توافق برج الميزان مع باقي الأبراج

بقلمسارة جمال فيبرج الميزان visibility95424

البرج اللي بيتميز بالحكمة, الجذابية, والتوازن في العلاقة, الإجتماعي صاحب الكاريزما القوية, اتكلمنا قبل كده عن مواصفات رجل الميزان وانثى الميزان, يلا نتعرف على توافق مواليد برج الميزان مع باقي الابراج التانية.

الميزان مع الأبراج التانية من أنجح علاقاته بتكون مع (الجوزاء, الدلو, القوس, الأسد) ومن أصعبهم واللي بتكون محتاجة شغل وصبر عشان تنجح (الجدي والسرطان).

توافق برج الميزان
توافق برج الميزان

1- برج الميزان والحمل:

طبيعة الشخصيتين فيها اختلاف كبير، يعني الميزان شخص يحب يدرس كل موضوع من كل الزوايا ويحب يناقش الافكار ووجهات النظر مع الاخرين وغالبا ما بيبقي متردد في اتخاذ القرارات، اما الحمل فهو على العكس فبياخد قررت بسرعة و بيكون وجهة نظر قوية واضحة وبيتمسك بيها واحيانا بيكون متعصب لها ورافض انه يسمع وجهات نظر الاخرين، غالبا انطبعاتهم عن بعض مش بتبقى كويسة يعني الحمل بيشوف الميزان ضعيف ومتردد والميزان بيشوف الحمل اناني ومغرور، العلاقة بينهم محتاجة تفاهم وتقدير واحترام كبير عشان تنجح، وغالبا الميزان بيبذل مجهود اكبر ويقدم تنازلات اكتر لانجاح العلاقة دي عن المجهود اللي بيبذله الحمل.

نوع العلاقة: مليانة مشاعر متناقضة كل واحد منكم بيشوف التاني جذاب ومثير للاهتمام ومحبط ومختلف في نفس الوقت، العلاقة محتاجة مجهود كبير وتفاهم وتنازلات منكم انتو الاتنين عشان تنجح.

2- برج الميزان والثور:

بيحاولوا يتجنبوا الخناق و المشاكل بأى طريقة و على الرغم من ان اصحابهم بيحبوا يتواجدوا معاهم فى اى مكان لان علاقتهم متجانسة و هادية و لطيفة لكن فى بينهم اختلافات فى الشخصية. الميزان بيحب يتواجد مع الناس و بيحب النشاطات الاجتماعية اللى بيشارك فيها اصحابه لكن الثور بيفضل يبتعد عن الدوشة و الكلام الكثير و بيركز على اهتماماته الشخصية و الهوايات الخاصة بيه اللى بيحب يعملها لوحده فبيحصل من وقت للتانى مشاكل بينهم لاختلاف طريقتهم فى الحياة.

نوع العلاقة: متناقضين ومختلفين, صعب انكم تقتنعوا بشخصية بعض, بس لو حصل ما بينكم انجذاب بيكون قوي وبتقدروا تغيروا وتأثروا في شخصيات بعض.

3- برج الميزان والجوزاء:

عندهم اتصال عقلي وتفهم قوي جدا, بتحبوا وبتحترموا ذكاء, خفه دم وستايل بعض, بتحبوا الاختلاط والمحادثه مع الناس, انتوا الاتنين بتبحوا تختاروا شريك حياتكم يكون صديق قبل مايكون حبيب.

الميزان بيحب جدا إنه يسعد شريكه, سواء كان جوزاء أو غيره, عنده استعداد قوي للبذل والعطاء.

نوع العلاقة: علاقة مثيره وناجحة , بينكم تفاهم قوي وكافي وبينكم اختلاف بيجذبكم لبعض ويخلي علاقتكم كلها اثارة.

4- برج الميزان والسرطان:

فيه بينكم شبه إلى حد ما بس فيه برضه اختلاف كبير في الإحتياجات والامزجة, انتم الاتنين بتحبوا تخدوا الامور بالراحة, حساسين, بتحسوا بمشاعر اللي حواليكم, وفي نفس الوقت بتتجنبوا المواجهه على اد ماتقدروا.

