6 خطوات لتخسيس منطقة الفخذين
ساعات كتير بنعاني من تركز الدهون في منطقة معينة زي الفخذين او الذراعين او البطن، وممكن يكون باقي الجسم مش باين فيه الوزن الزائد زي المناطق دي، وساعتها بنفكر في طرق لتخسيس المناطق دي بس، والنهاردة حنتكلم عن منطقة الفخذين بشكل خاص وبنات حوا جايبالكم 6 خطوات لتخسيس منطقة الفخذين تابعي معانا الموضوع وابدأي في تنفيذها.
ايه هي خطوات تخسيس منطقة الفخذين؟
1- تمارين الكارديو
التمارين دي هي التمارين الخاصة بتنشيط عضلة القلب وتنشيط الدورة الدموية وهي مش بتركز على عضلة معينة ولكنها بتركز على الدورة الدموية بشكل خاص والمفيد فيها في الحالة دي انها بتجري الدم في المنطقة المتراكم فيها الدهون وبالتالي بتساعد على تزويد حرق الدهون في المنطقة دي، والتمارين دي يفضل تبقى في الجيم عشان تتم بطريقة صحيحة من غير ما تؤثر على ضغط الدم غلط، ولو كانت صحتك جيدة دوري على الانترنت على التمارين دي وابدأي في تنفيذها.
2- تمارين الفخدين
طبعا التمارين الرياضية هي الحل الاساسي في تخسيس اي منطقة بعينها غير تخسيس الجسم كله والمحافظة على الصحة بشكل عام، وبالنسبة للتمارين الخاصة بالفخذين فهي متنوعة مكن تختارس منها اللي يناسب قدرتك ومجهودك وهي كالتالي.
- الجري والمشي ( في حالة عدم قدرتك على المشي في النادي او الجيم، ممكن تمشي بدل ركوب المواصلات على الاقل لمدة نص ساعة في اليوم).
- ركوب الدراجات (سواء الرياضية او العادية).
- طلوع ونزول السلم (استبدلي السلم بالاسانسير في مل مكان تروجيه).
- نط الحبل (رياضة بسيطة ممكن تعمليها في البيت نطي الحبل عشر دقايق مرتين لتلات مرات في اليوم).
- السباحة والتركيز على تحريك عضلات الفخذين (الرياضة بتكون اسهل والمها اقل تحت الماء وبما اننا في الصيف وبنروح البحر وحمام السباحة ممكن نستغل الفرصة دي جدا).
- التمرين المنزليوده تمرين من 4 خطوات وممكن تعمليها بكل سهولة في البيت وبتركز على عضلات الفخذين الخارجية والداخلية
الخطوة الاولى:
الخطوة الاول
- اقعدي على كرسي عادي مش كرسي لين بحيث ان ركبتك تعمل زاوية 90 درجة مع الارض، هاتي شلتة او مخدة صغيرة وحطيها بين ركبتيك واعصريها جامد لغاية ما تشعري بمقاومة عضلات الفخد الداخلية لمدة دقيقة وبعدين افلتيها وانتقلي للخطوة التانية
الخطوة الثانية:
الخطوة الثانية
- اقعدي على الكرسي وخلي ساقك وركبتك بزاوية 90 درجة مع الارض، حطي كف ايدك اليمين على ركبتك اليمين من برة وايدك الشمال على ركبتك الشمال، اضغطي بكفوفك على ركبك جامد جدا في اتجاه الداخل وفي نفس الوقت قاومي جدا وحاول تفتحي ركبك عن بعض بحبث انك تقاومي ضغك ايديكي عن طريق عضلات الفخذين الداخلية، استمري دقيقة وبعدين انتقلي للخطوة التالية
الخطوة الثالثة:
الخطوة الثالثة
- في نفس وضعية الجلوس السابقة بالساقين بزاوية 90 درجة مع الارض، حطي ايديكي جنبك وامسكي طرفين الكرسي وافردي ضهرك كويس وارفعي رجلك اليمين للامام ومديها كويس اوي للامام وافردي ركبتك على الاخر وخليكي على الوضع ده 30 ثانية وبعدين بدلي للرجل الشمال وبعد 30 ثانية ودلوقتي انتقلي للخطوة الاخيرة
الخطوة الرابعة:
الخطوة الرابعة
- اقعدي على الكرسي وخلي رجليكي في زاوية 90 درجة مع الارض، وامسكي جانبي الكرسي بايديكي، شيلي جسمك لفوق وخدي خطوة للامام بحيث ان رجليكي والكرسي تبقى زي الكوبري استمري لمده دقيقة على الوضعية دي وبعدين كرري الخطوات من الاول مرة تاني
3- شرب المياه
ركزي اوي على ادخال الماية في روتينك الغذائي اشربي على الاقل لترين من الماية في اليوم، واحرصي على شرب كوب من الماء قبل الاكل مباشرة عشان يحسسك بالشبع ويقلل من شهيتك وكمية الاكل بتاعتك.
