5 طرق طبيعية لتخسيس منطقة الصدر

بقلمسارة جمال فيتخسيس الوزن visibility111242
مفيش شك يا بنات إن حجم الصدر الكبير هو علامة من علامات الجمال والأنوثة وفيه بنات كتير جدا نفسها يبقي عندها صدر كبير جذاب ويكون لايق ومتماشي مع حجم جسمها, وفي نفس الوقت برضه علي العكس فيه بنات تانية كتير بتعاني من زيادة حجم الثديين ونفسهم انهم يقللوا حجمه لأسباب كتيرة هنتكلم عنها بالتفصيل, تعالوا نتعرف مع بعض علي ايه أسباب حجم الصدر الكبير ومشاكله وإزاي بطرق طبيعية نقدر نتحكم في تخسيس منطقة الصدر في البيت.
 
حجم الصدر بيبدأ يزيد عند البنات من مرحلة البلوغ وبيفضل يزيد بعد كدة على فترات الحياة نتيجة لأسباب مختلفة. أول نقطة هنتكلم عليها هي اننا نعرف الأسباب عشان نعرف نحل المشكلة اسرع.

أسباب زيادة حجم الصدر:

– عامل وراثي
– التغيرات الهرمونية
– السمنة / زيادة الوزن بشكل عام
– الآثار الجانبية للأدوية
– الرضاعة

طيب وايه هي مشاكل حجم الصدر الكبير؟!

لما حجم الصدر بيبقي كبير زيادة عن اللازم ومش ماشي مع باقي حجم الجسم بيسبب مشاكل نفسية وعاطفية ومشاكل تانية صحية, المشاكل النفسية زي الشعور بعدم الارتياح والإحراج, بيقلل الثقة في النفس والحقيقة انه بيحد جدا في موضوع اللبس, مش كل حاجة وقتها بتنفع تتلبس.. طيب وايه هي المشاكل الجسدية؟
– وجع الظهر
– وجع الرقبة – النفس القصير – طفح جلدي تحت الصدر

إزاي نقدر نقلل حجم الصدر؟

عشان نقلل من حجم الصدر، جبنالكم نصايح فيها تغييرات بسيطة في أسلوب الحياة وطريقة الاكل فيها علاجات ووصفات ممكن تتعمل في البيت, يلا نبدأ:

1- نوقف الأسباب الهرمونية اللي ممكن تكون السبب الرئيسي:

أكتر سبب شايع هو حبوب منع الحمل، اللي ممكن تكون سبب في مضاعفة حجم الصدر! لازم تتكلمي مع الدكتور بتاعك ويشوفلك بديل عنها زي اللولب مثلا. الحمل والرضاعة الطبيعية هي برضه أسباب طبيعية ممكن تكبر الصدر بس ديه طبعا مش هنغير فيها حاجة لانها بتبقي فترة مؤقتة وبعدها الصدر بيرجع لحجمه الطبيعي.
الأسباب الهرمونية
الأسباب الهرمونية

2- تغيير عادات الأكل:

سبب رئيسي تاني هو عادات الاكل بتعتنا, ولما يكون اكلنا فيه دهون كتيرة ده بيأثر على تخزين الدهون في الصدر. عشان كده لازم نحط لنفسنا نظام غذائي صحي وده مش بيأثر بس على حجم الصدر لأ ده بيأثر على حجم الجسم كله, الخلاصة انه لازم عشان تخسسي حجم صدرك يبقى لازم جسمك كله يخس معاه. شوفي نصايح الأكل الصحي:
 تغيير عادات الأكل
تغيير عادات الأكل
– الفاكهه: الفاكهه فيها مضادات الأكسدة اللي بتساعد على تقليل الوزن والمحافظة على الصحة. وهتساعدك في تقليل نسبة الدهون في الجسم، وبالتالي وسيلة طبيعية للتقليل من حجم الصدر.
– الخضار: الخضار ضروري جدا لما نعوز نوازن اكلنا زي الفاكهه بظبط لانه مصدر مضاد للأكسدة. بس بنتكلم عن الخضار الورقي زي الكرنب، القرنبيط، السبانخ، وغيرها من اللي مفيهوش نشا زي البطاطس والبطاطا والقلقاس.
– المأكولات البحرية: البروتينات ضرورية جدا لما نيجي نتكلم عن فقدان الوزن, الأسماك تعتبر افضل مصدر للبروتين عشان فيها الحد الأدنى من الدهون و السعرات الحرارية. – زيادة تناول المكسرات: المكسرات مصدر قوي بيدي طاقة وفيها عناصر غذائية ومضادات أكسدة ضرورية عشان عملية التمثيل الغذائي في الجسم والتحكم في الوزن. – تقليل الملح واستهلاك السكر. – ابعدي عن المأكولات السريعة والاكل المقلي. – اشربي ماية كتير وعصاير فاكهه وابعدي عن المشروبات الغازية والعصائر المعلبة. اقري أكتر عن العصاير المسموحة والممنوعة من هنا 

