفايف.
الخطوة الثالثة: استعملي فرشة ظلال العين “الايشادو” وحطيها في البودر بتعتك وبعدين مشيها على شفيفك بالراحة لغاية لما تغطي منطقة الشفايف كلها بالبودر فوق الروج, ويستحسن إنك تخصصي فرشة للموضوع ده وبلاش تستعملي فرشة الايشادو اليومية بتاعتك.
الخطوة الرابعة: حطي طبقة تانية من أحمر الشفاه فوق البودر.
وديه كده اخر خطوة و الروج بالشكل ده هيعد معاكي اليوم بطولة , كلي واشربي واستمتعي ومتقلقيش :)
