نصائح لتجنب أعراض ما قبل الدورة الشهرية
تقلبات مزاجية و صداع ووجع و جسم تقيل و ارق و حالة جوع مش مفهومة كل دى و غيرها من اعراض ما قبل الدورة الشهرية اللى بيعانى منها 75% من الستات و البنات. فى حاجات بسيطة ممكن تتبعيها هتقلل من اعراض ما قبل الدورة الشهرية دى و تريحك كثير تعالوا نعرفها سوا فى السطور الجاية …
نصائح لتجنب أعراض ما قبل الدورة الشهرية :
1 – منتجات الالبان :
ابعدى عنها على قد ما تقدرى عشان الدراسات بتقول ان هرموناتك بتكون اهدى لما تبعدى عن الالبان و الجبن قبل الدورة الشهرية و ده برده بيقلل من انتفاخات الجسم و عدم الراحة اللى بتحسى بيها وقتها .
2- النعناع :
احرصى انك تشربى نعناع كثير فى الفترة دى و كمان ممكن شاى بالنعناع لانه مسكن طبيعى و مهدىء للاعصاب و خصوصا لو شربتيه كذا كرة فى اليوم .
3 – الكافيين :
قبل الدورة الشهرية بأسبوعين ابعدى عن منتجات الاكل و الشرب اللى فيها كافيين لانها بتزود من الانتفاخات و بتزود من توترك و قلقك و كمان بتسبب ارق و بترفع نبضات القلب و ده بيزود اعراض عدم الراحة قبل الدورة .
4 – الكالسيوم:
زودى جرعة الكالسيوم فى اكلك و الفيتامينات بتاعتك بجرعة 500 مللى مرتين فى اليوم عن طريق الاقراص او الاكل لان ده بيقلل الاكتئاب و اعراض ما قبل الدورة الشهرية .
5 – السكر:
ابعدى عن الاكل اللى بيزود نسبة السكر فى دمك زى الشوكولاتة و الحلويات و الصودا و الدراسات بتقول ان تغيرات المزاج الحلدة اللى بنتعرضلها قبل الدورة الشهرية من اكبر اسبابها هو اكل السكريات بكثرة
6 – عدد الوجبات:
احرصى على ان عدد الوجبات فى اليوم اكثر من 3 وجبات كبيرة يعنى ممكن تقسمى اكلك الى 5 وجبات صغيرة فى اليوم عشان تقاومى الجوع اللى بتحسى بيه وقتها بزيادة و ده بدوره بينظم معدل السكر فى دمك و بيخليكى مش عصبية و مضايقة علاطول.
7 – النوم:
احرصى انك تنامى على الاقل 8 ساعات فى اليوم عشان اعصابك تكون هادية و ابعدى عن اى مواقف ممكن تلاحظيها اوتكونى عارفاها انها ممكن توترك او تعصبك فى الفترة دى .