وصفات طبيعية لتقشير الجلد

معظم مقشرات الجلد او السكرب اللى موجود فى الاسواق بيحتوى على مواد كيميائية كثير و خصوصا اللى بيكون فيها حبيبات صغيرة و كمان بتكون اسعارها غالية مقارنة بحجم العبوة . ليه نشترىها طالما عندنا مقشرات طبيعية تنفع للوجه و الجسم فى مطبخ بيتنا و مفيدة اكثر للبشرة و الجلد تعالوا نعرفها مع بعض.

1 – السكر:

السكر كله حبيبات صغيرة و كبيرة و مناسبة جدا للقضاء على الجلد الميت اللى فى البشرة و مليان كمان بحمض الجليسوليد اللى بيقلل من الخطوط الرفيعة فى الجلد . هنزود معلقتيم سكر على معلقة زيت زيتون و ندهن بيهم البشرة فى حركات دائرية لتنظيفها.

2 – الشوفان:

من اكثر المقشرات نعومة و مناسب جدا للبشرة الحساسة و كمان من اهم مميزاته انه بيمتص الدهون الزيادة فى البشرة و كده بيكون منظف و مقشر . هنضيف معلقتين شوفان على 3 معالق مياه و نسيبها 10 دقائق او لحد ما ينشف زى ماسك للوجه و نبدأ نفركه بحركات دائرية و غسله بالماء الفاتر.

3 – البيكينج صودا:

البيكينج صودا ليها فوائدها الكثيرة لجسم و البشرة و ممكن تستخدم كمقشر طبيعى هايل للوجه و الجسم لو عملنا منها خليط زى المعجون هنضيف مقادير متساوة منها على شوية مياه لحد ما تعمل معجون و نسيبها على البشرة 10 دقائق و نغسلها.

4 – القهوة:

الكافيين اللى فى القهوة هيخلى وشك ينور و بشرتك تفتح و تكون نظيفة و رائعة و بتقل من التورم و الاحمرار اللى فى البشرة و خصوصا تحت العين . هتجيبيى ممعلقة قهوة كبيرة على معلقة زيت من اختيارك ممكن زيت اطفال او زيت زيتون و تدلكى بيها وجهك لتنظيفة.

5 – اللوز:

اللوز مليان بأحماض مفيدة للبشرة و مقشر جميل ليها ممكن نعمل بيه معجون عن طريق اضافة شوية لوز مطحون على شوية مياه و ندلك بيه البشرة و هتلاقى بشرتك بعدها بتلمع و جميلة.

طريقة استعمال السكرب:

حطيه علي وشك أو جسمك, دلكي في حركة دائرية لمدة 3 دقايق وبعد كده سيبيه ينشف لمدة 5 اللي 10 دقايق واخر خطوة اشطفيه.

بنات حوا بتنصحك بلاش تقشير الوجه و البشرة كل يوم و لكن ممكن مرتين فى الاسبوع عشان منسببش احمرار و ارهاق للبشرة و نجيب نتيجة عكسية.