5 طرق طبيعية لتكبير منطقة الصدر
منطقة الصدر هى اكيد بتكون عنوان للانوثة و الجمال و خصوصا لو حجم الصدر كان متناسق مع الجسم . فى ناس كثير بتعانى من مشاكل فى المنطقة دى فى منهم اللى عايز يخسسها زى ما كلمناكم قبل كده فى بنات حوا على الموضوع ده و فى منهم اللى عايز يكبر حجم الصدر بطرق طبيعية و صحية من غير ما يلجأ للجراحة و الادوية الغير مفيدة . تعالوا نشوف شوية نصايح بطرق طبيعية عشان تكبير منطقة الصدر…
أسباب صغر منطقة الصدر
1 – نقص هرمون الاستروجين فى الجسم. 2 – مشاكل وراثية. 3 – الرجيم القاسى و الرياضة العنيفة اللى بتسبب خسارة الوزن بشدة. 4 – مشاكل فى الدورة الشهرية و انتظامها. 5 – عدم الاهتمام بالاكل اللى فيه دهون او نشويات صحية. 6 – مشاكل نفسية و توتر و قلق.
طيب ايه هي بقي طرق تكبير منطقة الصدر؟
النصيحة الأولي : نظامك الغذائى
1- زودي اكلك: لازم تأكلى كويس و متسبيش نفسك جعانة لفترات طويلة و بعدين تأكلى اكل من برة او مش مفيد . جسمك كده هبفقد الدهون المفيدة اللى فيه و ده بيأثر جدا على حجم الصدر. لازم تقسمى الوجبات على فترات طول اليوم و تكون مكونتها صحية و متحرمنيش نفسك من النشويات.
2 – البروتين: ركزى جدا فى البروتين و انه يكون موجود فى معظم او كل وجباتك لان البروتينات بتساعد فى بناء العضلات زى عضلة الصدر . كلى البقول و البيض و اللحوم و الاسماك و اشربى اللبن كثير عشان تساعدى كمان فى بناء خلايا الصدر و تمنعيه من الترهل.
3 – الفيتامينات: احرصى جدا ان اكلك يكون فيه فيتامين A، C ، E و B6 لان الفيتامينات دى بتساعد على النمو و زيادة عدد الخلايا و يتحفز الكولاجين المسئول عن بشرتنا و و صحة الجلد و بالتالى بيساعد على نمو حجم الصدر . ممكن تشترى الفيتامينات دى كأقراص متوفرة فى الصيدلية.
4 – الاستروجين :فى اكل معين بيزود حجم صدرك طبيعى زى الخضروات و اهمهم الجزر و الينسون و شربة الفراخ و بذور نبات عباد الشمس و السمسم لان كلهم بيزودوا نسبة الاستروجين فى جسمك و ده الهرمون اللى بيزود حجم الصدر.
5 – الفجل: دراسات كتيرة قوي ربطت بين الفجل وبين زيادة اللبن وقت الرضاعة, عشان هو معروف إن فيه خصائص الدواء القابضة اللي بتساعد على تحسين تدفق الدم إلى الأنسجة اللي من ضمنها منطقة الصدر, وطبعا زيادة الدورة الدموية في الصدر هتساعد على زيادة حجمه بشكل سريع وفعال.
النصيحة التانية : أشهر وصفتين لزيادة حجم الصدر
1 – العدس
العدس يعتبر حل ممتاز و رائع و معروف جدا لزيادةحجم صدرك.
– هتجيبى العدس و تسيبيه فى المياه لمده ساعو او اتنين و بعدين نطلعه من المياه و نطحنه كويس لحد ما يكون عجينة و نسيبه على صدرنا زى ماسك لمدة نصف ساعة اولحد لما ينشف . لوكررتى الماسك ده كذا مرة فى الشهر هتلاحظى زيادة حجم صدرك.
