إزاي نمنع ظهور الحبوب عند ازالة الشعر

بعد ازالة الشعر بالسويت او الواكس او حتى الحلاقة بيظهر على الجلد عند بعض السيدات حبوب و علامات احمرار و ساعات بتزيد مع الوقت و بتسب غمقان . الحبوب دى بتيجى نتيجة للضغط على الجلد و كمان استعمال الحرارة الزايدة عليه بكثرة  نتيجة للسويت او الواكس. جايبنلكم معلومات ازاى نحافظ على جلدنا و نتغلب على المشكلة دى بعد ازالة الشعر…

1 – النصيحة الاولى :

لازم نتخلص من الجلد الميت سواء قبل او بعد عملية ازالة الشعر . لمت نلاحظ الحبوب دى هنعمل سكرب منزلى بسيط و نستخدمه فى تنظيف المنطقة عشان تشيل بقاية الجلد المصابة . السكرب ده هنعمله من السكر او الملح و استخدام ليفة رقيقة على الجلد

2 – النصيحة التانية:

لازم نتأكد ان احنا لبسين ملابش قطنية بعد عملية ازالة الشعر عشان القطن بيكون هادى على البشرة  و مش بيسبب اى حكة او حرقان و كمان لازم نحافظ على تهوية المنطقة المصابة و منلبسش لبس ضيق كثير.

3 – النصيحة التالثة:

لازم نبعد عن المياه السخنة لمدة 24 ساعة على لالقل بعد عملية ازالة الشعر لان المسام بتكون مفتوحة و الحبوب ممكن تظهر لو اتعرضت المنطقة لاى التهابات و طبعا المياه السخنة هتزودها و تلهب الجلد . ممكن نستخدم المياه الفاترة او الساقعة

4 – النصيحة الرابعة:

لازم نحاول نزيل البكتيريا اللى فى الجلد او ما نشوف الحبوب بدأت تتكون هنجيب قماشة فيها مياه دافية و نضغط على المنطقة 10 دقائق عشان نفتح المسام و بعدين نجيب غسول مضاد للبكتيريا و نغسل بيه المنطقة

5 – النصيحة الخامسة:

استخدام الزيوت الطبيعية بيكون مهدىء و فعال للبشرة المصابة . بعد ازالة الشعر بكذا يوم اتنين او تلاتة هنجيب 10 نقط من زيت اللافندر المعروف انه مسكن و مرطب  و هنزود عليه 10 نقط من زيت الاطفال و نعمل بيه مساج خفيف على المنطقة المصابة لتهدئتها

6 – النصيحة السادسة:

 بعد عملية ازالة الشعر مباشرة هنجيب قطع من التلج و نمشيها على الجلد عشان نمنع علامات الحبوب و الدم اللى ساعات بيكون مصاحب ليها و نحاول نهدى المسام

7 – النصيحة السابعة:

لازم نستخدم مرطبات البشرو من اللوشين و الكريم و نحاول نحاول نحافظ على نضارتها عشان الجلد ميكونش جاف و حساس و ده بيساعد على ظهور الحبوب بعد ازالة الشعر .

شوفي كمان طريقة ازالة الشعر بالفتلة بنفسك في البيت