مطاعم متميزة فى المعادى

زى ما وعدناكم هنجبلكم دليل لمطاعم جديدة ممكن تكون مجربتوهاش قبل كده و موجودة فى احياء القاهرة المختلفة وزى ما جبنالكم مطاعم فى مصر الجديدة قبل كده دلوقتى بنقدملكم مطاعم المعادى المميزة هتعجبكم..

1 – حارة 9

مطعم و كافيه مختلف جدا و مميز بكل المقاييس المطعم ده اول ما تدخله هتحس انك ايام زمان لان الديكور كله بيعبر عن حارات مصر القديمة. المكان كله سجاجيد ملونة رائعة و مساحته كبيرة جدا لدرجة انه جواه جنينة مخصوص و جواه مكان مفتوح و مكان مقفول المنيو كله أكلات مصرية ما بين كباب وكفتة وطرب وفتة وملوخية وفراخ و الاسعار تعتبر مناسبة للاكل زى طبق الريش و الكفتة. احلى حاجة عندهم العصائر و الكوكتيلات اللى طعمها رائع و الخدمة و النظافة ممتازة.

2 – كركاس caracas

لعشاق الاكل اللبنانى و الجمال اللبنانى المطعم ده عبارة عن فيلا جميلة مبهجة بألوانها و رقتها و هتحسسك انك فى لبنان فعلا برقة الوان الديكور المريحة للعين وجمال الحديقة الصغيرة . المكان اغلبه مفتوح الا داخل الفيلا نفسها . المناقيش اللى الزعتر و المشروبات اللبنانية الجميلة اللى بالمكسرات و المقبلات الغريبة اللى عمرنا ما دقناها هتخليك ترجع للمكان ده تانى ده غير الاطباق الرئيسية بالتوابيل و التحابيش اللبنانية.

 3 – مانشو واك Manchow wok

الاكل الصينى التقليدى على اصوله بكل الوانه و بهاراته و اشكاله . المكان ده على الرغم من انه موجود حواليه مطاعم كثير الا ان رائحة الاكل بتجيبك من بعيد لحد عنده . الكميات كبيرة جدا مقارنة بالسعر . المنيو عندهم بيتقسم لوجبات مختلفة من الفراخ و اللحوم و المكرونات و الارز و النودلز ممكن تختار منها اللى يعجبك. و طبعا مش هننسى الحلويات و  اللى هى  أشهر الأطباق في المنيوFried Banana in Honey  . جودة المكان عالية جدا و المنيو اختياراته كثير و مكان يستحق الزيارة.

4 – بلدى

5 – إل مولينو il mulino