ازاى تختارى ربطة الحجاب المناسبة لوجهك
عادة البنات المحجبات مش بيركزوا فى شكل وجههم و بيدوروا دايما على الايشاربات الموضة و الالوان و الربطات الجديدة لكن لازم نكون عارفين ان كل واحدة فينا ليها شكلها المختلف و شكل وشها اللى بيفرق عن اى حد . فى اشكال كثير للوجه وجه دائري، ووجهة مربع، ووجه مستطيل، ووجه مثلث مقلوب، ووجه بيضاوي. تعالوا نشوف سوا ربطة الحجاب المناسبة لكل وجه و اللى تظهر جماله.
1 – الوجه المستطيل:
البنت وجهها طويل يبقى تحاول تعمل الطرحة لتحت في اتجاه الخلف أو على جنب، وبعدين تقصر الجبهة وتضيف أي حاجة على الجانب علشان الوجه يبان إنه عريض.وخلّي بالك إن الوجه الطويل لا يتناسب معاه الربطة العالية لأنها هتطوّل الوجه أكثر.
نصائح ليكى :
بلاش تربطى الايشارب جامد على وشك البسى الغطاء القطني (البندانا) تحت حجابك عشان تخففي من طول الوجه وتعطيه مظهر دائرى اكشفي عظام وجنتيك قد ما تقدرى عشان تخلى وجهك يبان مليان شوية استخدمي الحجاب اللى فيه الكشكشة والزخرفة على الجانبين عشان وجهك يبان عريض لبلاش تكشفي رقبتك لأن ده بيزيد من طول الوجه .
2 -الوجه الدائري:
يبقى بلاش تلف الطرح على جنب إطلاقا لأنها تزيد من مساحة (الخدود) وتعمل الطرحة للخلف، لتحت أو لفوق، وممكن تعمل الطرحة شينوه لفوق، وممكن تعمل الربطة ديل حصان لفوق عشان الوش يكون رفيع.
نصائح ليكى :
بننصحك بلاش تلبسى الغطاء القطني تحت الحجاب (البندانا)، عشان بيغطي جبينك. ابدأى حجابك بالقرب من عظام الخدين. متبينيش ذقنك، خاصة لو كنتى من ذوات الذقن المزدوج. ربطة الحجاب المصرية المسماة بالربطة الإسبانية مش هتناسبك
3 -الوجه المربع:
مربع
الوجه المربع والمستطيل بيكون عنده أربع بذور، اثنتين في الجبهة واثنتين في الفكين وعلشان كده لازم تنزل بالطرحة لتحت شوية ونعمل (كروس) طرحة عكس الثانية والطرحة بتساعد إن الوش يكون رفيع وتحاول تداري الجبهة وتحاول تنزل بالطرحة على الجبهة وتقفل الجبهة.
نصائح ليكى :
تجنبي الحجاب الضيق، المقيد تحت الذقن، فهو بيظهر الفك أعرض. لفى ايشارب حول الذقن لتخفي عرض الوجه. تجنبي تغطية جبهتك وعظام خديك.
احرصي على تغطية جانبي الفك، لأن ده بيخفف من عرض الوجه. ربطة الحجاب التركية اللى بتلف حول الرقبة مش مناسبة ليكى
4 – الوجه البيضاوي:
معظم الربطات تمشي معاه وممكن تعمل ربطة على جنب أو تقفل من قدام أو تعمل كروس.
نصائح ليكى :
بتليق عليكى جميع الربطات بما فيها الخليجية والتركية . مفيش مشكلة في ربط الحجاب ربطة تكشف عظام وجنتيك. ممكن تغطية جبهتك وعظام خديك لانه مناسب ليكى احذري من اختيار الربطة الإسبانية، لو كنتى من ذوات القوام الممتلئ، لأنها هتبرز عيوب جسمك
5 – الوجه القلب والمثلث المقلوب:
بيكون الوجه عريض الجبين و ضيق الفك زى القلب وبيكون شكل الوجه من الجبين كالقلب ونحيف الفك والذقن . لفة الحجاب المرفوعة لأعلى هي الأمثل للوجه ده لو كان نصف ممتلئ أو نحيل،. حاولي تغطية بداية الجبين و أن الحجاب يكون موازي لخط وجهك
نصائح ليكى :
اختاري الربطة الفضفاضة. بلاش تلبسى الحجاب المثبث بإحكام، لأنه بيسلط الضوء على جبينك العريض. غطي جبينك عشان ذقنك الرفيع أعرض.