إزاى تختارى اللبس اللى يليق على شكل جسمك

يسرا خالد
يسرا خالد
35187

بنات حوا عايزنكم دايما تكونوا متألقين و محافظين على جمالكم و شكلكم بكل الطرق و بننصحكم النهاردة بشوية معلومات هتساعدكم فى اختيار الملابس المناسبة ليكم عشان منمشيش ورا الموضة و خلاص و نختار اللى يناسب شكل جسمنا و يظهر جماله تعالوا نعرف ايه اشكال اللجسم المختلفة و ازاى تلبسى الملابس اللى تليق على شكل جسمك…

التفاحة:

اللى جسمها شكل التفاحة بتكون عريضة من فوق و جسمها صغير من تحت زى الصورة. ابعدى تركيز و اهتمام العين عن وسطك و الذراعين يعنى بلاش تلبسى كم قصير الكم الطويل هيكون احسنلك و حاولى يكون التركيز عند منطقة الرقبة و الصدر عن طريق الالوان و الزخارف فى اللبس. بلاش البنطلونات تكون ضيقة عشان متبينش الفرق ما بين جسمك فى المنطقة اللى فوق و رجليكى اللى بتكون ارفع البسى بنطلونات واسعة و تكون تحت مستوى الوسط عشان تزيد من حجم منطقة جسمك اللى تحت. بلاش الفساتين و الاحزمة اللى بتحدد منطقة وسطك هتكون احسن لو تحت الوسط

التفاحة
التفاحة

الكمثرى:

بيكون شكل الجسم عكس شكل التفاحة يعنى الجزء اللى تحت اكبر و اعرض من الجزء اللى فوق اللى بيكون صغير زى الصورة .حاولى تلبسى حجات تخلى كتافك شكلها اعرض وحاولى يكون اللبس متناسق فوق مع تحت .البنطلونات الضيقة هتبين اكثر حجم جسمك تحت و هتبين ان كتافك صغيرة وفى فرق كبير بينها و بين جسمك تحت .بلاش تلبسى حمالة الصدر اللى بتكبر صدرك ( البوش اب) و اتأكدى انك لابسة مقاس مضبوط عشان يخلى شكل جسمك متناسق .البسى البنطلونات اللى فيها وسع بسيط و مش ماسكة على الرجل من تحت و البسى معاها الكعب

الكمثرى
الكمثرى

المستطيل:

شكل الجسم ده بيكون نفس الحجم من فوق و من تحت و الوسط مش بيكون واضح .البسى ملابس تبين وسطك و تبين ملامح جسمك اكثر .اللبس الى فيه طبقات و تموجات بيخلى شكل جسمك احلى و بيبين انوثته.بلاش تلبسى بنطلونات واسعة و البسى الجيبات اللى تبين جمال رجلك .البسى الاحزمة اللى تبين وسطك و تقسم جسمك

المستطيل
المستطيل

الساعة الرملية:

  بيكون منطقة جسمك اللى فوق قد اللى تحت  بس بيكون وسطك رفيع و قاسم جسمك نصين متناسقين .البسى حجات تبين جمال وسطك نصف جسمك اللى تحت زى الاحزمة و الالوان و الزخارف عند منطقة الوسط .متلبسيش لبس واسع اوى ميبينش جسمك و يخليه شكله مربع.بلاش تلبسى حاجة مفتوحة عند الصدر او اى الوان تظهر المنطقة دى .اتاكدى ان حمالة الصدر مضبوطة و رافعة شكل صدرك مش سيباه مائل و غير مشدودبلاش تلبسى اكسسوارات كبيرة اوى و ملونة على رقبتك و عوضيها بلبس الاغوايش و الاسورة الكبيرة فى ايديكى

الساعة الرملية
الساعة الرملية

شوفي كمان ازاي تختاري البنطلون المناسب لشكل جسمك

ازاي تختاري البنطلون المناسب لشكل جسمك
ازاي تختاري البنطلون المناسب لشكل جسمك

مقالات متعلقه

ستايلات للبس العباية المفتوحة في رمضان

ستايلات للبس العباية المفتوحة في رمضان

موضة الفستان المضلع لموسم الشتا

موضة الفستان المضلع لموسم الشتا

افضل تنسيقات الوان لدولابك في الشتا

افضل تنسيقات الوان لدولابك في الشتا