وصفات لتقليل نمو شعر الجسم والوجه

يسرا خالد
يسرا خالد
في
بشرة
27102

 كلنا عارفين روتين ازالة الشعر اللى بيتكرر كل فترة و بنزهق منه جدا والمشكلة بتزيد لو كان الشعر داكن وسميك واحنا بنحرص على راحة بنات حوا الجميلات وجايبنلكم وصفات سهلة تتعمل فى البيت لو واظبتى عليها هتقلل جدا من نمو الشعر. الوصفات دى مناسبة للجسم والوجه.

تقليل نمو شعر الجسم و الوجه
تقليل نمو شعر الجسم و الوجه

1 –  جلسرين و زيت زيتون

استخدمي عصير الليمون مع ملعقتين من زيت الزيتون وملعقة من الجلسرين وملعقة تانية من ماء الورد، واخلطيهم كويس واستخدمي الخليط ككريم هتقومي بدهنه على الجسم؛ بعد لما تزيلي الشعر من جسمك هتحسى اكيد بلسعة خفيفة من الليمون، لكن لما تشوفى النتائج مش هتستغني عن الحركة  دى لانها غير انها بتخفف نمو الشعر وتقلله فهي كمان بتخلى جلدك ابيض ،اغسلي المنطقة بعد لما ينشف الليمون عادي. واستنى النتائج.

2 – ليمون و عسل

الوصفة دى فعالة اكثر للوجه بس برده بتنفع للجسم.

ملعقة ونصف عسل- 4 ملعقة كبيرة ليمون. اخلطي العسل والليمون كويس إدهني وجهك بالخليط مع تجنب منطقة حول العينين وشعر الحواجب إغسلي وجهك بالماء البارد، و نشفيه بلطفٍ كرري  العملية كل ما يظهر الشعر في وجهك لحد ما يختفى تماما.

3 – الزنجبيل

يعتبر الزنجبيل من المواد الطبيعية اللى بتساعد على تقليل نمو الشعر من جديد، بعد ما تقومى بإزالة الشعر قومى بفرك قطعة من الزنجبيل على الجلد و سيبيها لمدة ساعتين و اغسلي البشرة بالماء الفاتر وحطى كريم المرطب، وكررى العملية بعد كل إزالة الشعر الغير مرغوب وبالتدريج هتلاحظى الفرق على البشرة ومعدل نمو الشعر فيها.

4 – الترمس

تعتبر وصفة الترمس المر من اشهر وصفات منع نمو الشعر من جديد، انقعى الترمس المطحون فى الماء وسيبيه من الليل لحد الصباح بعدين صفي الخليط ،و قومى بإزالة الشعر بالشمع اوالحلاقة أو الحلاوة لإزالة الشعر وامسحى بمنقوع الترمس على الجلد يوميا لمدة اسبوعين على الاقل و هتلاحظى بطء نمو الشعر فى المناطق دى وبالمواظبة على وصفة الترمس هتقللى من عدد مرات إزالة الشعر.

5 – النشا

 عجينة النشاء وماء الورد، خلط مقدار من النشاء وماء الورد وملعقة زيت زيتون مع نقطة من الليمون؛ وبعدين اخلطى الماء مع بودرة التلك لحد ما تكون عجينة لينة، وافرديها سيبيها تنشف على جلدك و اغسلي جسمك بالماء الفاتر.

 احنا بننصحك  بإزالة الشعر بالحلاوة والشمع والإبتعاد عن استخدام الشفرة، لأنها بتزود من كثافة الشعر وواظبى على استخدام الوصفات الطبيعية لانها تأثيرها مفيد على بشرتك بعكس المستحضرات الكيماوية.

وصفات الكركم لازالة الشعر الزائد من الوجه بدون الم

وصفات الكركم لازالة الشعر الزائد من الوجه
وصفات الكركم لازالة الشعر الزائد من الوجه

مقالات متعلقه

6 نصايح فعالة هتساعدك تتخلصي من اكتر المشاكل الجمالية المزعجة

6 نصايح فعالة هتساعدك تتخلصي من اكتر المشاكل الجمالية المزعجة

ازاي تعملي تفتيح “تشقير” شعر الوجه بطرق طبيعية

ازاي تعملي تفتيح “تشقير” شعر الوجه بطرق طبيعية

واكس اللبن لازالة الشعر الزائد وتقليل نموه وتفتيح البشرة

واكس اللبن لازالة الشعر الزائد وتقليل نموه وتفتيح البشرة