مطاعم مميزة فى مصر الجديدة

زي ما احنا قدمنالكم  في دليل مطاعم بنات حوا كل الجديد والمميز في كل مناطق القاهرة, بنات حوا جايبلكم اجدد مطاعم مصر الجديدة اللي ممكن تكونوا لسه مجربتوهاش بس تستاهل التجربة مخصوص للاكيلة و اللى بيحبوا يجربوا حاجات جديدة ..

يلا نبدأ بـ مطاعم مصر الجديدة:

1 – Indira مطعم انديرا للاكل الهندى

الاجواء هندية جدا و رائعة مخصوص لعشاق الاكل الهندى والمكان تصميمه رائع ما بين الترابيزات الخشب الفخمة والأواني الفخارية، والتماثيل الخشب للأفيال، والتابلوهات الهندية الجميلة . المنيو فى اصناف هندية كثيرة جدا و متنوعة . الحلويات و المشروبات فى منها كثير مش من المطبخ الهندى وعندهم حسن الضيافة اساسى من اول الاستقبال بالزى الهندى لحد المشروبات و المقبلات المجانية قبل الاكل . الاسعار هناك تعتبر غالية شوية زى مثلا طبق الفراخ tikka masala، ودي عبارة عن فراخ بخلطة الماسالا المميزة بصوص الطماطم. لكن المطعم يستاهل لو فعلا بتحبوا الاكل الهندى.

فندق هوليداي إن سيتي ستارز, شارع علي راشد مصر الجديدة 0224803000

2 – بولز برجر bulls burger

المكان ده الاجدد لعشاق البرجر موجود قدام الباب الرئيسي لنادي الشمس في مصر الجديدة،المطعم له مكان أوت دوور، ومساحة داخلية واسعة من دورين. يعتبر مختلف عن اى مطعم برجر لأنه زى مطعم مش بس مكان تيك اواى و مناسب جدا للخروجات العائلية كمان .موجود فيه انواع كثير من البرجر و الصوص و الفراخ كمان و المقبلات و السلطات اللى موجوده فى اوبن بوفيه قطعة البرجر لها أربعة أوزان مختلفة: 150، 225، 300 أو 450 جرام بس القطع الكبيرة اوى بتكون مش مميزة زى الاصغر حجما . الاسعار مناسبة جدا بالنسبة للمأكولات و الاحجام و.

41 شارع عبد الحميد بدوي مصر الجديدة, القاهرة, مصر. برجر 01226662555

3 – فايرستون Firestone

مطعم يعتبر اكتشاف رائع لمحبى البيتزا وكمان يعتبر جدا لعشاق الهدوء و الاماكن الرومانسية. المطعم يعتبر الاول فى تقديم البيتزا على الفحم و المبنى أقرب لفوود كورت صغير فيه ممرات قصيرة بين كل مطعم والثاني، مزينة بالنباتات وشلالات المياه الصناعية و ده بيميزوا بالهدوء و الجمال .فى مكان ان دوور كمان مكيف المكان بالديكور بتاعه مريح جدا للاعصاب البيتزا مميزة هناك جدا بكل انواعها ، وكلها تكفي فرد واحد، وممكن تزود أي إضافات عليها، وكلها مستوية على الحطب واللهب، مش في فرن عادي، يعني لها طعم مميز. فى اطباق رئيسية تانية فى المنيو من الفراخ و اللحوم و المقبلات و السلطات بس مفيش رز.و فى كمان انواع من الكيكة و الحلويات المختلفة و ممكن الطبق يكفى 3 اشخاص لانه كبير جدا . الخدمة تعتبر هايلة و سريعة .

66 شارع عمر بن الخطاب مصر الجديدة 0226903233 01277011197

4 – مكرونى اند شيز macaroni and cheese

المطعم ده مكان صغير وجميل لعشاق المكرونة و الافتكاسات و خلطات الاكل اللى بتكون عليها خصوصا جميع انواع الجبنة .شكله جذاب وأنيق من الخارج، ومن الداخل مساحته صغيرة وفيه بار على الجانبين ممكن تأكل عليهم وأنت واقف. المقبلات هناك رائعة زى البافلو وينجز اللى مميزة جدا و مش موجوده عند اى مطعم زيهم . فى كمان سندوتشات خفيفة من اللحوم و الفراخ و سلطات مختلفة الخدمة و النظافة ممتازة . الاسعار مناسبة جدا زى مثلا طبق فرايد ماك أند تشيز اللى هو عبارة عن مكعبات من المكرونة محمرة في خلطة من الجبن المقرمش.

38 شارع عبد المنعم حافظ – متفرع من شارع النزهة, خلف أوسكار ماركت مصر الجديدة 01060669910

5 – يوود – Yood

مطعم جميل فيه اندور و اوت دور المنيومتنوعة جدا و بترضى جميع الازواق الديكور بيتميز بللون الأخضر النيون و يعتبر واضح جدا وسط عمارات الشارع عمار بن ياسر . الواجهة الخارجية والأوت دوور تميزت بالمظهر المودرن المستخدم فيه المعدن اللامع والألوان القوية . الاسعار تعتبر مناسبة و مش غالية و بتتراوح ما بين السلاطات والشوربة المأكولات الخفيفة الساندويتشات. ده غير العصائر الطبيعية الكثيرة ومجموعة كبيرة من الكوكتيلات والسموثيز والمشروبات الساخنة و طبعا الاطباق الرئيسية من الفراخ و اللحوم . المكان مناسب جدا للتجمعات الكبيرة و ظريف لان الاوت دور بتاعه على شكل بلكونة جميلة.

100 شارع عمار بن ياسر , خلف الكلية الحربية مصر الجديدة. يوجد شيشة  0226230119

نتمني إن اختيارتنا لأحلي مطاعم مصر الجديدة تكون نالت اعجابكم ولو مكنتش جربتوا حد فهم يلا جربوا وشركونا رايكم ايه..