طريقة اختيار النظارات المناسبة للوجه

أنجي سليمان
أنجي سليمان
16965

النظارات دلوقتي بقت من الاكسسوارات الاساسية اللي بتكمل استايل كل البنات، لكن دايما بنحتار لغاية ما نختار الموديل اللي يليق على شكل وشنا وساعات نقف كتير في محل النضارات ومنعرفش نختار الموديل والشكل اللي يليق علينا سواء في نظارات الشمس او النظر، وعشان تحلي المشكلة دي اقري الموضوع ده واتعرفي على طريقة اختيار النظارات المناسبة للوجه.

خطوات اختيار النظارات المناسبة للوجه

الخطوة الاولى:

عشان تقدري تحددي بيها موديل النظارة المناسبة ليكي هي انك تحددي شكل وشك، واشكال الوش واحد من اربعة وده وصفها.

أنواع الوشوش
أنواع الوشوش

الخطوة الثانية:

دلوقتي بعد ما حددتي شكل وشك تقدري تختاري موديل النظارة المناسب ليكي على الاساس ده، وكل واحد من اشكال الوشوش دي له مجموعة من الموديلات اللي بتليق عليه، اعرفي الموديلات وشوفيها عشان تقدري تختاري منها اللي يعجبك.

1- الوش على شكل قلب:

صفات الوش ده ان الجبهة بتبقى عريضة وعضم الخدود مرتفع، اما الدقن فبتبقى ضيقة ومدببة.

موديلات للوش على شكل قلب

النوع ده من الوش العرض بتاعه بيبقى في منطقة العيون وعضم الخدود عشان كده بتليق معاه استايلات كتير المهم ماتكونش بتبين الجزء ده عريض بيليق معاه المدور والمربع والمستطيل والبيضاوي وكمان اللي اطرافة من فوق عالية او مستدير من تحت، زي الموديلات دي كده (Rectangle – Round – Oval – Wayfarer – Aviator – Square).

اما الموديلات اللي تتجنبيها لو كان ده شكل وشك فهي اطرافها مسحوبة لفوق زي الموديلات دي (Embellished – Cat eye).

موديلات للوش على شكل قلب
موديلات للوش على شكل قلب

2- الوش المدور:

الوش المدور هو الوش اللي بتبقى الجبهة فيه عريضة والخدود مليانه والدقن كمان مليانة.

موديلات للوش المدور

بتليق معاه موديلات كتيرة لكن المهم ماتبقاش موديلات بتظهر الخدود ممتلئة، وافضل الموديلات مع الوش المدور هي دي (Rectangle – square – Cat eye Wayfarer – Aiator – Wrap).

الموديلات اللي تتجنبيها فهي المدورة او الكبيرة اوي زي دي (Round – Oversized frames).

موديلات للوش المدور
موديلات للوش المدور

3- الوش المربع:

وده الوش اللي بتبقى فيه الجبهة عريضة وعضم الخدين (الوجنتين) عريض، والعضم اللي بيحدد الفكين بيكون واضح.

موديلات للوش المربع 

بتليق معاه موديلات كتيره ومتنوعة  لكن اكتر الحاجات اللي بتليق معاه هما دول (Rectangle – square – Cat eye – Wayfarer – Aviator (Wrap

اما اللي مش بيليق معاه فهما (Boxy frames – Embellished – Oval)

موديلات للوش المربع
موديلات للوش المربع

4- الوش البيضاوي:

بالنسلة للنوع ده بيتبقى من سماته الجبهة الضيقة وعضم الوجنتين (الخدود) مرتفع وكمان الدقن بتبقى مدببة وضيقة.

موديلاتللوشالبيضاوي

وده تقريبا بيليق معاه كل الموديلات بس برضه في حاجات بتبقى هي الافضل معاه وهما ( Rectangle – Round – Square – Cat eye Embellished – Wayfarer – Aviator)

اما اللي يفضل انك تتجنبيه فهي النظارات الضخمة oversized frames

موديلات للوش البيضاوي
موديلات للوش البيضاوي

مقالات متعلقه

احدث نضارات الشمس ل 2018

احدث نضارات الشمس ل 2018

احدث تشكيلة نضارات شمس

احدث تشكيلة نضارات شمس

افضل 21 ستايل من نظارات الشمس الـ Aviator في 2017

افضل 21 ستايل من نظارات الشمس الـ Aviator في 2017