الخلافات أن برج الميزان هو أكثر موضوعي وعقلاني وعادل بالمقارنة مع السرطان اللي عاطفي وممكن في حكمه على الأمور يحكم بقلبه مش بعقله, لما بتحصل مشكلة بين الاتنين الميزان بيبان للسرطان إنه بارد والسرطان بيبقي رد فعله شخصي جدا ومش بيعرف يحكم بعقله زي الميزان.

الميزان بيحب إن هو وشريكة يبقوا على قدر من المساواه ويتناقشوا مع بعد على عكس السرطان اللي يحب ياخد دور الأم و ميحبش النقاش العقلاني.

نوع العلاقة: البرجين بينهم أختلاف, محتاجين وقت ومجهود عشان تعرفوا تتفاهموا, وفيه أحتمال كبير للمشاكل مابينكم.

5- برج الميزان والأسد:

علاقة كلها دفء وولاء.. هما الاتنين رومانسيين جدا وبيحبوا الحب واحساس انهم يكونوا في علاقة حب, بيحبوا قوي الحركات الرومانسية, عشا, هدايا, ورد.. كل الحاجات ديه, هما الاتنين بيهتموا بموضوع المظهر واللبس وبيحبوا يبانوا في ابهي حالتهم.

الأسد حاسم أكتر من الميزان, وعارف ومحدد هو بيحب إيه وبيكره ايه, الميزان مرن شوية في المسائل ديه وممكن يضحي بسماحة عشان يسعد الأسد وينفذله اللي نفسه فيه, من بين الاتنين الأسد ممكن يكون الشخصية الأقوى والكاسحة أكتر, بس بما إن الميزان عنده إحساس المساواه والعدل علي قوي فممكن في بعد الاوقات يعترض على طريقة الأسد المتكبرة لو زادت عن حدها.

نوع العلاقة: علاقة مثيره وناجحة , بينكم تفاهم قوي وكافي وبينكم اختلاف بيجذبكم لبعض ويخلي علاقتكم كلها اثارة. 

6- برج الميزان والعذراء:

العذراء دقيق ويحب يحلل كل حاجة بيسمعها وينتقدها ومش بيقبل الافكار الغلط او غير المنطقية في حين ان الميزان يحب الكلام جدا مع الناس وسماع خبراتهم وتجاربهم في كل المواضيع وما يحبش ابدا يبين عدم اعجابه برأي او وجهة نظر حد تاني حتى لو هي غلط مش متعود ابدا يحكم على تصرفات حد وده اول اختلاف بين الشخصيتين، اما الاختلاف التاني بقى فهو ان العذراء خدوم جدا يحب يقدم النصايح ويقف مع غيره والميزان مش بيقدر يقتنع بالتصرفات دي لأنه سعات بيشوفها تدخل زايد وتصرف محرج ودي المشكلة التانية، الحقيقة ان الطرفين صورتهم قدام بعض مش مفهومة العذراء بيشوف الميزان ضعيف شوية والميزان بشوف العذراء متزمت وبيشوف الامور بشكل معقد، الشكل المثالي للعلاقة ان الطرفين يحاولوا يتفاهموا شوية ويحترموا صفات ورغبات بعض.

نوع العلاقة: متضطربة إلى حد ما، مش عارفين تفهموا طريقة بعض في التفكير والتعبير عن المشاعر،العلاقة محتاجة مجهود وتفاهم كبير عشان تنجح.

