إزاى تختارى الشنطة المناسبة علي حسب لبسك وشكل جسمك

بقلميسرا خالد فيموضة وأزياء visibility8028

تعتبر الشنطة أهم مكملات زينة بنات حوا لأنها بتساعد على اكتمال أناقتها بجانب ملابسها وبالرغم من اختلاف أشكال وخامات الشنط من وقت للتانى حسب تغير الموضة لازم تعرفى ازاى تختارى الشنطة المناسبة ليكى وأن تكون مناسبه لأوقات اليوم والمناسبات المختلفة ومناسبة لشكل جسمك,تعالوا نقرا شوية نصائح عن اختيارك للشنطة المناسبة.

يا بنات حاجة مهمة جدا لازم تعرفوها إنك لما تيجي تختاري الشنطة لازم تختاريها على حسب حجم الجسم وده لأن الاختيار الصحيح للشنطة ممكن يداري عيوب وممكن يبرز عيوب موجودة في الجسم يعني مثلاً:

1- الجسم الممتلئ:

لو كنتِ صاحبة جسم ممتلئ فأنسب شنطة ليكِ هي الشنطة الكبيرة واللي إيديها متوسطة الطول يعني الشنطة تكون واصلة لمنطقة “الوسط” ومتتعداش المنطقة دي.

انواع الشنط
انواع الشنط

2- الجسم النحيل الطويل:

لو كنتِ طويلة ورفيعة فأحسن حاجة إنك تحتاري الشنطة الكبيرة واللي إيديها قصيرة لأن الشنطة الطويلة هتكسبك طول أكتر.

انواع الشنط
انواع الشنط

3- ممتلئة الأرداف:

لو كنتِ صاحبة أرداف عريضة فمن الأفضل إنك تختاري الشنطة القصيرة وياريت اللي بتتشال تحت الإبط. بس مايكونش حجمها صغير.. تكون متوسطة الحجم.. وإن ماكانش يبقى على الأقل يكون طولها قصير بحيث ماتوصلش لمنطقة الوسط… وده لأن الشنط الطويلة هتبرز المنطقة دي وطبعاً ده مش هيكون محبب ليكِ.

انواع الشنط
انواع الشنط

4- الجسم النحيل القصير:

المناسب لصاحبة الجسم القصير النحيل هو الشنط الصغيرة وبإيدين قصيرة اللي بتتشال تحت الابط موازية للصدر.

انواع الشنط
انواع الشنط

 أنواع الشنط المختلفة

1- الشنط اللى الوانها محايدة

من الصعب ان يكون عندك كل الالوان للشنط اللى لونها زى لون هدومك عشان كده لازم يكون دولابك فيه اختيار شنط اليد اللى فيها الألوان المحايدة كالأبيض، والأسود، والبني ممكن تشترى شنطة او اثنتين ألوانهم براقة للحفلات والمناسبات.

محايدة
محايدة

2- شنطة اليد الكلوتش clutch

وهي شنطة صغيرة أكبر من حجم اليد شوية – مناسبة للسهرات والحفلات مش هتحتاجى تشيلى حجات كتير، فهي مصممة بأنها مش تتسع إلا للحجات الأساسية الصغيرة اللي تحتاجيها خلال السهرة أو الحفلة.

كلاتش
كلاتش

3- الشنط التوتي tote

اختاري دائما شنطة ايدك على أساس الغرض اللي هتستعمليها فيه. فمثلا الشنط التوتي Tote وهي شنطة يد كبيرة أو متوسطة الحجم وليها حزام عريض في الغالب النوع ده من الشنط بيكون مناسباً جدا لأغراض العمل وحمل الأغراض الشخصية.

 الشنط التوتي tote
الشنط التوتي tote

4- الشنطة الهلالية Hobo

وهي شنطة على شكل هلال كبير ولها حزام كبير بتتشال على الكتف الشنطة دى من أنواع الشنط المناسبة للمرأة العاملة لأن حجمها كبير وبتنفع لحمل الكثير من الأغراض اليومية اللي مش بتستغني عنها المرأة في العمل.

هوبو
هوبو

5- الشنطة الساتشل Satchel

بيكون الأحزمة والجيوب الكثيرة تناسب كمان أغراض العمل والدراسة، و ممكن تتشال على الكتف، وحجمها يسمح بوضع الأوراق والملفات المهمة الي بتحتاجيها ، كمان الشنطة دى بتتميز بأشكالها العصرية اللي تناسب كل الأذواق.

 الشنطة الساتشل Satchel
الشنطة الساتشل Satchel

6- الشنط الكروس cross bag

الشنطة دى عملية جدا و مش بتتشال على الكتف عشان كده تنفع اوى لو كنتى نازلة تعملى شوبينج او رايحة مشوار وهتحتاجى تشيلى حاجات و مش هتتعبك ولا تقع من على كتفك و تنفع كمان فى المشاوير الخفيفة و الدراسة و بتختلف احجامها من الصغير للكبير جدا و فى منها بيكون معاه ايد زيادة لو فكرتى تشيليها على كتفك او تمسكيها فى ايدك.

 الشنط الكروس cross bag
الشنط الكروس cross bag

5- الشنطة الضهر backpack

الشنطة اللي بتتلبس علي الضهر ممكن علي كتفين أو كتف واحد, شنطة كاجوال عملية جدا ونازله موضة السنة ديه منها الأنواع الجلد اللي ممكن نلبسها مع كعب عالي.

الشنطة الضهر backpack
الشنطة الضهر backpack