طرق معالجة الشعر الجاف الخشن

بقلميسرا خالد فيشعر visibility18460

العناية بشعرنا من اهم اساسيات جمالنا و فى بعض الاوقات بنتشغل و ننسى و بنعرض شعرنا لعوامل الجو و الحرارة و ده للاسف بيخليه ينشف و يبقى صعب التصفيف و بتلاقى شعرنا بقى خشن فجأة . جايبنلكم شوية وصفات متجربة مش هتاخد منكم وقت فى البيت و هتحافظ على صحة شعركم و تفرده لانها مليانة بروتينات و فبتامينات مفيدة للشعر تعالوا نجربها سوا.

1 – خلطة المايونيز

الخلطه دى بتطرى الشعر وممكن تعمليها مرتين بالاسبوع. 2 معلقة مايونيز +كوب زبادى صغير + بيضه +3 ملعقة بلسم شعر.تخلطيها كويس وبعدين تغرقى شعرك بيها وتغطى شعرك بكيس وتسيبيه ساعه وبعدين تغسلى شعرك بماء دافى فقط بدون شامبو ثم بلسم واشطفيه كويس.

2 – خلطة الزيوت

زيت اللوز +زيت الخروع + زيت جوز الهند اخلطيهم بكميات متساوية كل نوع فنجان واحد حطى الزيت يوميا و كحمام زيتي مرة في الاسبوع وبعد غسل الشعر الوصفة بتقضي على تجاعيد الشعر وتنعمه اكثر وتكثفة لكن لازم المداومة

3 – خلطة الحنه

ممكن تعمليها كل اسبوع مفيش منها مشكله بس اهم حاجه تقعد على شعرك 3 ساعات بس.

10  ملاعق حنه + علبة كانز سفن اب + ملعقة كاكاو خام + ملعقة نسكافيه + عصير لمونه صغيره + 2 ملعقه خل احمر تخلطى المقادير وطبعا بدون مياه وتتركيها تتخمر ساعتين وبعدها تعمليها على شعرك وبعد 3 ساعات تشطفيها بالماء الدافىء وبعد كده بالبلسم.

4 – خلطة اللوز و العسل

دى خلطة متجربة ومفعولها سريع جدا في فرد للشعر.

ملعقتين عسل و  معلقتين زيت لوز  تخلط وتوضع على الشعر لمده 2ساعه أو اكثر ثم اغسلي شعرك كالعادة وهتشوفى الفرق.

5 – خلطة البيض

صفار بيضة واحدة. نصف ملعقة زيت زيتون. كوب إلا ربع من الماء الفاتر. اضربي صفار البيضة، يعني شيلي البياض منها لغاية ما يبقى سميك ولونه يفتح، وبعدين ضيفي نص معلقة زيت الزيتون بالقطارة تدريجيا مع التقليب المستمر، وبعد كده ضيفي المية تدريجيا، واستمري في الخفق وبعدين حطي الخليط ده في زجاجة، وبعد غسل شعرك بالشامبو المناسب لنوع شعرك دلكي شعرك بالملطف ده وسيبيه على شعرك شوية دقايق قبل ما تشطفي شعرك.

نصايح للعناية بالشعر الجاف

• اختاري قصة شعر متحتجش انك تستعملى السشوار او مكواه كثير.

• سيبى شعرك يجف لوحده قدر الإمكان.

• استخدمي البلسم بصفة دورية.

• استخدمي  حمام الكريم العميق مرة في الأسبوع.

• تجنبي التعرض لأشعة الشمس المباشرة والخروج في الجو العاصف.

12 حيلة ونصيحة عشان تتجنبي الشعر الهايش

حيل ونصايح عشان تتجنبي الشعر الهايش
حيل ونصايح عشان تتجنبي الشعر الهايش