وصفات لتفتيح المناطق الحساسة

بقلميسرا خالد فيبشرة visibility52695

المناطق الحساسة فى جسمنا بتحتاج عناية زيادة عن اى منطقة فى جسمنا لانها بتتعرض للحكة نتيجة للحركة و العرق و المواد الكيمائية فى ازالة الشعر وغيرها و كل ده بيسبب غمقان فى الجلد و بقع سوداء و بتسببلنا عدم الراحة ..بنقدملكم وصفات سهلة و مش مكلفة و متوفرة فى البيت هتساعدكم فى تفتيح المناطق الحساسة..

وصفات طبيعية
وصفات طبيعية

1– معجون الكركم:

الوصفة دى قوية جدا فى تفتيح المناطق الحساسة و بتسيب جلدك منور 1 معلقة كركم 2 معلقة عصير ليمون 1 معلقة زبادى هنمزجهم كويس و نحطهم على المنطقة الغامقة و نسيبهم 15 دقيقة و نغسلهم بمياه ساقعة. هنعمل الوصفة دى 3 مرات فى الاسبوع قبل الاستحمام .

2 – اوراق النعناع:

هنجيب اوراق نعناع و نطحنها كويس و نزودها على اى كريم مرطب عادى و ندهن بيها المنطقة الصبح و بليل و مش محتاجين نغسلها هنسيبها مع الكريم يشربها الجلد.

3 – اللوز:

هنجيب اللوز و ننقعه فى المياه طول الليل و بعدين نطحنه و نحط عليه كوب لبن و ندهنه على المنطقة و ننام بيه طول الليل و نغسله الصبح لمدة اسبوعين.

4 – سكرب السكر و الليمون:

هنجيب معلقة عسل و عصير نصف ليمونة و نزود معلقة سكر عشان نعمل السكرب و ندهنه بطريقة دائرية و نسيبه 10 دقائق و بعدين نغسله . السكر بيساعد على ازالة الخلايا الميتة و العسل بينعم الجلد و الليمون بيقلل الغمقان و بيساعد على التفتيح.

5 – الزيوت الطبيعية:

استخدمى اى نوع من الزيوت الطبيعية زى زيت الزيتون او اى زيت تحبيه و ادهنيها دايما قبل ما تنامى لانها بتحافظ على ترطيب المنطقة و بتقلل من اثار العرق و الغمقان و بتفتح الجلد.

6 – الليمون و الطماطم:

يعتبروا خليط سحرى مليان بفيتامين سى اللى هو اساس تفتيح البشرة . هنجيب نصف طماطماية و نصف ليمونة و ندعكهم على المنطقة و نسيبهم 20 دقيقة و نغسلهم.

طيب ازاى نمنع حدوث المشكلة ؟!

1 – نلبس دايما ملابس داخلية قطنية ومريحة لانها بتمنع الاحتكاك والعرق. 2 – نمتع عن كريمات ازالة الشعر والحلاقة فى المنطقة دى ونلتزم بالسويت او الواكس لان الحلاقة بتسبب تغيير لون الجلد و جفافه و بتدمر الجلد. 3- ناكل اكل صحى من الخضروات و اللحوم و القمح اللى بيحافظ على نضارة الجلد ونبعد عن الدهون. 4 – نشرب مياه كثيرة عشان تشيل السموم من الجسم و تحافظ على ترطيب البشرة. 5 – نستخدم منظفات طبيعية او صابون مخصوص للمنطقة الحساسة ميكونش فيه كحول او مواد كيمائية.

شوفي كمان وصفات طبيعية لتنضيف و تعطير المنطقة الحساسة

تعطير المنطقة الحساسة
تعطير المنطقة الحساسة