اعملى معطر طبيعى لجسمك فى البيت
الاسواق كلها منتشرة بالكريمات و السبراى المعطر للجسم و كلنا بنحرص على شرائها عشان مفيش حد فينا مش بيحب يكون رائحة جسمه جميلة علاطول . المنتجات اللى فى الاسواق دى للاسف فيها مواد كميائية مضرة فى اوقات كتير للجلد مع الاستعمال لفترات طويلة . بنات حوا هتقلكم على سر بسيط موجود عند محلات بيع الزيوت ممكن يخلى رائحة جسمك مميزة و محدش هيكون زيك لانك هتعملي بنفسك فى البيت معطر طبيعى و هيدوم لأيام كمان تعالوا نشوف سوا.
الحجات اللى هنحتاجها عشان نعمل المعطر الطبيعى:
1 – الزيوت العطرية 2 – الزيوت الحاملة او الزيوت الاساسية 3- مياه من الفيلتر 4 – الكحول
الزيوت الحاملة او الاساسية اللى هنستعملها فى الخلطة ( اختارى اى واحد فيهم):
1 – زيت اللوز يعتبر زيت خفيف و بيمتصه الجلد بسهولة و بيسيب الجلد ناعم جدا 2- زيت الزيتون يعتبر اكثر زيت متواجد و سعره مش غالى و بيشيل السموم من الجسم و بينعشه 3 – زيت الجوجوبا اكثر زيت شبه الزيةت الطبيعية اللى فى الجسم و يعتبر افضل اختيار لو هنستعمله لانه مش بيسيب اثار و بيخلى جلدك فى قمة الترطيب لانه فيه فيتامين E بس سعره اغلى شوية من الزيوت السابقة
الزيوت المعطرة اللى ممكن نستعملها:
لازم نستخدم الزيوت العطرية بمقدار معين لان كثرها مش بيكون مفيد للجلد و بيسبب التهابه . الوصفة الامثل هى 50 نقطة من الزيت العطرى و اللى بتساوى نصف معلقة . الزيوت العطرية دى مش بس بتخلى رائحة جسمك رائعة لكن كمان دى بيستخدموها للعلاج و تهدئة الاعصاب زى الفانيلا و اللافندرو البرتقال معروفين فى تقليل الضغط العصبى و التوتر و النعناع و القرفة بيساعدوا على زيادة النشاط و التركيز.فى انواع كثيرة ممكن تلاقيها عند المحلات اللى متخصصة فى بيع العطور و الزيوت و ممكن تمزجى انتى الانواع ببعض فى البيت و تخترعى انواع و روائح رائعة .
طريقة التحضير ( اسبراى معطر ):
المكونات دى هنخلطهم ببعض فى ازازة سبراى المهم تكون نظيفة 1 – 10 ملاعق كحول 2 – نصف معلقة زيت عطرى 3 – 4 ملاعق مياه 4 – نصف معلقة زيت اساسى
الطريقة : هنمزج الكحول و الزيت العطرى ببطء و فى طبق تانى هنمزج المياه و الزيت الاساسى و بعدين نحطهم كلهم على بعض و نقفل عليهم لمدة اسبوعين فى مكان ضلمة و نرجهم كل يوم و بعد اسبوعين هيكون العطر الرائع جاهز للاستخدام !
وصفات من غير كحول ( مش هتكون سبراى ,هتكون ذو ملمس زيتى للجسم مش للهدوم )
1 – معطر اللافندر
كوب زيت لوز حلو 1\8 كوب زيت جوجوبا 40 نقطة زيت لافندر 20 نقطة زيت فانيللا هنمزجهم كلهم فى زجاجة او رول اون و نرجهم كويس و هيكونوا جاهزين للاستعمال. بس نخلى بالنا ان دول ملمسهم زيتى شزية يعنى بالش نقربهم للهدوم نخليهم على جسمنا بس
2- معطر القرفة
نصف كوب زيت لوز حلو 1\4 كوب زيت جوجوبا 1\4 كوب زيت زيتون 15 نقطة من زيت القرفة 20 نقطة زيت الفانيللا
هنمزجهم كلهم و نرجهم كويس فى زجاجة و هيكونوا جاهزين.