7- برج الميزان والميزان:

كل واحد فيكم بيبذل طاقة هايلة ووقت في العلاقات الشخصية والنقاشات, انتوا الاتنين مش بتحسوا بشعور الكمال غير لما تكونوا في علاقة حب.
بتمتلكوا اللباقة والسحر وعندكم رغبة قوية في إسعاد شريك حياتكم وانكم تعيشوا حياة كلها سكينة وسعادة, بتحبوا انكم ترضوا كل اللي حواليكم وإن انتوا تكونوا محبوبين منهم, مش بتبحوا المشاكل والخناق وكل واحد فيكم ممكن يضحي عشان سعادة شريكة اهم بالنسبة له من سعادته هو. وطبعا عندكم الحس العالي في الإنصاف والتوازن وبتؤمنوا بالمساواة. الجمال مهم جدا ليكم انتوا الاتنين،وبيشد انتباهكم لما تلاحظوا وجوده حواليكم.
نوع العلاقة: قوية جدا! لأنكم بتبقوا فاهمين بعض كويس قوي كأنه كتاب مفتوح… بتشاركوا بعض علاقة كاملة وسعيدة.

8- برج الميزان والعقرب:

الاتنين بينهم اختلاف في طريقة التعبير وقوة المشاعر يعني مثلا العقرب ممكن يتصرف في مواقف بعاطفية كبيرة جدا اكتر من الميزان، وغالبا مشاعر العقرب بتكون اعمق واعنف من الميزان يعني مثلا لما العقرب بيحب حد فهو بيقرب منه عاطفيا جدا وساعات كمان بيحاول يخضعه تحت سيطرته، لكن الميزان لما بيحب بيفضل محافظ على مساحة من الحرية والاستقلال للطرف التاني، الطريقة الحيادية اللي مش منحازة بتاعة الميزان بتغيظ العقرب في حين ان التقلبات المزاجية للعقرب وردوده العنيفة من وقت للتاني ده بيزهل الميزان وبيقلقه.

نوع العلاقة: انتم الاتنين مش بتبقوا فاهمين طريقة بعض في التفكير والتعبير عن المشاعر، العلاقة محتاجة مجهود كتير ومحاولات للتفاهم عشان تنجح بينكم.

9- برج الميزان والقوس:

ﻋﻼﻗﺔ ﻣﻤﯿﺰة وبتستمر ﻟﺴﻨين وعادة مش بيحصل فيها ﺧﻼﻓﺎت ﻋﻤﯿﻘﺔ وﻣﺆﺛﺮة. ﻛﻞ طﺮف ﻣﻦ اﻟﻄﺮﻓﯿﻦ بﻳﺘﻔﺎھﻢ ﻣﻊ التانى ﺑﺴهولة لان هما الاتنين ﺷﺨﺼﯿات اﺟﺘﻤﺎﻋﯿﺔ بﺗﺤﺐ اﻟﻨﺎس  والخروج  وبيستمتعوا برفقة بعض, ممكن نقول ان ﻣﻮاﻟﯿﺪ اﻟﻘﻮس اﻛﺜﺮ ﺻﺪﻗﺎ وصراحة و أقل ﻤﺠﺎﻣﻠﺔ لو ﻗﺎرﻧﺘﮫ باﻟﻤﯿﺰان. 
القوس بيضيف على العلاقة حيوية بأفكارة الحماسية المجنونة, والميزان بيستجيب في معظم الوقت وبيحاول يظهر وجهة نظر عاقلة وموزونة للقوس بس بيعمل ده بمنتهي الحرص عشان ميخليش القوس يفقد حماسته.. بس في بعض الأوقات الميزان مش بيوافق على أفكار القوس لو عنده بعض الشكوك أو الأسئلة اللي ملهاش اجابة واضحة.
 
نوع العلاقة: ناجحة ومثيره وفيها تفاهم ومرونه.

10- برج الميزان والجدي:

الميزان متفتح جدا ويحب الحياة اللي كلها تواصل مع الاخرين، حتى في شغله ما يحبش الاعمال المكتبية اللي مافيهاش تواصل مع الاخرين على عكس الجدي العملي اللي يحب بيئة العمل الجادة الصارمة، ساعات كتير الميزان بيتمنى لو ان الجدي كان اكثر تفتحا وحياته في جانب من المرح والترفيه، وساعات كمان الجدي ذوقه بيميل للكلاسيكيه والموضات القديمة شوية ودي حاجة بتزعج الميزان اوي، ممكن لو حصل بينهم تفاهم يوصلوا لشكل متوازن لحياتهم عن طريق ان الجدي يحط الخطط والاستراتيجيات اللازمة للحياة والاولاد والفلوس في حين الميزان يهتم اكتر بجانب التواصل الاجتماعي والجزء الترفيهي ومايخليش الشغل والمسئوليات يطغوا على الجوانب التانية من الحياة، وكمان الجدي مسيطر شوية ويحب يفرض رأيه في حين ان الميزان ديموقراطي اكتر ويحترم رأي الاخر

