5 وصفات لعمل اللف التنحيفى في البيت

بقلمأنجي سليمان فيتخسيس الوزن visibility36412

اتكلمنا قبل كده عن اللف التنحيفى واتعرفنا على اراء الكثير من السيدات فيه سواء الاراء السلبية او الايجابية، والنهاردة بنقدملك 5 وصفات وطرق مختلفة تقدري تعملي بيهم اللف التنحيفى في البيت عشان تحصلي على النتائج المرغوبة سواء من ناحية شد الترهلات او التخلص من السليوليت او انقاص الوزن.

اللف التنحيفى في البيت
اللف التنحيفى في البيت

اللف التنحيفى في البيت

1- وصفة اللف التنحيفى بالشاي الاخضر:

الشاي الاخضر مليان بالمكونات المضادة للاكسدة والمواد المفيدة للبشرة، ومعروف عنه انه بينقي البشرة من السموم ومن الطريقة دي حتساعدك في التخلص من السنتيمترات الزيادة وكمان حتخلصك من الشكل الغير متناسق للبشرة وحتخلي الجلد انعم وانقى بكتير وعشان كده انتي بتعمليه لكامل الجسم، وعشان كده الاستخدام الامثل للوصفة دي ان انتي تعمليها مرتين الى 3 مرات اثناء عمل كورس اللف التنحيفى عشان يبقى حرق الدهن مع تنعيم وتنقية الجلد.

المكونات:

  • 8 كوبايات من الماء النقي.
  • كوباية كبيرة من بودرة الشاي الاخضر.
  • كوبايتين من بودرة الطمي المناسب لنوع بشرتك.
  • كوباية من الملح البحري (ده نوع من الملح غير ملح الطعام متوفر عند العطر وفي عض محلات السوبر ماركت الكبيرة).

طريقة التحضير

  • سخني الماية على النار بس بلاش توصل لدرجة الغليان لأن الماية السخنة اللي مش مغلية بتساعد جدا على اخراج المكونات المفيدة من الشاي الاخضر من غير الاضرار بيها.
  • دلوقتي حطي بودرة الشاي وقلبي كويس بمعلقة خشب.
  • ضيفي الملح وبودرة الطمي واستمري في التقليب لغاية ما تحصلي على معجون ناعم خالي من اي كلاكيع او كتل.

طريقة الاستخدام:

  • سيبي الخليط يبرد شوية لغاية ما يبقى في درجة حرارة مناسبة للجلد ويفضل تحطيه وهو دافي عشان تشعري بالاسترخاء وعشان تتفتح المسام وتتخلصي من سمومها.
  • خدي دش بماية دافية شوية ودلكي جسمك بالليفة كويس عشان تفتحي المسام وتنشطي الدورة الدموية.
  • جففي جلدك وابدأي في وضع طبقة من الخليط على الجسم بالكامل.
  • غطي الجسم بورق النايلون كويس على اكتر من طبقة.
  • البسي ملابس ضيقة زي الكورسية وبادي ضيق وبنطلون.
  • استرخي لمدة ساعة وبعدين ابدأي في عمل نوع من الحركة والمجهود وممكن تدخلي الساونا المنزلية او تلبسي حزام او شوري التخسيس، وكمان ممكن تعملي مجهود في البيت او تجري على المشاية الكهربائية او حتى نط للحبل، المهم ان انتي توصلي لمرحلة العرق والاحساس بتسرب الحرارة من الجسم.
  • سييبي جسمك يهدى عشر دقايق وبعدين استحمي بماية فاترة عشان الجسم ما يتصدمش من الماية الباردة.
وصفة اللف التنحيفى بالشاي الاخضر
وصفة اللف التنحيفى بالشاي الاخضر

2- وصفة اللف التنحيفى بالشيكولاتة والحليب:

الوصفة دي كمان مميزة جدا وبتدي للجلد ليونة وريحة جذابة وجميلة جدا، ممكن مرة او مرتين اثناء كورس اللف التنحيفى بتاعك تعملي الوصفة دي وحتبقى نتايجها مميزة جدا.

المكونات

  • كوباية ونص شيكولاتة مطبخ مبشورة.
  • ¾ كوباية حليب.
  • 5 ثمرات فراولة.
  • معلقتين كبار عسل نحل.

طريقة التحضير

  • حطي الشيكولاتة المبشورة في وعاء زجاج غويط وحطيه في المايكروويف دقيقتين او تلاتة لغاية ما الشيكولاتة تسيح، او ممكن تسيحيها في حمام ماية سخنة لو مافيش مايكروويف.
  • ضيفي الحليب والعسل وقلبي كويس لغاية ما يمتزجوا.
  • سيبي الخليط يبرد شوية وبعدين استخدميه كالتالي.

طريقة الاستخدام

  • كرري نفس الخطوات اللي فاتت من أول الدش- التنشيف – تحطي الخليط – تلفي الجسم بالنيلون – البسي الكورسيه – الحركة والمجهود – هدي جسمك وآخر حاجة الدش البارد.
وصفة اللف التنحيفى بالشيكولاتة والحليب
وصفة اللف التنحيفى بالشيكولاتة والحليب

3- وصفة اللف التنحيفى بزيت الزيتون:

زيت الزيتون من اكتر المواد المفيدة للجلد من ناحية ترطيب الجلد وعلاج الكثير من مشاكله زي علاج البقع والكلف ومساعدته في تقشير طبقة الجلد الميت من على البشرة، وبالرغم من ان الوصفة الاساسية للف التنحيفى بتحتوي على نسبة كبيرة من زيت الزيتون الا ان الوصفة دي بتعتمد على زيت الزيتون بشكل رئيسس ويفضل ان انتي تعمليها اكتر من مرة وخصوصا في نهايات الكورس عشان يكون التأثير النهائي لللف التنحيفى ظهر والسليوليت اختفي وفي الاخر تحصلي على الترطيب والليونة المرغوبة.

