طرق طبيعية لتصغير المؤخرة

يسرا خالد

في

57970

من اهم الحجات اللى بتشغل بال بنات حوا هى ازاى دايما يحافظوا على رشاقة جسمهم و يكون جسمهم متناسق دايما. فى مشكلة ساعات بتواجهم هى ان حجم المؤخرة بيكون زيادة شوية وبالتالى بيقلل من فرصهم فى اختيار اللبس المناسب اللى عاجبهم … عشان احنا بنهتم بجمالكم وراحتكم جايبنلكم نصايح عشان تصغير المؤخرة بسهولة وطرق طبيعية…

يلا نبدأ نصايح تصغير المؤخرة

النصيحة الاولى : أكلك !

1 – السعرات الحرارية

اعتبرى السعرات الحرارية هى عدوك الاساسى و لازم تبعدى عنه يعنى مفيش اكل مش مفيد من برة و مفيش بيبسى ولا صودا ! لان كل ده بينزل على الارداف و المؤخرة . املى معدتك بالخضار و الفاكهة اللى بيشبعوا و سعراتهم الحرارية قليلة و اشربى بدل الصودا مياه كثير هتساعدك تخسى بدل الصودا اللى بتزود السكر و الكوليسترول فى الدم و بتخن كمان مش الارداف و المؤخرة دى بتتخن وسطك.

2 – البروتينات و الالبان

الاتنين دول هيساعدوكى فى خسارة الوزن و تنسيق شكل العضلة عشان كده احرصى على اكل البيض و الفراخ و الزبادى اللايت و الجبنة القريش.

3 – النشويات المفيدة

من اهم النصايح لخسارة وزنكانك متقطعيش النشويات تماما لانه هيضر جسمك اكتر ما هيفيده و النشويات الصحية بتساعد فى حرق الدهون و سهولة الهضم و انك متلخبطيش الاكل و الدايت عشان بتعدل نسبة السكر فى الدم فمش بتجوعى. زى السلمون و المكسرات و الزيتون و زيت الزيتون و الافوكادو و المكرونة و الشوفان و الارز البنى .

النصيحة التانية: اسلوب حياتك!

1 – الوقوف مهم

التفاصيل الصغيرة فى حياتنا بتفرق . القاعدة الكثير فعلا بتأثر على حجم المؤخرة احرصى انك تقفى قد ما بتقعدى و تتحركى كثير حتى ولو فى الشغل متسرحيش فى قعدتك على المكتب او فى البيت قدام التلفزيون .

2 – خلى الحركة اسلوب حياة

لو معندكيش وقت انك تروحى الجيم يبقى لازم تيجى على نفسك و تتحركى كثير خلال اليوم عشان تساعدى نفسك انك تخسى . انسى المصعد و استخدمى السلالم و هتلاقيها حل سحرى لتصغير المؤخرة . اركنى عربيتك بعيد عن مكان الشغل عشان تتمشى 10 دقائق الصبح او انزلى من المواصلات فى حتة بعيدة شوية قبل بيتك او شغلك. اعملى كل حاجة تقدرى عليها عشان تتحركى كثير و لو نازلة تشترى حاجة من مكان قريب خديها مشى احسن.

النصيحة التالتة : التمارين !

1- التمرين الاول

هاتى دمبلز ( احمال ) متكنش تقيلة يعنى مثلا كيلو او 2 كيلو بالكتير اوى و هنقف زى الصورة مش هنقفل رجلينا و ننزل بالاحمال دى للنصف و نتأكد ان ظهرنا مفرود صح و ركبنا متنية شوية صغيرة و نطلع بيهم تانى و نكرر التمرين 20 مرة

2 – التمرين التانى

تمرين الكوبرى ده مهم جدا لو عايزة تخسرى وزن فى المؤخرة بسهولة و هتكررى التمرين ده 15 عدة مرتين فى اليوم . هننام على ظهرنا و نبدأ نرفع رجلينا ذى الصورة لفوق و نعمل قوس او كوبرى بجسمنا 10 ثوانى و ننزل و نطلع و نتأكد ان احنا بنعمل تمرين برضه لعضلة المؤخرة و ارخاء العضلة عند النزول على الارض.

3 – التمرين التالت

هنقف ظهرنا مفرود و نحط ايدينا فى وسطنا زى الصورة و هنفتح رجلينا حاجة بسيطة و نبدأ برفع الرجل للجنب زى الصورة و نعمل 60 عدة لكل رجل و بين كل 20 عدة هنخد راحة 10 ثوانى و بعدين نخلص الرجل الشمال نبدأ بالرجل اليمين.