روتين العروسة قبل الفرح

يسرا خالد
يسرا خالد
27870

انك تكونى ملكة يوم فرحك دى حاجة اى بنت بتحلم بيها و فى اساسيات و حجات لازم تتبعيها عشان توصلى للحلم ده . صحيح هيكون فى شوية ضغوط و توتر بس لو عملتى لنفسك جدول و نظام هتعرفى تعتنى بنفسك كويس جدا من غير ارهاق كثير لحد ما توصلى لليلة العمر . تعالوا نشوف النصايح دى …

عروسة
عروسة

قبل الفرح بثلاث شهور:

1 – لو عايزة تخسى

ابدأي بأداء تمرينات لجسمك ووجهك لأنها بتساعد على ليونة العضلات عشان تكونى انشط واخف حركة و مش هتحتاجى  اكثر من نصف ساعة في اليوم لاداء التمارين وابعدي عن التمارين العنيفة ويعتبر المشى رياضة مفيدة. اتبعي قبل ميعاد الفرح نظام غذائي يعتمد على الخضار والفواكه والاكثار من شرب الماء للحفاظ  على رشاقتك ويمنع جسمك من الانتفاخات و هيخلى  بشرتك نقيه وصافية.

2 – الاعتناء بوجهك

 خذي وقتك الكافي لتنطيف بشرتك كل ليلة  مستعينة بالمستحضرات المناسبة لطبيعتها لو لاحظتى ظهور البثور او الرؤوس السوداء استشيري طبيب الجلد اواختصاصيه العناية بالبشرة عشان تلاقى حل سريع وفعال و استخدمي المستحضرات المرطبه اوالمعالجه  ومهما كانت نوع بشرتك خصصي لها جلسه او جلستين لتنظيف بشرتك بعمق وتقديم الاقنعه المناسبه  في اى من مراكز التجميل الموثوق بها ..

3 – الاعتناء شعرك:

لو كنتى بتعانى من سؤء صحه شعرك فبقليل من العنايه هترجعيله عافيته و لازم تستشيري طبيب الجلدية او الكوافيرة حول العنايه المناسبه لحاله شعرك من امبولات معالجه وحمامات زيت وغيرها… لو كنتى  من صاحبات الشعر الدهني اعتمدي الماسكات اللي بتمتص الزيوت وتثبيت افرازاتها  اما الكريمات المغذيه فبتستخدم للشعر الجاف عشان تصحح الياف الشعر وتعالجها بعمق ومتنسيش قص اطراف شعرك المتعبه المقصفة عشان يبان شعرك حيوي وجميل.

قبل الفرح بشهر و نصف:

– في الوقت ده  لازم تروحى للكوافيرلاختيار التسريحة المناسبة لليوم الزفاف و المكياج اولا, ثانية لازم تبدأى العناية باليدين والقدمين واستعمال حمام من شمع البرافين(موجود عند العطار ) لتنشيط الدورة الدموية والتخلص من الخلايا الميتة والجلد الخشن وتكرار العلاج مرة في الاسبوع لحد معاد الزفاف.

 – لازم تجربى المكياج المناسب ليوم الزفاف ويفضل انه يكون هادىء ويفضل كمان الابتعاد عن احمر الشفاة الصارخ اللى مش بتناسب مع لون فستان الزفاف الابيض (ومتنسيش اهمية تنظيف البشرة دائما من المكياج وخصوصا قبل النوم).

قبل الفرح بأسبوعين :

– بنات كتير بيبدأوا يهملوا نفسهم فى الفترة دى  بس انتى  اكيد هتكونى مختلفة. الاسبوعين دول اهتمي بشعرك من خلال حمام زيت لاعطائه الحيوية والبريق. نصيحة لحمام الزيت (خروع/جرير/حبه البركه).

– هنبدأ نستخدم الزيوت العطرية و الاعشاب  عشان تساعدنا على الاسترخاء بواسطة المساج او نحط بضع قطرات منها في ماء الاستحمام و كمان ممكن تشربى بعض الاعشاب اللي بتساعد على الاسترخاء ايضا وتنظف الجسم.. و النوم في المرحلة دى مهم جدا  لانه يريح البشرة … حطى بضع قطرات من زيت نبات اللافندر في حوض الاستحمام واسترخي لمدة 10-15 دقيقة بليل عشان تنامي نوم هادىء عميق.

قبل الفرح بأسبوع :

هيكون وقت محدود في  الاسبوع  ده لكثرة الضغوطات بس هتخف  بتنظيم الوقت :

1- متابعة برنامجك لتنظيف البشرة الاسبوعي مع المساج والقناع..والجأي في هذا الاسبوع  للراحة قدر المستطاع.

2-قبل الزفاف بيوم  خليه يوم خاص بك من دون أي التزمات.

3 – روحى للكوافيرة اللى هتعملك ظوافرك و اختارى اللون اللى يمشى مع لون احمر الشفاه.

4- هتعملى  حمام العروسه (الحمام المغربى والدلكه السودانيه )لازاله الخلايا الميته من البشره وجعلها تتنفس ومشرقه ولامعه.

4-تخلصي من الشعر الزائد.

5- حضرى و جهزى كل مايلزمك من مواد تنظيف وغيره و حطيها فى شنطة صغيرة  فى  متناول ايدك فى اليوم عند الحاجة.

6- لازم تحاولى تنامى بدرى بعد الاسترخاء في حوض الماءالدافىء مع اضافة زيت اللافندر وتناولي عشاء خفيف مكون من الفواكة والخضار.

يوم الفرح

حاولي تاخدى اكبر قسط من الراحة قبل البدء في تصفيف الشعر ووضع المكياج..ومش فاضل غير انك تلبسى فستان الزفاف والطرحة.

مقالات متعلقه

4 خطوات في روتين البشرة للعروسة لازم تبدأهم  قبل الفرح بشهر

4 خطوات في روتين البشرة للعروسة لازم تبدأهم قبل الفرح بشهر

روتين العناية بالبشرة للعروسة قبل يوم الفرح

روتين العناية بالبشرة للعروسة قبل يوم الفرح

8 نصايح مهمة لتألقك وجمالك يوم فرحك لازم تكونى عارفاهم ..

8 نصايح مهمة لتألقك وجمالك يوم فرحك لازم تكونى عارفاهم ..