اهم أكلات زيادة الوزن
مع ان كتير من بنات حوا بيهتموا جدا بفقدان الوزن و انهم يعرفو الاكلات اللى بتخليهم يخسوا بسهولة بس فى كمان بنات كثير بيعانوا من وزنهم الضعيف جدا اللى بيسبببلهم احراج ساعات و بيدوروا على لالكل اللى يساعدهم يتخنوا بسرعة عشان يكون شكلهم احلى . فى مشكلة بيقعوا فيها انهم بيعتمدوا على الاكل من برة و اكل النشويات كتير معتقدين ان ده هيساعدهم بس كل ده اكل مش مفيد و مش بيعرفوا يكسبوا وزن بطريقة صحية . عشان البنات اللى عايزة تتخن جايبنلكم اهم أكلات زيادة الوزن تعالوا نشوفهم..
1- السلمون
احرصى على تناول قطعتين من سمك السلمون كل يوم لانه مليان بروتين و بيساعد على زيادة الوزن.
2- زبدة الفول السودانى
لو جبتيها من السوبرماركت و فردتيها على توست او عيش فى الفطار هتلاقى فيها 192 كالورى و مليانة بروتين.
3- البيض
يعتبر مصدر للبروتين اقتصادى و مليان فيتامينA,D,E و كوليسترول مفيد.
4- بار الطاقة
عبارة عن قطعة شبه الشوكالاتة بتتباع فى السوبرماركت او الصيدلية و مليانه مكسرات و شوفان و فيها 500 كالورى مناسبة جدا للفطار و طعمها رائع.
5- الزبدة
طبعا عارفين ان دى اكثر حاجة بتتخن و لكن ناكلها بكميات كعقولة عشان برده منتعبش القلب و تأثر على صحتنا.
6- الكرواسون و البيجل
المخبوزات اللى كل الناس بتحبها و مليانه كربوهيدرات مفيدة و بتخن.
7- التونة
غنية بالاحماض المفيدة و الدهون الصحية و بتياعد على مش بس كيب الوزن و كمان الحفاظ على شكل الجسم و الصحة العامة.
8- الجبنة
القطعة الواحدة من جبنة الشيدر فيها 69 كالورى و مليانة لبن و بروتين و كالسيوم و دهون و سعرات حرارية عالية بس مفيدة.
9- عصير الفواكه الطبيعى
احرصى على انك تشربى كوب عصير معمول فى البيت كل يوم و زوديلوا سكر حسب الحاجة لانه طريقة سهلة و مفيدة لكسب الوزن.
10- المكرونة و الارز البنى
مليانين بالسعرات الحرارية و تعتبر اكلة مغذية و مفيدة و فيها نشويات مهمة.
11- الجمبرى
المواد الغذائية و الاحماض و السعرات الحرارية اللى موجودة فيه بتساعد جدا على زيادة الوزن بصحة.
12- الفواكه المجففة و المكسرات
لو كلتى كل يوم بمقدار طبق صغير من الفواكه المجففة و المكسرات هيزيد وزنك لانها مليانة سكر و سعرات حرارية عالية و مفيدة جدا.
13- الشوفان
مليان بالالياف الصحية اللى بتساعد جسمك على الهضم و زيادة الوزن.
14- الموز
الموزة الواحدة فيها 100 كالورى و تعتبر مصدر للطاقة و الكربوهيدرات العالية.
15- صدور الفراخ
القطعة الصغيرة منها فيها 78 سعر حرارى و تعتبر مصدر مهم للبروتينات.
16- البطاطس
سواء مطبوخة او مشوية مليانة نشويات و سكريات مفيدة و بتياعد على زيادة الوزن بسرعة.
