ازاى تتخلصى من تشققات الكعبين

يسرا خالد
يسرا خالد
في
بشرة
1784

كثير من بنات حوا بيعانوا من تشققات الكعبين نتيجة للوقفة الكثير و ان مفيش وقت ان احنا نداوم على زياراتنا للكوافير للعناية بالقدمين و بنسسى ان الاقدام بتحتاج عناية متكاملة لانها منطقة حساسة بتتعرض للضغط و الارهاق زى بشرتنا بالظبط . السطور الجاية حاجات مهمة لازم تعرفوها عن تشقق الكعبين…

تشقق الكعبين
تشقق الكعبين

عشان نتجنب المشكلة لازم نعرف ايه هى الاسباب الاول؟!

أسباب تشقق الكعبين:

1 – زيادة الوزن بشكل كبير بيسبب ثقل كبير على القدمين و ضغط و بالتالى بيسبب تشققات مع الحركة .
2 – التعرض للمياه كثير بيزيل الزيوت الطبيعية للجسم من المنطقة دى و بيسبب جفافها .
3 – الجو البارد بيسبب جفاف القدمين و عشان كده لازم نتأكد فى الجو الساقع ان احنا نرطب رجلينا و ندفيها .
4 – عدم استخدام المرطبات و الصابون المناسب للجلد .
5 – بعض الامراض زى السكر و امراض الغدد بتسبب التشققات للقدمين .
6 – الوقوف لفترات طويلة جدا فى اعمال البيت او فى الشغل عشان كده لازم كل نصف ساعة نقعد نريح رجلينا 10 دقائق على لاقل.

طيب ازاى نتجنب المشكلة ؟

1 – نتأكد ان احنا بندخل فيتامين E فى اكلنا بشكل مناسب و نبعد عن الاكل برة كثير و نركز فى الاكل الصحى اللى بيحافظ على نضارة بشرتنا زى البقدونس و اللوز و المشمش و البروكلى .
2 – منستعملش اى مواد تنظيف يمون من مكونتها الكحول اللى بيسبب جفاف البشرة .
3 – نهتم باستخدام المرطبات المخصوصة للعناية بالقدمين كل يوم قبل النوم .
4 – نستخدم زيوت الاطفال و زيت الزيتون بعد كل حمام عشان البشرة بتحتاج عناية بعد تعرضها للمياه .
5 – منغسلش الاقدام بمياه سخنة كثير او السونا و حمامات البخار لان ده بيشيل الزيةت الصحية منها و بيسها جافة .
6 – نشرب مياه و سوائل كثير عشان نحافظ على ترطيب بشرتنا .
7 – نتأكدان احنا لابسين احذية مناسبة فى المقاس و النوع و انها تكون موفرة تهوية مناسبة للقدم لان زيادة العرق فى القدمين بيسبب جفافهم .
8 – نحاول نقلل من المشروبات اللى فيها كافيين كثير لانها بتكون مضرة للسوائل فى جسمنا وبالتالى بتأثر على الترطيب.

وصفات طبيعية للحفاظ على ترطيب القدمين

وصفات طبيعية
وصفات طبيعية

1 – الجلسرين

هنعمل خليط سميك زى المعجون و نعمله زى ماسك لرجلينا و الماسك ده بيتكون من جلسرين و مياة ورد و عصير ليمون هنخلطهم سوا و نحطهم على الكعبين و نسيب الخليط ده للصبح و ممكن كمان لو مفيش وقت نسيبه نصف ساعة بس و نغسله الماسك ده هيقلل جدا من التشققات.

2 – سكرب العسل

لو مهما حاولتى تعملى كعبك بالحجر و الطرق التقليدية للتخلص من الجلد الزيادة و التشققات و برده مفيش نتيجة يبقى السكرب ده هيكون كفيد ليكى جدا . هنحط عسا ابيض و خل تفاح و مقدار من دقيق الارز و نخلطهم كويس و نعمل معجون و ننقع رجلينا فى مياه دافية مش سخنة لمدة 20 دقيقة و بعدين نطلعها و ندهن السكرب ده و ننام بيه و نشيله الصبح.

3 -الفازلين

هنغسل رجلينا و ننشفهم و نحط رجلينا تانى فى مياة فاترة لمدة 20 دقيقة عشان نطرى الجلد لما نطلع رجلينا هنحط معلقة جلسرين و معاها 3 معالق عصير ليمون و ندهن بيه الكعبين و نستعمله لمدة اسبوع و برده لازم نسيبه طول الليل.

مقالات متعلقه

8 علاجات منزلية للتخلص من تشقق الكعبين والحصول على اقدام ناعمة

8 علاجات منزلية للتخلص من تشقق الكعبين والحصول على اقدام ناعمة

وصفة طبيعية للتخلص من تشققات الكعبين وتنعيم وتبييض القدمين باستخدام الكوكاكولا

وصفة طبيعية للتخلص من تشققات الكعبين وتنعيم وتبييض القدمين باستخدام الكوكاكولا

اتعلمي ازاي تعملي باديكير البارافين لتنعيم الرجل في البيت في 6 خطوات بسيطة

اتعلمي ازاي تعملي باديكير البارافين لتنعيم الرجل في البيت في 6 خطوات بسيطة