إيه احلي هدايا لانثى العذراء؟

بقلمسارة جمال فيبرج العذراء visibility19209

اتكلمنا في مقالة قبل كدة عن الانثى الساحرة الذكية انثى العذراء, وعرفنا مواصفاتها ومميزتها وكمان هي بتتوافق مع من الأبراج التانية, تعالوا النهردة نشوف سوا إيه هي الهدايا اللي ممكن تعجبها وتكون لايقة علي شخصيتها.

إيه احلي هدايا لانثى العذراء ؟

1- الهدايا اللي تساعدها إنها تنظم حياتها:

بما إن امرأة العذراء دقيقة ومنظمة وبتكره الفوضي عشان كده من الحاجات اللي ممكن تعجبها وتسعدها هي الهدايا اللي ممكن تساعدها علي تنظيم بيتها أو اوضة نومها أو مكتبها , زي مثلا مكتبة أو رفوف للكتب بتعتها, ممكن دولاب في اوضة نومها أو مطبخها , أو علبة متزوقة عشان تشيل فيها مجوهراتها أو دهبها بشكل منظم أو مثلا للميك أب بتعها, ممكن كمان هدايا المكتب اللي ممكن تحتاجها وتنظم بيها اقلامها, اوراقها أو ملفاتها في شغلها وفي نفس الوقت يكون ذوقها حلو وشيك.
صندوق مجوهرات
صندوق مجوهرات

2- الهدايا العملية:

العذراء هو برج ترابي والابرج الترابية بتتميز بشخصيتها العملية وبيبقوا متعلقين بالأنشطة التي لها نتائج ملموسة؛ عشان كده هتلاقوها بتفضل الهدايا اللي هي مفيدة في الحياة اليومية, زي الأجهزة المنزلية اللي ممكن تساعدها وتسهل حياتها (غسالة الاطباق، الخلاطات، أومجفف الملابس مثلا). علي الرغم  من إن الهدايا ديه ممكن متبانش إنها رومانسية جدا، بس هي فعلا هتسعدها.
 الهدايا العملية
الهدايا العملية

3- الفلوس :)

 ديه هدية غريبة حابتين :) بس مش لازم تكون في هيئة فلوس يعني, يعني ممكن مثلا هديتها تكون وديعة في بنك, أو برضة ممكن فكرة كارت الهدايا اللي كل المحلات دلوقتي بقيت بتعمله “gift card”, ديه هدية رائعة بالنسبة ليها و بعد كده هي تقدر تستعمله وتجيب بيه اللي يعجبها في أي وقت.
فلوس أو جفت كارد
فلوس أو جفت كارد

 4- الدلع والترفية:

طبيعي لأن انثى العذراء بتدور دايما عن الدقة والكمال إنها بتبقي كتير متوترة, وواخدة كل حاجة علي اعصابها, وبتحب تشتغل كتير وبتنسي نفسها, عشان كده لما يكون فيه مناسبة خاصة في حياتها ليه لأ منجبلهاش هدية تساعدها على الاسترخاء والدلع اللي هي بتبقي محتجاهم. زي سلة السبا اللي بيبقي فيها أملاح الاستحمام بعطور الياسمين أوالبابونج اللي معروفين بتأثيرها المهدئي ومعاهم شور جل وبدي لوشن ومعطر جسم, الحاجات ديه بقت منتشرة قوي وفيه اماكن كتير بطبعها وبأسعار معقولة. وممكن حجز في سبا (منتجع صحي) للمساج والسونه, أو عضوية اشتراك في الجيم لمدة شهر مثلا. من الاخر أنواع الهدايا اللي هتطلعها من الجو العملي الواقعي اللي هي دايما عايشة فيه.
سلة سبا
سلة سبا

5- الورد والشوكلاتة: 

الهدية ده بتتناسب جدا مع الشخصية الهادية الخجولة لانثى العذراء, وبناء علي رأي بنات البرج ديه من احلي الهدايا اللي بتسعدهم :)
الورد والشوكلاتة
الورد والشوكلاتة

6- المجوهرات:

ده بقي الهدية اللي مفيش واحدة في الدنيا ممكن تكون مش بتحبها, وديه هنكتبها لكل الابراج :) لاننا كبنات عمرنا مابنقول لأ للدهب أو المجوهرات, بالنسبة لانثى العذراء هي ممكن تكون بتفضل الدهب الابيض أو الألماظ أو اللولي أكتر من الدهب الاصفر ومش كل بنات البرج بتفضلها.

المجوهرات
المجوهرات

اقروا كمان الباحثة عن المثالية: انثى العذراء

المتفاني: رجل برج العذراء

توافق برج العذراء مع الابراج التانية

أيه هي عيوب برج العذراء؟!

أهم 5 اسباب لجاذبية برج العذراء

ايه هي انسب هدايا لرجل برج العذراء