اسهل طريقة لازالة الشعر في منطقة البكيني

يسرا خالد
يسرا خالد
في
بشرة
118060

إزالة الشعر من المناطق الحساسة يعتبر من الاساسيات لكل البنات للحفاظ علي نظافة ورائحة الجسم. و الكثير من البنات بيكونوا مش عارفين احسن طريقة  بخصوص طريقة ازالة الشعر فى منطقة البكينى، جايبنلكم خطوات ازالة الشعر فى منطقة البيكينى في المنزل سهلة و مش مؤلمة  و شوية نصائح خاصة هتحبوا تعرفوها.

معظمنا ميعرفش طريقة الشمع البرازيلى او brazilian wax و دى طريقة  شبه  الحلاوة العادية بس اسهل و اقل فى الالم و ممكن تتعمل فى البيت بسهولة . انتشرت عند الاجانب جدا و بتتعمل فى الصالونات بأسعار غالية لان نتايجها رائعة . دى طريقة ازاى تعملوها لنفسكم فى البيت بسهولة.

طريقة ازالة شعر منطقة البكيني

1 – التحضير

– كوب سكر.

– كوب عسل.

– نصف كوب ليمون.

الطريقة : هنحط السكر فى حلة و نسيبه على النار مش هنقلبه كثير لحد ما يكون عامل زى الكراميل بعد كده هنزود العسل و الليمون و هنزود معلقة مياه و نقلب لحد كا يتماسك شوية بس مينشفش و نقفل النار و نسيبه يهدىء.

ادوات الواكس 1
ادوات الواكس 1

2 – الخطوات

1 – بلاش نستعمل ماكينة الحلاقة فى المنطقة قبل ما نستعمل البيكينى واكس بأسبوعين على الاقل و لازم قبلها بيومين نعمل سكرب خفيف للمنطقة عشان نشيل طبقة الجلد الميتة.

2 – لازم ناخد دش جافىء قبلها و ننشف جسمنا كويس و مينفعش نستعمل اى كريمات او زيوت فى المنطقة.

3 – هنجيب قطع قماش قطن و نقصها بالطول زى الصورة ده لو احنا مش عارفين نشتريها جاهزة من الصيدلية  . و كمان نجيب عصاية خشب زى اللى بيكونوا فى الايس كريم او بنستعملهم فى المطبخ و ممكن نشتريهم من اى سوبرماركت كبير او محل لادوات المنزل  و لو مفيش ممكن اى معلقة كبيرة خشب عندك زى الصورة.

ادوات الواكس 2
ادوات الواكس 2

4 – لو الشعر فى المنطقة طويل هنقصة شوية بأى مقص و بعدين نحط بودرة تلك عشان تمتص اى عرق و تهدى المنطقة و تعمل على ترطيبها.

5 – هنستخدم مرايا عشان نشوف المنطقة و نحطهاا قدام رجلينا و هنبدأ نستعمل الخشب ان احنا نفرد الخليط فى نفس اتجاه الشعر مش عكسه.

6 – نخلى بالنا منحطش شمع كثير عشان الالم ميكونش جامد . نبدأ باستخدام القطعة القماش فورا قبل ما الشمع يجف و نضغط على الجسم برده فى اتجاه نمو الشعر و و نستنى 3 ثوانى يهدأ و  نبدأ نشد طرف القماشة فى عكس اتجاه نمو الشعر و نكرر الخطوات.

7- لما نخلص ازالة الشعر لو اتبقى حاجة ممكن نشيلها بالملقاط.

8 – بلاش نستخدم المياه لإزالة باقى الشمع ممكن نستخدم زيت الاطفال جونسون او اى زيت فى البيت و نفرك بيه المنطقة و بعد كده ممكن نستخدم المياه.

9 – عشان نتجنب ظهور شعر تحت الجلد و عشان نجافظ على نظافة المنطقى بعدها بيمين لازم نعمل سكرب للجلد تانى

.نصائح عشان تتجنبى الالتهابات و الحبوب بعد ازالة الشعر فى منطقة البكينى

–  استخدام بودرة الأطفال او زيت شجرة الشاي أو زيت جوز الهند ويوصي الخبراء بوضع البودرة  كل صباح قبل لبس  الملابس أو قبل الذهاب للعمل أو الجلوس لفترات طويلة لتخفيف الضغط على البشرة الحساسة وتقليل الالتهاب والتهيج وامتصاص الرطوبة والدهون ومنع الاحتكاك.

– ولتقليل الاحتكاك وتهيج البشرة لازم نلبس ملابس داخلية مناسبة وعدم ارتداء الملابس الداخلية الدانتيل والشبك الي بتعمل على زيادة الاحتكاك وارتداء الملابس الداخلية القطنية الناعمة والسلسة والخالية من أي تطريز.

اعرفوا معانا طرق لتخفيف الالم عند ازالة الشعر بالسويت

طرق ازالة الشعر من غير الم
طرق ازالة الشعر من غير الم

مقالات متعلقه

6 نصايح فعالة هتساعدك تتخلصي من اكتر المشاكل الجمالية المزعجة

6 نصايح فعالة هتساعدك تتخلصي من اكتر المشاكل الجمالية المزعجة

ازاي تعملي تفتيح “تشقير” شعر الوجه بطرق طبيعية

ازاي تعملي تفتيح “تشقير” شعر الوجه بطرق طبيعية

واكس اللبن لازالة الشعر الزائد وتقليل نموه وتفتيح البشرة

واكس اللبن لازالة الشعر الزائد وتقليل نموه وتفتيح البشرة