أيه هي عيوب برج العذراء؟!

بقلمأنجي سليمان فيبرج العذراء visibility50154

برج الباحثين عن المثالية، المرتبين، العقلانيين، اللي من صفاتهم الخجل والهدوء…اتكلمنا قبل كده عن صفات انثى العذراء وصفات رجل برج  العذراء وكمان اتكلمنا عن مميزات البرج ده،  ولأن زي ما في مميزات لازم كمان يكون في عيوب اوسلبيات، مواليد برج العذراء هما مواليد الفترة من 23 اغسطس الى 22 سبتمبر.. نتمني إن كل أصحابنا مواليد برج العذراء ميزعلوش مننا :) … يلا نبدأ؟

عيوب برج العذراء

1- الافورة في رد الفعل:

دي من اكبر عيوب مواليد برج العذراء وده لأن هما بيحطوا لنفسهم صورة وتخيل مثالي لأي موقف او ظرف او خطوة بياخدوها ولما الظروف او نتيجة الموقف ده بتطلع اقل من توقعاتهم او مش بتوصل للصورة دي بيكون رد فعلهم مزيح من الاحباط والعصبية وده بيخليهم يفقدوا توازنهم لفترة بيبقوا مش عارفين يستمروا او يصححوا الموقف وبيوصلوا لحالة من عدم الاتزان.

2- بيقفوا على الواحدة وما يعجبهمش العجب:

تاني عيوب مواليد برج العذراء وبرضه السبب في العيب ده عشقهم للتفاصيل، لأن طبيعتهم اللي بتخليهم شايفين تفاصيل كل حاجة ومقسمينها لسلبيات وايجابيات واضحة بتخليهم مش بيرضوا بالساهل وبتخليهم دايما في حالة من الانشغال والاهتمام لغاية ما يخلوا كل شيء في صورته المثالية، وده بيخلي المحيطين بيهم دايما يتهموهم انهم واقفين على الواحدة وبيعقدوا كل حاجة وبيبقي صعب جدا تعرف ترضي او تسعد مولود برج العذراء، يعني لازم تعرفهم طبيعتهم كويس وايه اللي بيعجبهم وايه لأ عشان تقدر فعلا توصل للحاجة اللي تفاجئهم او تبسطهم.

3- متحفظين:

عندهم حذر وحرص شديد من انهم يجربوا حاجة جديدة, عشان بيبقوا قلقانين من النتايج , طبعا مفهوم ليه :) عشان كدة هتلاقيهم مش بيتقبلوا أي فكر أو تجربة جديدة بسهولة.

4-  العقل أولا:

كونهم عقلانيين ويحبوا العملية وحساب كل حاجة بالورقة والقلم ده بيخليهم يبعدوا شوية عن جانب العواطف والمشاعر يعني دايما عقلهم صوته اعلى من قلبهم، لكن هما ماوصلوش لمرحلة القسوة او الشدة هما بس بيحسبوها وبيختاروا مسار العقل، هما برضه محتاجين حد يكون عارفهم كويس وعارف طبيعتهم عشان يتفهم الجزء العقلاني ده ومايتهمهمش بالقسوة.

5- مشاعره تحت الحراسة:

مش سهل ان الواحد يقدر يقرب من مولود برج العذراء على المستوى العاطفي، والكلام ده مش شرط على مستوى الحب لأ ده كمان على مستوى الصداقة، مولود العذراء بيخاف جدا يتعود على حد او ييقرب حد منه على المستوى العاطفي مش بالساهل لازم الاول يدرس شخصية اللي قدامه ويتعامل معاه فترة وبعدها بيقرر لو حيقدر فعلا يقرب المسافات بينه وبين الشخص ده ولا لأ.

يا ريت مواليد برج العذراء يتقبلوا الكلام ده بروح رياضية ومن غير زعل، ونتمنى لو الحاجات دي تقدر تساعد الناس من الابراج التانية على تفهم طبيعة مواليد العذراء وتحل شوية من اللخبطة اللي كانوا بيقابلوها اثناء تعاملهم مع مواليد العذراء..

اقروا كمان الباحثة عن المثالية: انثى العذراء

المتفاني: رجل برج العذراء

توافق برج العذراء مع الابراج التانية

أهم 5 اسباب لجاذبية برج العذراء

إيه احلي هدايا لانثى العذراء؟

ايه هي انسب هدايا لرجل برج العذراء