5 وصفات لمشكلة مسام الوجه الواسعة

يسرا خالد
يسرا خالد
في
بشرة
40048

أصحاب البشرة الدهنية او المركبة هما دايما اللى بيعانوا من المسامات الواسعة. اللى بتأثر على شكل البشرة و اهم اسبابها استخدام مستحضرات التجميل كثير و اللى كما بيساعد على سهولة تكون البثور السوداء، وبالرغم من وجود الكثير من الطرق الكيميائية لعلاج المشكلة، لكن العلاج بمواد طبيعية مش بس أرخص ثمن و كمان أكثر فاعلية فى تصغير حجم المسامات على المدى الطويل تعالوا نشوف ازاى…

وصفات لمشكلة مسام الوجه الواسعة
وصفات لمشكلة مسام الوجه الواسعة

1- الأسباب المؤدية لمشكلة مسام الوجه الواسعة:

– العوامل الوراثية

  الوراثة و الجينات بتحدد حجم مسام الجلد و الوجه .

– الإفرازات الدهنية للبشرة

تعتبر من أهم العوامل المؤثرة في حجم مسام البشرة هي كمية الزيوت اللي بتفرزها البشرة لو كانت البشرة دهنية جدا و بتفرز دهونا و زيوتا بكمية زائدة  ده بيسبب في مشكلة اتساع مسام البشرة .

– المكياج 

استخدام المستحضرات التجميلية بطريقة غلط او كثير  أو استخدام مستحضرات رديئة الجودة و كمان عدم تنظيف أثار المكياج بطريقة كويسة ممكن يتسبب  فى المشكلة

– التنظيف

عدم الاهتمام بنظافة البشرة و إهمالها و عدم العناية بها كويس بيتسبب في تراكم الأوساخ علي البشرة و بيتسبب في مشكلة اتساع مسام الوجه

2 – الوصفات  الطبيعية العلاجية:

–  بياض البيض والليمون

اخلطى 2 بياض بيضة مع عصير نصف ليمونة كويس. استخدمي الخليط على بشرتك لمدة 10-15 دقيقة. مع الاستخدام المنتظم  للخلطة هتلاحظى بنفسك نتائج فعّالة خلال شهر واحد.

– دقيق الحمص

اخلطي ملعقة كبيرة من دقيق الحمص مع 2 ملعقة كبيرة من الزبادي . يستخدم الخليط على البشرة لمدة 20 دقيقة و يشطف كويس بالماء البارد. بيساعد على تفتيح المسام المسدودة وشد البشرة. كرري مرتين خلال الإسبوع للحصول على بشرة ناعمة خالية من المسام.

– قناع الطماطم

الطماطم تعتبر من المواد القابضة للمسام و بتساعد على تضيقها بشكل كويس.

حبة طماطم. قشر نصف ليمونة   و شوية قطرات من عصير الليمون اهرسي حبة الطماطم، و بعدين زودى بشر قشر الليمون وعصيره.  حطى القناع على بشرتك لمدة 15دقيقة، و اشطفي وجهك بالماء الفاتر، ونشفيه بفوطة ناعمة.

– قناع النعناع وخل التفاح

2 ملاعق صغيرة اوراق نعناع طازجة مخرطة .
2 ملاعق خل التفاح  200 مل ماء .
هنحط  النعناع في زجاجة و يصب عليه خل التفاح و نقفلها كويس و نسيبها لمدة اسبوع ….و بعدين نصفى الخل من النعناع و يضاف عليه الماء و يعبئ في زجاجة مقفولة كويس .استعمال المستحضر بدهان بشرة الوجه بيساعد  بصفة مستمرة على  التغلب على مشكلة المسام الواسعة وبيحسن لون البشرة اللي بتعاني من الشحوب.

– قناع الزبادي والتفاح

بيتكون من ملعقة من الزبادي مع قطع تفاح مهروسة هنزودلها ملعقة من العسل وملعقة من عصير الليمون. تخلط المكونات و هنحطها على الوجه لمدة 15 إلى 20 دقيقة. ويفضل نعمل القناع ده قبل النوم.

مقالات متعلقه

دليلك الشامل لتقديم عناية كاملة بالبشرة خلال نزلات البرد

دليلك الشامل لتقديم عناية كاملة بالبشرة خلال نزلات البرد

5 وصفات ماسكات للبشرة  من بودرة الشاى الاخضر هتبينك أصغر من سنك الحقيقي بكتير

5 وصفات ماسكات للبشرة من بودرة الشاى الاخضر هتبينك أصغر من سنك الحقيقي بكتير

10 عادات مضرة بجمالك لازم تبطليهم فى اسرع وقت

10 عادات مضرة بجمالك لازم تبطليهم فى اسرع وقت