اقري كمان 6 نصائح لخسارة الوزن بسرعة

 3- التمارين ثم التمارين:

لازم مع الاكل الصحي يكون فيه رياضة, أنا عارفة إن الموضوع صعب بس هو أساسي ومينفعش من غيره للأسف… لازم محاولة بعض التمارين الكارديو زي (الجري والمشي السريع علي الاقل أوالسباحة وركوب العجل لو ينفع) التمارين ده مش بس بتساعد على حرق دهون الجسم بشكل عام لأ ديه ليها تأثير مباشر علي تخسيس منطقة الصدر, متنسيش بس وقتها تلبسي البرا “حمالة الصدر” المناسبة. هننزل قريب مقالة كاملة عن تمارين تخسيس الصدر, خليكم متابعينا. 
 
التمارين
التمارين

4- المساج أو التدليك:

المساج هو طريقة قديمة جدا عشان تقلل من دهون الجسم بشكل عام وطبعا ينفع للصدر. شوفوا الخطوات: – دفي زيت زيتون أو زيت جوز الهند وحطيه علي صدرك . – دلكي الصدر في حركة دائرية وبعد كده دلكيه من تحت لفوق لمدة 10 دقايق, يعني 5 دقايق لكل صدر. – تكرار المساج مرتين في اليوم لمدة 3 أشهر على الأقل وهتلاحظي الفرق بعدها.
 دلكي الصدر في حركة دائرية
دلكي الصدر في حركة دائرية
دلكيه من تحت لفوق
دلكيه من تحت لفوق

5- تابعوا على الوصفات ديه لتخسيس منطقة الصدر:

 – الزنجبيل أغلي 1 معلقة صغيرة من الزنجبيل البودرة في 1 كوب من المايه لمدة 10 دقيقة. حطي نص معلقة من العسل واشربيه ببطء. اشربي 2-3 كوب من الزنجبيل كل يوم.
الزنجبيل
الزنجبيل
– الشاي الأخضر حطي 1 معلقة صغيرة من أوراق الشاي الأخضر في 1 كوب من المايه السخنة. غطيه وسيبه 3 دقايق. حطي نص معلقة من العسل واشربيه ببطء. اشربي 3-4 كوب من الشاي الأخضر كل يوم على الأقل.
 الشاي أخضر
الشاي أخضر
– بذور الكتان
بذور الكتان فيها أحماض أوميغا 3 الدهنية اللي بتساعد على تقليل مستويات هرمون الاستروجين في الجسم. لو مستوى الهرمون ده مرتفع في الجسم ده بيبقي سبب أساسي ورا زيادة حجم الصدر, زائد كمان بذور الكتان بتساعد في إزالة السموم الضارة من الجسم.
حطي 1 معلقة كبيرة من بذور الكتان المطحونة في 1 كوب من المايه السخنة. اشربيه مرة واحدة يوميا.
بذور الكتان
بذور الكتان
– بياض البيض
بياض البيض علاج كويس جدا وهيساعدك إنك تشدي منطقة الصدر عشان تخليه يبان اصغر.
اضربي بياض بيضة واحدة بس في المضرب لحد لما يبقي شبه الكريمة. حطيه علي الجزء اللي تحت من صدرك وسيبه نص ساعة. اضربي بصلة كاملة مع كوباية ماية في الخلاط. أشطفي البيض من علي صدرك بعصير البصل. كرري العلاج  ده مرة واحدة بس يوميا لمدة كام أسبوع وهتحسي بالفرق.
بياض البيض
بياض البيض
– زيت السمك
زيت السمك غني بالأحماض الدهنية اوميغا 3 التي بتساعد على تخسيس حجم الصدر, زيها زي بذور الكتان اللي بتساعد على خفض مستويات هرمون الاستروجين، وبيساعد على تقليل وزن الجسم بصفة عامة.ده موجود بوفرة في السمك البارد زي السلمون والتونة والماكريل. مكمن برضة يتاخد في هيئه دوا , ممكن ترجعي للدكتور يديكي الجرعة المناسبة ليكي.
زيت السمك
زيت السمك
احنا كده قلنالك اهم نصايح وطرق معرفة لتخسيس منطقة الصدر بس حابين في النهاية نقول إن افضل طريقة تتعاملي بيها مع جسمك هي إنك تتقبليه وتحبيه وتحافظي علي صحتك وإنك تكوني مرتاحة معاه…

إعرفي كمان طرق طبيعية لتخسيس منطقة الوسط والكرش

طرق طبيعية لتخسيس منطقة الوسط والكرش
طرق طبيعية لتخسيس منطقة الوسط والكرش