ازالة الشعر نهائيا بالليزر
النهاردة جيبنلكم معلومات عن حاجة بنات كثير فكروا فيها خصوصا انهم زهقوا من روتين ازالة الشعر كل فترة و فى منهم اللى معدل ظهور الشعر عنده عالى فبيتعبوا و يملوا من انهم كل شوية يستخدموا وسائل ازالة الشعر سواء سويت او واكس او كريمات او غيرها و لما بيزهقوا خالص بيلجأوا للحلاقة اللى طبعا بتدمر بشرتهم و مش بتحل المشكلة دى بتزودها اكثر. تعالوا نعرف معلومات عن ازالة الشعر نهائيا بالليزر فى السطور اللى جاية.
إزاي بتتم عملية ازالة الشعر نهائيا بالليزر ؟
فى اجهزة كثير موجودة و منتشرة عند الدكاترة و كلها وظيفتها واحدة انها بتبعت حزمة من الشعاع او طاقة الليزر لحد جذور الشعر فى شكل ومضات و الشعر بيمتص الاشعة دى فبيموت من الجدر و يتدمر و يقع و كثافته تقل وهي ديه طريقة ازالة الشعر نهائيا من الجسم.
ايه الاماكن اللى فى جسمنا اللى ينفع ننزع منها الشعر بالليزر ؟
احسن حاجة فى اجهزة الليزر انها بتعالج مناطق كبيرة و صغيرة حسب الجهاز المستخدم فبالتالى بتنفع لكل اجزاء الجسم حسب الرغبة و خصوصا الاماكن اللى فيها المسام واسعة زى الرجلين و الذراعين و فوق الشفه و الوجه و كمان منطقة البيكينى و الابط .ممكن استخدام جهاز الليزر لجميع مناطق الجسم دون استثناء وكلما كانت الشعرة سميكة وسوداء، كانت الفائدة أكبر.
ليه ممكن الليزر يكون حل بدل الطرق التقليدية لإزالة الشعر ؟
لانه فى فايدة إزالة الشعر من مساحات واسعه من الجلد خصوصا لو ظهور الشعر متكرر فى وقت قصير و بكثافة او موجود فى اماكن مش مستحبة زى الدقن و فوق الشفه كمان الألم اللى بيكون موجود عند نزع الشعر بالليزر بيكون اقل بكثير من الطرق التقليدية .عملية نزع الشعر بالليزر بيدوم لفترة أطول من الطرق العادية وخصوصا بعد عدة جلسات ممكن يزول الشعر تماما و ميرجعش تانى، و لو رجع بيرجع بشكل أنعم و أفتح و بشكل وبر غير مرئي.
مين هما أكثر الناس فائدة من جهاز الليزر؟
ازالة الشعر بالليزر ومدى كفائتها بتعتمد على تقييم الدكتور وهى بتنفع لكل انواع البشرة و لكن فيه انواع بتكون مستفيدة اكثر من غيرها و بيكون علاجها اسرع زى اللى عندهم ـ الجلد الأبيض ـ الشعر الأسود ـ الشعر السميك.
ايه هى المعلومات المهمة اللى لازم اعرفها ؟
ان فيه مفهوم غلط ان أشعة الليزر بتسبب السرطان و ده مش صح لان الاجهزة دى مصرح بيها فى كل العالم و درجة الاشعاع بتكون مناسبة للعلاج فقط .ممكن استخدام الليزر للمرأة الحامل وهو آمن خلال فترة الحمل وملوش أضرار على الجنين لأن الليزر مش يخترق طبقات الجلد السفلي لكن السطحية بس .أهم عضو في الجسم لازم الحفاظ عليه هو العينين ولازم نغطيتها خلال جلسة الليزر عن طريق نظارة مخصوص بيوفرها الدكتور و كمان ممكن استخدام الليزر في أي مرحلة من مراحل العمر.
هكون حاسة بإيه عند الاستخدام ؟
الحاجة الوحيدة اللى هتحسى بيها هى سخونة او حرارة بسيطة على الجلد عند كل ومضة و لو بشرتك حساسة اوى هيحصل تهيج و احمرار بسيط هيروح بعد العلاج . لازم تكونى متأكدة من الدكتور و المركز لان فى ناس بتروح لاماكن مش متجربة و مش مضمونة و بيحصلها غمقان و حروق فى الجلد اما الاماكن المضمونة هى اللى بيكون التعامل معاها مريح و التجربة ايجابية و مريحة.
اتوقع ايه من الجلسات ؟
لازم تكونى عارفة ان الشعر مش هيختفى 100 % من اول جلسة و هتحتاجى مجموعة جلسات و كل واحدة فيهم بينها و بين التانية 3 اسابيع او شهر و هتلاحظى ان الشعر الاسود بيقل اونه و بيصبح اشقر و الشعر السميك بيكون ضعيف جدا ممكن تشيليه حتى بإيدك و الشعر بيتأخر ظهوره جدا و لو ظهر بيكون ضعيف و قليل و ازالته سهلة اوى.
ايه هى النصايح المهمة بعد عملية ازالة الشعر بالليزر ؟
لازم تعتنى ببشرتك و متعرضهاش للشمس كثير من غير حماية و متغسليش البشرة كثير و تسببلها تهيج و استخدمى كريمات مرطبة و منظفات مفهاش كحول.
شوفي كمان فوايد زيت السعد لازالة الشعر نهائيا!
وصفات الكركم لازالة الشعر الزائد من الوجه بدون الم
