مطاعم مميزة فى الرحاب
بنات حوا يلا بينا نكمل رحلتنا فى دليل مطاعم القاهرة و الاماكن الجديدة اللى ممكن تغيروا خروجاتكم و تجربوها . النهاردة جايبنلكم مطاعم الرحاب المميزة, تعالوا نشوفها سوا…
1 – الدهان :
الدهان يعتبر من اهم المطاعم اللى حازت على شهرة كبيرة فى الرحاب و مناطق اخرى من القاهرة لانه بيقدم الاكل البيتى الاصيل من مشويات و طواجن بطعم ملوش منافس من غير تعب و دوشة طبيخ فى البيتوالأسعار المعقولة. وجبة لشخصين مع مشروبات، وسلاطة وحلو.
2 – ع الفحم :
المطعم موجود عند السوق القديم فى الرحاب و متميز جدا و معروف بشرته بعد الدهان المطعممتخصص في المشويات والأكلات المصرية والشاورما. المنيو فيه الاكلات الرئيسية زى الحمام المحشي والموزة بالفتة وساندويتشات الستيك المشوي كمان فيه وجبة ميجا ميكس ع الفحم فيها أرباع كيلو من كل حاجة ممكن تتحط على الشواية مع الأرز والبطاطس. الخدمة سريعة و المكان نظيف.3 – سوفلاكى هاوس :
«سوﭭـلاكي » يعني البديل اليوناني للـ “شاورمة”. يمكن بس قطع اللحمة أو الفراخ تكون متقطعة بسُمك أكبر وطعم التتبيلة مختلف. المطعم متخصص فى اكلات البحر المتوسط خصوصا اليونان و يعتبر مطعم وجباته خفيفة و سريعة. المنيو كبير جدا و فيه اصناف كثير من الاطباق و السلطات و الشربة زى مثلا «سوﭭـلاكي جريل» وجبة كبيرة لازم تقسمها مع حد تاني، فيها كمية كبيرة من الرز البني مع اللوز المحمص والزبيب، وده مجرد صنف جانبي للتشكيلة الكبيرة من اللحوم المشوية والفراخ زى لفراخ الپيستو.