نوع العلاقة: عرضة للخلافات المتكررة، صعب اوي تتفهموا طريقة بعض في التفكير والتعبير عن مشاعركم، الموضوع محتاج تحدي ومثابرة ومجهود كبير.

11-برج الميزان والدلو:

هما الاتنين شخصيات نشيطة و اجتماعية جدا وفى علاقتهم بيكونوا احلى اصحاب لبعض. طبيعتهم بتخليهم يكونوا صداقات و معارف كثير و دى حاجة بتكون مناسبة شخصيتهم . الميزان ساعات بيحس ان الدلو بيدور اكثر على صديق من انه بيدور على شريك حياة أو حبيب و دى حاجة ممكن تزعجه لان الميزان بطبعه بيحب تكوين العلاقات الجادة اللى بتنتهى بالجواز مش بس صداقات. بس ده مش بيسببلهم مشاكل كثير لان فى الاخر بيعرفوا يوصلوا لحلول وسط لان تفكيرهم وعقليتهم متشابهة ومتناغمة جدا مع بعض.

نوع العلاقة: علاقة مثيره وناجحة , بينكم تفاهم قوي وكافي وبينكم اختلاف بيجذبكم لبعض ويخلي علاقتكم كلها اثارة.

12- برج الميزان والحوت:

هما الاتنين مستمعين كويسين جدا وعندهم قدرة علي تقبل وجهه نظر الأخر, مش عدوانيين ولا شخصيات تنافسية ومش بيحبوا انهم يدخلوا نقاش حاد عشان يعبروا عن وجهه نظرهم, بيقدروا أن شريك حياتهم يكون شخصية طيبة ,حنينة ولطيفة، الميزان بيشعر إن الحوت في اوقات هو طيب زيادة عن اللزوم ومش بيعرف يدي رأي أو وجهة نظر لما بيتسأل في أي موضوع. الميزان بيعشق الحوارات والمناقشات بس الحوت بيحب الاول انه يتأمل ويفكر في المواضيع قبل مايدخل أي نقاش فيها عشان يقدر يكون وجهه نظر عنها.
الميزان برضه عنده شعور قوي من العدالة والمساواة، وميعرفشي يجامل الظالم وبيبقي شايفة يستاهل العقاب، في حين إن الحوت عشان هو عاطفي أكتر مم يشعر بالشفقة والتعاطف حتي مع الناس الظالمين اللي يكونوا يستاهلوا العقاب.

نوع العلاقة: متناقضين بس لو انجذبتوا لبعض بيكون في تأثير مغناطيسي قوي وبيبقي صعب انكم تحددوا إيه سبب الإنجذاب, محتاجين شغل جامد عشان العلاقة تستمر.

في النهاية حابين نقولكم إن موضوع الأبراج مش لازم ينطبق علي كل الناس زي بعض وبنفس النسبة عشان كده لو فيه بينكم مش بينطبق عليه الكلام ده, ده شيء طبيعي جدا. احنا قدمنا المقارنة من من جانب واحد بس, لكن في الحياة فيه جوانب تانية كتيرة جدا بتأثر في العلاقة احنا متأكدين طبعا انكم بتاخدوا بيها في حكمكم, وفيه في العالم علاقات كتيرة جدا ناجحة بين كل علامات الأبراج, لأن اهم حاجتين ممكن ينجحوا أي علاقة هما (الحب والتفاهم)…

اقروا كمان: الساحرة الحكيمة انثى الميزان

اللبق الحكيم رجل برج الميزان

أهم 5 أسباب لجاذبية برج الميزان!

إيه هي عيوب برج الميزان؟!

أحلي الهدايا لانثى برج الميزان