أهم 5 أسباب لجاذبية برج الدلو!

بقلميسرا خالد فيبرج الدلو visibility15376

مواليد برج الدلو من الشخصيات المعروف عنها انها قوية جدا المليانة طاقة وحماس واللى بتتميز كمان بجاذبيتها الشديدة … عندهم تفاهم و تقبل للاخرين وبيقبلوا الناس على عيوبهم زى ما هما عشان كده دايرة اصحابهم كبيرة و بيكونوا دايما محبوبين وسط الناس تعالوا نتعرف اكثر على مميزات برج الدلو … رمز برج الدلو بيصور الماية من إناء حامل الماية باعتباره رمزا من الطاقة المتجددة.. والماية اللي نازلة باستمرار بترمز لمحو الماضي وغسله وبترمز لبدايه جديدة كلها حرية وامل. يلا نبدأ نشوف مع بعض اهم 5 أسباب لجاذبية برج الدلو..

1- خفة الدم:

مواليد برج الدلو ناس دمهم خفيف جدا و بيحبوا النكتة الحلوة و مش بيبطلوا ضحك و هزار فى اى مكان  هتلاقيهم دايما معروفين وسط اصحابهم انهم ودودين  و بيحبوا الناس اوى و بيقربوا ليهم بسهولة و اصحاب صحابهم و دايما يخلوا القعدة اللى هما فيها مليانة ضحك و مرح ووقت ممتع.

2 – الذكاء:

معروف عن مواليد البرج ده الذكاء الشديد وقوة الملاحظة  و بيحبوا جدا يفكروا و  بيستمتعوا انهم يحللوا كل حاجة  حواليهم و بيستمتعوا بأى حاجة تشغل العقل و التفكير . دايما بتكون دايرة اهتمامتهم كبيرة و بيهتموا  يتعلموا و يعرفوا و يقرأوا عن كل المجالات فى الحياة حتى لو مش حاجة فى مجال شغلهم  و بيكونوا مثقفين جدا وسط الناس و وسط اصحابهم و عارفين معلومات كتير.

3- الابتكار:

مواليد برج الدلو اكثر حاجة بتضايقهم الروتين و الحياة التقليدية  اللى مفيهاش تغييرو بيحبوا جدا يخترعوا  و يفكروا فى طرق جديدة و حلول مبتكرة للمشاكل و الحجات  اللى بتواجهم و زى ما بنقول بيفكروا برة الصندوق و لا يمكن يرضوا بالروتين ابدا. تعالوا نشوف سوا عينة من مشاهير البرج اللي بيجمعهم بلا شك القدرة علي الابداع والابتكار:

داروين
توماس إديسون
تشارلز ديكنز
موتسارت
ريغان
فرانكلين دي روزفيلت
ابراهام لينكولن
نادين لبكي
فاروق الفيشاوي
أوبرا وينفري
شاكيرا
جينيفر أنيستون
أحلام
لطيفة التونسية
سمير غانم
هشام سليم
محمد هنيدي
سعاد حسني
محمود حميدة
ليلي مراد

4- الاعتماد على النفس:

اصحاب البرج ده بيحبوا الحرية  و الانطلاق و الاعتماد على النفس و دايما تلاقيهم بيعملوا كل حاجة بنفسهم و مش بيطلبوا مساعدة  من حد و لا بيتقلوا على حد فى اى طلب و مش بيحبوا حد يقلل او يحد من حريتهم خصوصا ماديا و عاطفيا.

5 – الوفاء:

عندهم اخلاص ووفاء كبير لاصحابهم و الناس اللى حواليهم و بيلتزموا بالوعود اللى قالوها لاى حد و دايما معروفين ان هما  بيكونوا محل ثقة للناس القريبين منهم لان معروف عنهم انهم مش بيغيروا كلمة قالوها  او وعد التزموا بيه ابدا مهما كانت الاسباب.

اقروا كمان: القوية المستقلة انثى برج الدلو

المبتكر: رجل برج الدلو

توافق برج الدلو مع الابراج التانية

ايه هي عيوب برج الدلو؟