أهم 5 أسباب لجاذبية برج القوس!

بقلميسرا خالد فيبرج القوس visibility18919

مواليد برج القوس من اكثر الناس تفاؤل و حب للحياة و بيدوروا على الجمال فى وسط كل حاجة حتى لو مش حلوة  او فيها عيوب و بيدوا كل طاقتهم للوصول لاهدافهم  و طموحاتهم و التفكير فى المستقبل بتفاؤل و حب للنجاح و الحياة و ده اللى بيخليهم يتغلبوا على اى صعاب بتقابلهم .

مواليد برج القوس من 22 نوفمبر – 21 ديسمبر ورمزهم هو شكل الرجل ماسك السهم دليل علي انهم ليهم أهداف محددة في الحياة ورغبة في تحقيقها, لونهم المفضل التركواز أو الفيروزي… تعالوا نقرأ اكثر عن مميزات مواليد برج القوس فى السطور اللى جاية …

مميزات برج القوس

1 – الصراحة:

دايما اللى فى قلبهم على لسانهم و عمرهم ما يكدبوا  او يغيروا الحقايق او يقولوا مجاملات  لحد و بيقولوا الحقيقة واضحة و صريحة زى ما هى من غير لف ولا دوران بس الصفة دى ساعات بتسببلهم المشاكل مع الناس.

2 – الثقافة:

مواليد برج القوس بيحبوا جدا التفكير فى كل حاجة و بيهتموا يتعلموا ثقافات و حجات جديدة دايما فى كل مجالات الحياة مش حاجة واحدة بس و بيهتما جدا انهم يكونوا ننثقفين و عارفين كل حاجة بتحصل فى الدنيا و هتلاقى عندهم معلومات عن كل حاجة و بالتالى الكلام معاهم بيكون مفيد و رائع و بيبهروا الناس فى كل قاعدة بمدى ثقافتهم.

3 – الفلسفة و فهم الحياة:

عندهم حس عالى جدا بالصح و الغلط و بيعرفوا يفرقوا بينهم بسهولة ووضوح بعكس بعض الناس اللى ممكن تختلط عليهم الامور و عندهم حس دينى و فلسلفى و روحى بيخليهم يقربوا من الناس اللى بتشاركهم الاهتمامات دى و الحس ده بيديهم نظرة للمستقبل و بيشوفوا الصورة كاملة مش من زاوية واحدة.

4 – القلب الكبير و الكرم:

مواليد برج القوس غاية فى الكرم و السماحة مع الناس و بيحبوا جدا مساعدتة اى حد و بيقدموا للناس كل حاجة حلوة يقدروا يعملوها عشانهم و الموضوع ده بيسهلهم حياتهم لان الناس بتحبهم جدا و بتحب قربهم.

5 – المغامرة و الشجاعة:

بيجروا ورا المغامرة و التجارب الجديدة الشيقة  و السفر و بيبعدوا جدا عن الروتين و الملل فى اى حاجة و عندهم شجاعة كبيرة فى مواجهة الاخطار اللى ممكن تواجههم فى المغامرات دى.

المتفائلة الفضولية: انثى القوس

المغامر: رجل برج القوس

توافق القوس مع الأبراج التانية

إيه هي عيوب برج القوس؟!