أيه هي عيوب برج الحوت؟!

بقلميسرا خالد فيبرج الحوت visibility35754

زى ما قبل كده اتكلمنا عن مميزات برج الحوت و اد ايه اصحاب البرج ده بتميزوا بالطيبة و الرقة و حب الخير النهاردة جايبنلكم الوجه الاخر لبرج الحوت و هنتكلم عن شوية عيوب فى شخصية اصحاب البرج ده تعالوا اتعرفوا معانا  اكثر علي عيوب برج الحوت فى السطور الجاية و نتمني إن كل أصحابنا مواليد برج الحوت ميزعلوش مننا :) ويخدوا الكلام ده بصدر رحب ويفكروا فيه… عشان ده فعلا ممكن يساعدهم لو الصفات السلبيه ديه عندهم… يلا نبدأ؟

عيوب برج الحوت

1 – الهروب:

لما الدنيا تكون مش ماشية كويس او الامور فى حياتهم تتلخبط و بتكون مش زى ما اتوقعوا بيلجأ دايما اصحاب برج الحوت للهروب من الواقع المؤلم و بيتجنبوا التعامل مع المشاكل فى حياتهم و بيرموا اللوم على حظهم السىء و ان الدنيا بتظلمهم دايما.

2 – المثالية:

بيهتموا جدا بالتفاصيل بتاعة كل حاجة حواليهم و اهم حاجة عندهم ان الدنيا لازم تكون ماشية بالقلم و المسطرة و مفيش اى مجال للاخطاء و الهفوات و ساعات كثير مهما كانت الحاجات الحلوة اوى بيلاقوا برده فيها عيوب و ده بسبب نظرتهم المثالية و اللى بتتطمح دايما للكمال اللى مش بيعرفوا يوصللوا و ده بيسببلهم احباط.

4 – الحساسية المفرطة:

زى ما قلنا قبل كده ان من مميزات برج الحوت الحساسية و الرقة لكن من عيوبهم برده ان الحساسية دى بتكون زيادة ساعات عن الطبيعى و بتكون فى مواقف متستهلش الحساسية و الزعل و ده بيسببلهم مشاكل كثير فى حياتهم مع الاخرين و ممكن يعملوا من حاجة بسيطة مشكلة كبيرة و نفسيتهم تتعب و قلبهم يوجعهم كثير من اسباب الناس بتشوفها متستهلش كل الحساسية دى.

5 – التشاؤم:

لو الدنيا ممشيتش زى ما كانوا متوقعين الحياة بتكون سوداء قدامهم و بيفقدوا الدافع لعمل اى شىء او تصليح اى مشكلة و بيركزوا بس فى نصف الكوباية الفاضى و السلبيات اكثر من الايجابيات.

6 – الكسل:

ده اكبر داء بيصيب اصحاب برج الحوت و ممكن الكسل ده يمنعهم من اداء مهمامهم اليومية و يقلل من عزيمتهم و اصرارهم و الطاقة عندهم ضعيفة جدا و مش بيقدروا يبذلا مجهود كبير فى اى حاجة و بيحتاجوا للراحة كثير اكثر من اى شخص.

اقروا كمان: الحساسة الرقيقة انثى برج الحوت

الرومانسي: رجل برج الحوت

توافق برج الحوت مع الأبراج التانية

أحلى هدايا لانثى برج الحوت

أهم 6 أسباب لجاذبية برج الحوت!