2 – البصل
يعتر حل سحرى كمان لحل المشكلة. هتجيبى 2 بصلة و تعمليهم عصير فى الخلاط و نحط عليهم عسل ابيض و كركم و نعمل خليطو ندهنه على الصدر و نسيبه بليل و نصحى نغسله و نراعى ان احنا منلبسش ملابس ضيقة و احنا نيمين عشان الماسك ده يكون فعال . ممكن تعمليه مرتين فى الاسبوع لمدة شهرين عشان تشوفى الفرق.
النصيحة التالتة : المساج
عمل مساج لمنطقة الصدر حاجة مهمة جدا و فعالة فى تكبيره وممكن تشوفى نتايج بعد شهر واحد لو عملتى مساج لمده نصف ساعة كل يوم . المساج ده مهم لانه بيساعد الدورة الدموية انها توصل الهرمونات و تحفز انتاج البرولاكتين فى الصدر و ده الهرمون اللى مسئول عن زيادة حجم الصدر.
المساج سهل جدا هنبدأ بفرك ايدينا الاول فى بعض زى ما بنعمل و احنا فى البرد كده الفكرة كلها ان احنا نسخن ايدينا على قد ما نقدر لمدة 10 ثوانى على الاقل هنبدأ بتدليك منطقة الصدر اليمين باتجاه عقارب الساعة و الصدر الشمال بعكس اتجاه عقارب الساعة بحركة دائرية . هنكرر المساج ده صبح و بليل و المرة فيها 300 عدة . العدة بتكون 2 ثانية . التمرين بياخد ربع ساعة صبح و ربع ساعة بليل و كل شوية ممكن نقف و نفرك ايدينا تانى عشان تسخن . ممكن كمان تستعملى اى نوع زيت طبيعى زى زيت الزيتون و تحطى حبة بسيطة على ايديكى.
النصيحة الرابعة : التمارين
التمارين شىء اساسى للحفاظ على صحتنا و فى تمارين مشهورة جدا و ليها تأثير واضح اتعرفت فى كل العالم للمساعدة على زيادة حجم الصدر و تحسين شكله و قوامه . التمارين دى مش متعبة و سهلة و لو داومنا عليها هتكون حل فعال جدا فى حل المشكلة.
1 – التمرين الاول
هنقف قدام الحيطة و نبعد عنها بمقدار طول الذراع و نحط كف ايدينا على الحيطة نبدأ نضغط على كف ايدينا و نقرب للحيطة و نبعد تانى لمده 10 ثوانى و نقف و بعدين نكمل تانى . هنكرر التمرين 20 مرة فى الصبح و بليل و ده هيساعد فى تقوية و زيادة حجم عضلة الصدر.
2 – التمرين الثانى
بيعتمد بردو على تقوية عضلات الصدر و زيادة حجم العضلة و بالتالى زياده حجم الصدر نفسه . هنبدأ بأن احنا نقف و نحط ايدينا جمبنا و ضهرنا مفرو د و نبدأ بمرجحة ايدينا عكس اتجاه عقارب الساعة لمدة 10 – 15 عدة و ناخد راحة 5 ثوانى و نبدأ بمرجحة ايدينا فى الاتجاه العكسى يعدى ايدينا هنمرجحها شوية قدام و شوية لوراء لمدة 10 دقايق و بعدين نمسك ايدينا ورا رقبتنا زى الصورة و نشد لوراء برده نفس عدد العدات.
النصيحة الخامسة: شغل البيت
طبعا كل حاجة في شغل البيت دلوقتي بقيت الكترونية زي المكنسة والغسالة, كتر استعمالنا للأجهزة ديه بيخلينا مش بنعمل أي ممارسة بدنية علي عكس زمان, لما كانت البنات والستات بيستعملوا المكنسة العادية أو بيغسلوا على ايديهم, حاولي إن إنتي تشتغلي بايدك, ده هيدي نفس تأثير التمارين الرياضية بظبط لانه هيخليكي تحركي منطقة الصدر والدرعات كتير وهيأثر في تكبير الصدر.
