ازاى تتخلصى من كالو القدمين

كالو القدمين بيكون مزعج و مؤلم جدا و بيسبب حرج للبنات لانه بيأثر على جمال القدمين و صحتهم و ممكن يسبب آلام تخليهم مش عارفين حتى يقفوا او يلبسوا الحذاء اللى عاجبهم .من اسباب الكالو الوقفة الكثير و عدم اهتمامنا بترطيب اقدامنا كل يوم و زيادة الضغط على الرجل نتيجة للعرق و المقاسات الغير مريحة للحذاء ..فى وصفات بسيطة ممكن تحربوها فى البيت هتساعدكم فى المشكلة دى…

1 – الخل الابيض

علاج متجرب و فعال فى علاج المشكلة لان نسبة الحمضيات فى الخل عالية و بتعمل على ازالة الجفاف و كمان مضاد للبكتيريا و الفطريات
قبل ما تنامى حطى معلقة خل على 3 ملاعق مياه و هاتى قطنة و امسحى منطقة الكالو كثير بيها . هاتى بلاستر و اربى المنطقة المصابة و نامى بيها و الصبح حطى زيت ويتون او جوز هند للترطيب و اعملى كده كرة فى اليوم يوميا.

2 – بيكينج صودا

تعتبر سكرب طبيعى هيساعدك فى التخلص من الجلد الميت اللى حولين الكالو و بالتالى هيكون سهل التخلص منه و كمان فيه مضاد للبكتيريا مناسب للجلد .هتحطى كعلقتين بيكينج صودا فى طبق فى مياه دافية و تحطى رجليكى فيه و تسيبيه ربع ساعة و تعملى الكالو بالحجر و رجلك فى المياه ..ممكن كمان تحطى معلقة بيكينج صودا مع معلقة عصير ليمون و تحطيها على الكالو و تغطى رجليك و تسيبيها طول الليل و تصحى الصبح تغسليها بمياه دافيه مع استخدام الحجر للتقشير لحد بعد فترة هتلاقيه نشف و راح.

3 – الثوم

يعتبر الثوم مضاد للاكسدة طبيعى و كمان مطهر للجلد و بيمنع ظهور اى عدوى فى كذا طريقة ممكن نستخدمه بيها . ممكن تجيبى نصف ثومة و تدعكى الكالو بيها و تربطيها و تنامى بيها و الصبح نغسلها بمياه دافية و تعملى كده كل يوم بليل .ممكن كمان تفرمى تلات ثومات و معاهم شوية ملح و تحطى الخليط على الكالو و تربى بشريط بلاستر لاصق عشان هتسبيه 3 ايام و فى اليوم التالت هتلاقى الكالو تقريبا اختفى . ممكن برده تخلى الثوم مع الخل و تفرميهم و تعملى نفس الطريقة بس هتسبيه 3 ساعات بس و بعدين تغسليه و تكررى العلاج لمدة 3 – 4 اسابيع.

4 – الليمون

يعتبر طريقة فعالة لترطيب الجلد و ازالة الخشونة . هنجيب عصير ليمون و نحطه على الكالو و نسيبه ينشف فى الهواء و نكرر 3 مرات فى اليوم . ممكن كمان ننقع قطعة قماش مع معلقة ليمون و مياه لمدة ربه ساعة و بعدين نستخدم القماشة فى فرك الجلد المصاب و نسيبها تنشف فى الهواء.

5 -الاسبرين

هنطحن 5 اقراص اسبرين ريفو وع نصف معلقة ليمون و مياه و نحطهم على الكالو و نربطهم بفوطة دافيه و نسيبهم 10 دقائق و بعدين نشيل الفوطة و نستخدم الحجر . لو حد عنده حساسية من الاسبرين او مرض السكر ممنوع يجرب الطريقة دى.

6 – الكاموميل

ممكن تستعملى الكاموميل فى ازالة الكالو لانه مهدأ و ملطف للبشرة هتجيبى اكياس الكاموميل من السوبرماركت و تنقعى كذا واحدة مع المياه الدافية و تحطى رجليكى فيهم ربع ساعة عشان لمل تيجى تستعملى الحجر فى ازالة الكالو يكون اسهل.

نصائح لمنع ظهور الكالو

– المحافظة على نظافة القدمين والوقوف بشكل صحيح عشان ميزدش الضغط على القدمين.

– وضع القدمين فى الماء الدافىء كل يوم لترطيب الجلد لمدة 10 دقائق.

– استعمال كريم مرطب للقدم عشان نحافظ على المنطقة ناعمة و تقلل من ألمها فى المشى.

– إختيار الحذاء المناسب لراحة القدمين و نقلل من الكعب العالى.

– استخدام الشرابات القطنية لمنع العرق اللى بيسبب زيادة فى سمك الجلد وظهور الكالو .