أساسيات فى اختيار شريك الحياة

يسرا خالد
يسرا خالد
16325

فى كتير من بنات حوا بيحتاروا و مش بيعرفوا يحددوا ازاى يختاروا الشخص اللى هيعيشوا  معاه طول عمرهم . الاختيار بيكون صعب اكيد بس لازم كل واحدة فينا يكون عندها اولويات فى حياتها و الحجات اللى هى متقدرش تستغنى عنها عشان تقدر تختار الشخص المناسب.. فى حاجات و اساسيات بتختارى على اساسها و بتسهل عليكى الحيرة اللى بتكونى فيها فى الاختيار . تعالوا نقرا فى السطور الجاية اساسيات فى اختيار شريك الحياة.

اساسيات اختيار الزوج
اساسيات اختيار الزوج

1- اعرفى نفسك و اهدافك:

قبل ما تختارى شريك حياتك لازم تعرفى نفسك كويس و تفهمى شخصيتك و انتى عايزة ايه و ايه الحجات اللى بتحبيها و الحجات اللى مش بتحبيها و الحجات اللى شاطرة فيها و الحجات اللى مش اوى , طباعك و مواهب و عيوبك اللى لازم تتعلكى تحبيها قبل اى حد مستنياه يحبك . اسالى اصحابك القريبين او اهلك عن نفسك و فكرى و ارسمى لنفسك معالم واضحة لوجودك فى الحياة و شخصيتك .لازم كمان تجيبى ورقة و تحددى اهدافك فى الحياة و انتى شايفة نفسك ازاى فى المستقبل زى مثلا: – انا عايزة اخلف كام طفل ؟ – انا عايزة ابقى ست بيت و لا اشتغل بعد الجواز؟ – ايه الحجات اللى نفسى احققها فى حياتى؟ – ايه نوع الحياة اللى عايزة اعيشها ؟ مرفهة و لا عادية فى البيت و لا سفر كثير…الخ

2- اتعلمى من تجاربك السابقة:

لو عندك صعوبة انك تحددى انتى عايزة ايه فى شريك حياتك دايما ارجعى للماضى و فكرى فى تجاربك السابقة و ليه هى منجحتش و هتلاقى الحل لان الطبيعى الحجات اللى كنتى عايزاها مكنتش موجوده فى الشخص ده و عشان كده العلاقة منجحتش . اسألى نفسك اسئلة زى دى : – ايه الحجات اللى كانت عجباكى فى الشخص ده – ايه الحجات اللى مكنتش عجباكى فيه – ايه الحجات اللى اختلفتوا فيها فى وجهات النظر – الشخص ده كان بينتقدك فى ايه – ليه العلاقة دى انتهت – ايه الحجات اللى كنتى بتنتقديها فيه

3- الاسئلة الكتير ة مهمة:

لما تلاقى نفسك فى موقف انك لازم تختارى شخص معين اسألى اسئلة كثيرة .اعرفى منه هو ايه خططه للمستقبل و شغله و عاداته بيدخن مثلا و ايه الحجات اللى بيدور عليها فى شخصية شريكة حياته و ايه الحجات اللى ميقدرش يستحملها . لازم تعرفى كل حاجة عن جوانب حياته عشان ميحصلش اى مفاجأت فى النص زى الناس اللى بتتفاجىء ان خطيبها مش عايزها تشتغل بعد الجواز مثلا . بلاش تسألى أسئلة شخصية كثير لانه عمره ما هيقلك الحقيقة . أجلى أسئلة انت كنت مرتبط كام مرة و حبيت بجد قبل كده دى لحد ما تعرفوا بعض كويس مش قبل شهرين تلاتة او اكثر.

4- راقبى نفسك:

لازم تقيمى شعورك ناحية الشخص اللى هيكون شريك حياتك . حاولى تلاحظى انتى بتتصرفى ازاى معاه ؟ هل بتكونى على طبيعتك و بحريتكو لا بتكونى بتمثلى شوية و كلامك و هزارك بيكون من قلبك و لا مصطنع ؟ الحجات دى صغيرة بس مهمة جدا انها تعرفك انتى مستريحة للشخص ده ولالا و هتعرفى تكونى بطبيعتك و هو هيقبلك بيها ولا لا . بلاش تدخلى فى علاقة مبنية على التمثيل من اولها و عدم الراحة.

 5- حل المشاكل:

من اهم الحجات اللى لازم تركزى فيها و انتى بتختارى اى شخص قدرتكم سوا على حل المشاكل . لازم تعرفى اذا كان عنده مبدأ النقاش و الاستماع لرأيك و انكم توصلوا لحل وسط عشان الدنيا تمشى و انه بيحترم رأيك و مستعد يتنازل مرة و انتى مرة مش انتى علاطول عشان المشكلة تتحل . لازم يكون فى لغة حوار و نقاش بناء ما بينكم مش عصبية و فرض آراء و عدم تفهم لان المشاعر بتقل اكيد بعد الجواز و مش بيتبقى غير النقاش و الاحترام.

مقالات متعلقه

5 حاجات هتحصلك لما تقابلي توأم روحك

5 حاجات هتحصلك لما تقابلي توأم روحك

5 اختلافات بين توأم الروح وشريك الحياة..ومين الافضل للارتباط بيه!

5 اختلافات بين توأم الروح وشريك الحياة..ومين الافضل للارتباط بيه!

10 حاجات لازم تكون موجودة في شريك حياتك المناسب

10 حاجات لازم تكون موجودة في شريك حياتك المناسب