طرق طبيعية لتكبير الشفايف

يسرا خالد
يسرا خالد
في
مكياج
12756

البنات كلها نفسها يكون شكلها جميل و جذاب و من اهم اسباب الجاذبية فى وجه كل بنت هى الشفايف الكبيرة … احنا فى بنات حوا زى ما عودناكم بنهتم بالوصفات والطرق الطبيعية وبنبعد عن كل حاجة كيميائية او ممكن تضرنا اكثر ما تنفعنا فجيبنلك طرق سهلة هتساعدكم فى تكبير  الشفايف تعالوا نشوفها سوا..

1 – التمرينات:

التمرينات مفيدة جدا لتكبير الشفايف . ممكن تعملى زى التمارين اللى فى الصورة عن طريق ضم الشفايف لمدة 5 ثوانى و فردها تانى لمدة 15 مرة و برده هتحركى شفايفك يمين و شمال لمده 10 عدات و كمان حاولى تبتسمى كثير و تكررى تمرين الابتسامة لمدة 20 عدة.

تمرينات
تمرينات

2 – التقشير:

اهتمى بتقشير شفايفك مرة واحدة فى الاسبوع على الاقل لان الخلايا الميتة و الغمقان بيسبب شكل اصغر للشفايف و ممكن تعملى مقشر طبيعى للشفايف بالسكر هنجيب معلقتين سكر و 4 معالق ليمون و شوية مياه و نعجنهم و نمشيهم على الشفايف بحركة دائرية . ممكن كمان تستعملى المياه الدافئة و فرشاة الاسنان و تفركى بقايا الجلد الميت على شفايفك براحة.

3 – المساج :

المساج بيساعد على تدفق الدم و تحسين الدورة الدموية ة بالتالى تكبير حجم الشفايف . فى طرق كثيرة للمساج :

– ممكن تجيبى قماشة و تحطى جواها قطع من التلج و تدلكى بيها شفايفك لمدة 10 دقائق.

– و ممكن كمتم تجيبى زيت الصبار و تدلكى بيه شفايفك لانه مضاد للاكسدة و بيساعد على التخلص من السموم و تلميع و تكبير الشفاه.

– من احسن و اهم انواع المساج هو عصير الليمون اللى هنزودله شوية مياه و ندلك بيه الشفايف.

4 – اختيار الروج او احمر الشفاه:

المكياج بيلعب دور رئيسى فى حجم الشفايف و لو انتى بتحرصى على ان شفايفك تبان حجمها اكبر يبقى ابعدى عن الالوان الغامقة فى الروج و اهتمى بوضع الوان فاتحة اكثر و يكون فيها لمعة لانها بتعكس الضوء و بتزود شكل و حجم الشفايف.

5 – الترطيب:

– زيت القرفة : من احسن الحجات اللى بتخلى الشفايف لونها وردى و جميل و شكلها اكبر ممكن تحطى شوية قطرات منه على المياه و معاهم عسل ابيض و تسيبيهم على شفايفك لترطيبهم و عشان يبانوا اكبر و احلى.

– العسل :  من احلى المرطبات و اقواهم هتسيبيه على الشفايف لمده 20 دقيقة و ده بيخلى الشفاه تمتص السوائل اللى فى العسل و بتخلى شكلها اكبر . – الكريمات :  اللى فيها لبن بتكون نسبة الترطيب فيها عالية جدا و بتساعدك على التخلص من الشفايف الغامقة و الصغيرة.

6 – فيتامين سى:

من اهم الفيتامينات للحفاظ على الجلد و رونقه و هتساعدك جدا فى تكبير حجم الشفاه حاولى دايما تدخلى فى اكلك الحجات اللى فيها الفيتامين ده زى اليمون و البرتقال و الجرجير.

7 – نصايح مهمة:

– ابعدى عن عادة عض شفايفك و تحريك لسانك عليهم كثير لان ده بيزود من جفافهم.

– اتاكدى انك تغسلى شفايفك كليوم بمرطب زى بشرتك بالظبط.

مقالات متعلقه

8 حيل مكياج هتبين شفايفك اكبر وشكلها ممتليء

8 حيل مكياج هتبين شفايفك اكبر وشكلها ممتليء

16 حيلة لشفايف جميلة ومغرية !

16 حيلة لشفايف جميلة ومغرية !

اعرفى طريقة تحديد الشفايف زى المحترفين

اعرفى طريقة تحديد الشفايف زى المحترفين