المكونات

  • كوباية زيت زيتون بكر.
  • كوباية من اوراق ريحان اخضر.

طريقة التحضير والاستخدام

  • سخني زيت الزيتون في حمام ماية سخنة لغاية ما يبقى دافي.
  • اطحني اوراق الريحان في الكبة وبعدين اخلطيها مع الزيت كويس.
  • كرري نفس الخطوات اللي فاتت من أول الدش- التنشيف – تحطي الخليط – تلفي الجسم بالنيلون – البسي الكورسيه – الحركة والمجهود – هدي جسمك وآخر حاجة الدش البارد. 
وصفة اللف التنحيفى بزيت الزيتون
وصفة اللف التنحيفى بزيت الزيتون

4- وصفة اللف التنحيفى بزيت جوز الهند وعسل النحل:

زيت جوز الهند من الزيوت المفيدة جدا والمعالجة للبشرة لأنه مضاد للبكتريا والفطريات وممكن يساعد في علاج مشاكل كتيرة من المشكلات اللي بيتعرض لها الجلد، اما عسل انحل فهو معروف بقدؤته الرائعة على ترطيب البشرة واعادة نضارتها غير كمان انه بيساعد على تفتيحها وتخليصها من البقع الداكنة، وفي الوثفة دي كمان حنستخدم كمية قليلة من زيت الورد اللي هو من اكتر الزيوت اللي بتنهي مشكلة البقع الداكنة، يعني الوصفة دي للف التنحيفى حتخلي جلدك كله ييبقى بلون موحد وخالي من البقع الداكنة والاماكن الغامقة، ممكن تعمليها مرتين الى تلات مرات اثناء كورس اللف التنحيفى اللي حتعمليه

المكونات

  • نص كوباية عسل نحل
  • نص كوباية يت جوز هند خام
  • معلقة صغيرة زيت ورد

طريقة التحضير

  • على حمام ماية سخنة دوبي زيت جوز الهند لغاية ما يبقى سايل
  • زودي العسل وقلبي لغاية ما قوام العسل يبقى خفيف
  • سيبيهم يستهدوا شوية لغاية ما يبقوا في درجة حرارة مناسبة للوضع على الجلد من غير ما يسبب حروق
  • قبل الاستخدام على طول حطي معلقة زيت الورد وقلبي كويس

طريقة الاستخدام

  • كرري نفس الخطوات اللي فاتت من أول الدش- التنشيف – تحطي الخليط – تلفي الجسم بالنيلون – البسي الكورسيه – الحركة والمجهود – هدي جسمك وآخر حاجة الدش البارد.
 وصفة اللف التنحيفي بزيت جوز الهند وعسل النحل
وصفة اللف التنحيفي بزيت جوز الهند وعسل النحل

5- وصفة اللف التنحيفى بالطمي والطحالب البحرية:

انواع الطمي كتير جدا ومختلفة لكن اللي مافيش خلاف عليه ان كل نواعه مفيدة للبشرة وللجلد جدا، مثلا معروف ان الطمي بيخلص الجلد من البثور والحبوب واثارهم ومن البقع غير انها بتخلي الجلد ناعم جدا وبتحل مشكلات الاكزما والفطريات، وبالنسبة للوصفة دي هي مش بتعتمد بس على الطمي ولكن معاها كمان مكونات تانية مفيدة جدا للجسم واثارها بتمتد لشهور طويلة بتخلي الجد نضر وناعم ولونه موحد، ممكن تعملي الوصفة دي مرة واحدة اثناء الكورس عشان تأثيرها بيدوم كتير

المكونات

  • نص كوباية بودرة طمي من عند العطار واحسن نوع طمي البحر الميت ولو مش متوفر يبقى الطمي المغربي
  • ¼ كوباية طحالب بحرية جافة متوفرة عند العطارين الكبار برضه
  • كوباية ملح بحري
  • 4 كوبايات ماية
  • ½ كوباية من جل الصبار

طريقة التحضير

  • اغلي الماية على النار واول ما توصل مرحلة الغليان طفي النار
  • سيبيها تبرد شوية وبعدين دوبي فيها الملح كويس
  • اخلطي معاهم جل الصبار
  • حطي بودرة الطمي والطحالب البحرية وقلبي الخليط كويس اوي لغاية ما يبقى شبه المعجون
  • استخدميه وهو دافي على اد ما تقدري تتحملي حرارته

طريقة الاستخدام

  • كرري نفس الخطوات اللي فاتت من أول الدش- التنشيف – تحطي الخليط – تلفي الجسم بالنيلون – البسي الكورسيه – الحركة والمجهود – هدي جسمك وآخر حاجة الدش البارد.
وصفة اللف التنحيفى بالطمي والطحالب البحرية
وصفة اللف التنحيفى بالطمي والطحالب البحرية