إيه هي عيوب برج الدلو؟!

بقلميسرا خالد فيبرج الدلو visibility32117

زى ما اتكلمنا قبل كده عن مميزات مواليد برج الدلو وشخصيتهم القوية الجذابة المميزة. واللى بيكونوا دايرة اصحاب كبيرة وبيكونوا دايما محبوبين وسط الناس, النهاردة هنتكلم عن جانب تانى من شخصيتهم و هو العيوب .. يا تري ايه هي عيوب برج الدلو؟

نتمني إن كل أصحابنا مواليد برج الدلو ميزعلوش مننا ويتقبلوا الكلام ده بروح رياضية ومن غير زعل، ونتمنى لو الحاجات دي تقدر تساعد الناس من الابراج التانية على تفهم طبيعة مواليد الدلو وتحل شوية من اللخبطة اللي كانوا بيقابلوها اثناء تعاملهم معاهم..:) … يلا نبدأ؟

1 – مزاجهم متقلب وغير متوقعين:

المشاعر اللى بيحس بيها مواليد برج الدلو بتكون المحرك الاساسى لافعالهم فى الحياة و ده بيخلى مزاجهم متقلب جدا ومفيش حد من الناس اللى حواليهم بتقدر انها تتوقع تصرفاتهم عامة. دى حاجة بتلخبط الناس القريبين منهم وبتخلبهم مش عارفين يتعاملوا معاهم ازاى لان مشاعرهم بتتغير كثير وده بالتالى بيغير من تفكيرهم.

2 – الخوف من الارتباط:

مواليد برج الدلو لا يمكن يتخلوا عن حريتهم بأى ثمن وعشان كده مش بيسمحوا لحد يدخل قلبهم بسهولة لان لو حبوا حد بيتعلقوا بيه و بيقيد حريتهم فبيبعدوا وبيخافوا جدا من مبدأ الارتباط والتقيد بشخص او شريك حياة معين ومبدأهم فى الحياة عيش وخلى غيرك يعيش.

3 – العند:

على الرغم من انهم قريبين من اصحابهم لان فيهم ميزة حسن الاستماع والتقدير لكن من الصعب جدا انهم يغيروا رأيهم فى حاجة تخصهم او ياخدوا رأى حد و يقتنعوا بيه لان بيكونوا شايفين ان رأيهم وتفكيرهم هو الصح وهو المناسب ليهم و ان مفيش حد هيفهم اكثر منهم او يقدر يأثر عليهم.

4 – الانعزال:

على الرغم من ان ليهم صحاب كثير والناس بتحبهم جدا وبيكونوا واضحين وسط دايرة اصحابهم لكن ممكن في أي وقت علي حسب مزاجهم تلاقيهم انعزلوا عن الناس وفضلوا الانطواء والابتعاد عن المشاركة فى اى نشاط او تجمعات و ده بيخلي فرص كثيرة حلوة تضيع منهم.

5 – يا يمين قوي يا شمال قوي:

ناس كتير بتبعد عنهم بسبب الصفة دى لان مواليد برج الدلو معندهمش حلول وسط او لون رمادى فى حياتهم دايما كل اختيارتهم او آرائهم يا ابيض يا اسود مفيش وسط خالص وعمرهم ما بيغيروا رأيهم ده او بيتنازلوا عنه و ده بردة بسبب جزء العند وعدم التفاهم اللى قلنا عليه موجود فى شخصيتهم.

اقروا كمان: القوية المستقلة انثى برج الدلو

المبتكر: رجل برج الدلو

توافق برج الدلو مع الابراج التانية

أهم 5 أسباب لجاذبية برج الدلو!