مطاعم مميزة فى الزمالك

يلا بينا نكمل رحلتنا فى دليل مطاعم القاهرة و الاماكن الجديدة اللى ممكن تغيروا خروجاتكم و تجربوها . النهاردة جايبنلكم مطاعم الزمالك المميزة, تعالوا نشوفها سوا…

1 – أليكس توب

لو مش عايزين تروحوا مطعم غالى او تقليدى و كنتم من محبى الاطباق المصرى عارفين ان مفيش اجمد من الكشرى خصوصا لو كلته فى الاطباق الالومنيوم المعروفة . اليكس توب محل فى الزمالك بيقدملكم الخدمة دى فى مكان لطيف صغير و بنظافة و خدمة سريعة . احجام الكشري الموجودة، فيه حجم عائلى، والفويل، والمخصوص، والسوبر، والإسبشيال (.و فى عندهم كمان 3 أنواع طواجن: طاجن فراخ، ولحم، وكبدة ده غير المكرونة بالفراخ أو اللحم أو الكبدة. 2 شارع دكتور طه حسين الزمالك, القاهرة, مصر. العنوان مصري 0227357601

2 – أنتيك خانة

مكان جميل و هادى و مناسب جدا لو عايز تبعد عن زحمة الكافيهات و المطاعم المتكررة . المكان ديكورات قديمة و رائعة من اول البيانو و لحد الاضاءة و الاباجورات القديمة و الزجاج اللى بيرجعك لايام زمان . المكان بيقدم مجموعة متنوعة من الاكلات العالمية و الفرنسية و الاطباق من اللحوم و الفراخ و اللى بيكون معاها اطباق جانبية زى مثلا تشيكن أنتيك وفيليه اللحم المشوي. فى كمان مجموعة كبيرة من المشروبات و الحلويات زى تارت موس الشوكولاتة

8 شارع البرازيل الزمالك, القاهرة, مصر. العنوان عالمي, فرنسي 01222168458

3 – يونايتد كبدة

المكان بسيط و جميل جدا لانه بيوفرلك اكل الشارع فى مكان نظيف حتى مدخل المطعم موجود فيه العربية اللى بتحضرلك الاكل لمنيو بسيط و فيه اختيارات بين أربعة أنواع من السجق، وزيهم للكبدة، بالإضافة لعدد من أطباق الباستا والأرز. وبما أن الأكل شعبي، فـ بالتالي الحلو شعبي، ومنحصر في ساندويتشات زي السكلانس، حلاوة بالقشطة والمربى بالقشطة. المكان يستحق الزيارة لان جودة الاكل عالية و الاسعار بسيطة جدا على الكمية اللى بتكون فى الساندوتش زى ساندويتش الكبدة الإسكندراني و السجق المشوي بالجبنة.

9 شارع حسن عاصم – الزمالك الزمالك, القاهرة, مصر. العنوان شرقي 01112477727

4 – طابون

مطعم لبنانى لطيف فى الزمالك و المنيو بتاعته اسعارها مناسبة جدا . بيتميز بتقديم الاطباق اللبنانية المعروفة و بيزود معاها الاطباق الجانبية العادية اللى كلنا عارفنها . الالوان فى الديكور دافئة و جميلة و معظم المطعم من الخشب . المنيو كبير وفيه أطباق كثيرة، من ضمنها وجبات إفطار لبناني زي فتة الحمص بالزبادي وكومبو الفول والفلافل والبيض. أما وجبات وأطباق بقية اليوم، فهي الأكلات اللبنانية المعتادة واللي ممكن تلاقيها في أي مطعم لبناني، المزات الباردة والساخنة، زائد السلاطات بأحجام مختلفة والشاورما بأنواعها. و من الأطباق الرئيسية طلبنا وجبة شيش طاووق 5 شارع أبو الفدا – الزمالك, برج أم كلثوم الزمالك, القاهرة, مصر. لبناني 19924

5 – تاى ايليفنت

لمحبى الاكل التايلندى مطعم ذو ديكور عتيق ساحر فى فندق النيل بالزمالك المنيو كبيرة جدا و يعتبر من اقدم المطاعم اللى بتقدم الاكل التايلندى فى مصر و متخصصين فيه المنيو فيها اطباق زى كريسبى تشيكن بالصوص، فراخ بالكارى الأخضر مع حليب جوز الهند، لحم بالكارى الأحمر من غير حليب جوز الهند وطلب جانبى من الأرز المسلوق.

فندق النيل الزمالك, 21 شارع المعهد السويسري، ميدان صدقي الزمالك, القاهرة, مصر. العنوان تايلاندي 0227350220 0227351846 01060700549

نتمني إن اختيارتنا لأحلي مطاعم الزمالك تكون نالت اعجابكم ولو مكنتش جربتوا حد فهم يلا جربوا وشركونا رايكم ايه..