4- نظام خاص للمشروبات
اشربي الشاي الاخضر كتير على الاقل مرتين في اليومن وابعدي تماما عن المشروبات الغاذية والمشروبات المحلاة بالسكر بما فيها مشروبات الطاقة والحليب المكثف، اشربي العصاير الطازة بس زي مثلا عصير الطماطم وعصير الجزر والبرتقال وعصير الكيوي وغيرها من العصائر الخالية من السكر.
5- نظام خاص للغذاء
حتى لو كنتي ماشية على نظام غذائي معين فإنت محتاجة لمجموعة من النصايح الغذائية اللي حتفيدك جدا في تخسيس الفخذين وهي كالاتي:
- الحبوب الكاملة مفيدة جدا في الدايت عشان الجسم بيمتصها بصعوبة وببطء اكبر وبالتالي بيتخلص منها ابطء والحبوب دي زي الشوفان والدقيق الاسمر والرز البني.
- ابعدي شوية عن اللحوم الحمراء واستبدليها بالفراخ والطيور والاسماك عشان اللحوم الحمراء فيها مجموعة اقوى من البروتينات والدهون المركبة.
- بالنسبة للدهون استبدلي كل الزيوت بزيت الزيتون او زيت بذرة الكتان (الزيت الحار) بدل الزيت العادي واستبدلي القلي بإنك تدهني الاكل بفرشاة مغموسة في زيت الزيتون واشوي في الفرن
- بالنسبة للخضروات والفواكه، فالفواكه المسكرة ممنوعة (المانجو والعنب والبلح) استبدليهم بالفراولة والخوخ والبطيخ، اما الخضروات فكتري من الخضروات ذات الاوراق الخضراء وابعدي عن الخضروات النشوية زي البطاطس والقلقاس والبنجر والذرة.
6- اللف التنحيفي
من وسائل التنحيف الموضعي واثبتت نجاحها مع ناس كتير الفكرة في اللف التنحيفي انه بيركز جريان الدم في منطقة معينة عشان تساعد على حرق الدهون فيها وتخسيسها بشكل مركز.
- بتحتاجي اما لكريم مذيب للدهون او لكميات متساوية من الزيوت الاتية (زيت زنجبيل – زيت قرفة – زيت قرنفل – زيت زيتون – 10الى 15 قطرة من زيت الياسمين).
- ادهني منطقة الفخدين بكمية من الكريم او الزيت ودلكيها كويس لمدة خمس دقايق.
- وبعدين لفي الجسم جامد جدا بورق الاسترتش الخاص بتغليف الطعام اكتر من طبقة، والبسي عليها كورسية او شورت ضيق.
- دلوقتي اقفي على المشاية الكهربائية او نطي الحبل او اعملي اي رياضة للمنطقة دي على الاقل لمدة ساعة لغاية ما تحسي بالحرارة بتاعة المكان ده بدأت ترتفع وتحسي بالعرق اوي يبقى تسيبي جسمك يستهدى شوية وبعدين تشيلي الرباط وتستحمي، كرري العملية لمدة 6 او 8 مرات على مدار شهر او شهرين.
