طرق التخلص من بقايا الصبغة فى شعرك

بقلميسرا خالد فيشعر visibility2376
فى اوقات كتير بنكون محتاجين نغير شكلنا و نعمل نيولوك و اول حاجة بنفكر فيها شعرنا و طبعا معظمنا بيروح للكوافير يغير من قصة شعره و كمان بيلجأ للصبغة و تغيير الالوان . لكن بعد فترة بنكون زهقنا من اللون اللى عملناه او بنحس انه مكنش اختيار صح او مش لايق علينا و بيكون من الصعب ان احنا نصبغ شعرنا تانى لأن ده هيأدى لتلف شديد فى الشعر ممكن يسبب لسقوطه و عشان كده جايبنلكم طرق طبيعية ممكن تساعدكم فى التخلص  بجزء كبير من بعض اللون اللى مش مرغوب فيه تعالوا نشوفها سوا.
صبغة الشعر
صبغة الشعر

1 – خل التفاح

اخلطى 250 ملى من المياه  و معلقة كبيرة من خل التفاح  و سيبيه على الشعر وهو ناشف و نتركه لبضع دقائق مع الفرك بأطراف الأصابع. و بعدين نشطف الشعر بالماء الساخن و نغسله بالطريقة العادية بالماء و الشامبو و البلسم المرطب.

2 – خليط الفيتامين سى

كثير من انواع الشامبو المستوردة اللى متخصصة فى ازالة الصبغة بيكون مكونتها الاساسية من الفيتامين سى . هاتى اقراص فيتامين سى و كسريها او افرميها و حطى شوية مياه و اعملى منها معجون . حطيها على شعرك و هو مش مبلول اوى و سيبيها ساعة . ممكن تزيا الصبغة لو هى بقالها اسبوع.

3 – شامبو القشرة

يعتبر اقوى بكتير من الشامبو العادى و بيشيل اى حاجة لازقة فى شعرك او فى فروة الرأس ممكن تستعمليه كذا مرة و تدومى عليه و هيخلصك من جزء كبير من اللون اللى مش عايزاه.

4 – زيت جوز الهند الساخن

اشترى زيت جوز الهند و سخنيه فى الميكرويف او اغليه على النار و سيبيه يهدا دقيقة او اتنين و بعدين حطيه على شعرك و هو سخن من الجذور للاطراف بس شعرك يكون مغسول قبلها كويس . سيبيه فى شعرك ساعة و لفى عليه فوطة و بعدين اغسليه بالشامبو البلسم.

5 – بيكينج صودا

اخلطى مقدار من البيكينج صودا و البيكينج باودر مع بعض و اغسلى بيهم شعرك  كثير و كذا مرة زى الشامبو لأن فبهم عوامل قوية لأزالة الالوان.