اجدد موضة حلقان الصيف

 الصيف دايما بيحب الموضة و الدلع و كلنا بنحرص ان احنا نكون متألقين دايما فى كل الاوقات و زى ما انتم عارفين مفيش واحدة فينا بتقدر تستغنى عن الاكسسوارات فى اى وقت و فى كل مناسبة و من الحجات اللى بتهر جمال وجهك و شعرك هى الحلقان بجميع انوتعها و اشكالها . موضة الحلقان الصيف ده متنوعة جدا وبترضى جميع الازواق احما جايبنلكم النهاردة كل الاشكال اللى طالعة موضة و منتشرة جدا فى الصيف ده و ليكى تختارى فيها اللى يعجبك ويليق عليكى تعالوا نشوفهم مع بعض ….

1 – حلقان الاقفال ear cuffs

الصيف ده نازل موضة فى الحلقان اشكال جديدة و جريئة جدا و هى ال ear cuffs  اللى شكلها غير تقليدى خالص و بتقفل على الودن كلها الحلقان دى اللى هتلبسها هتكون شخصية تعشق المرح و جريئة و نازل منها اشكال كثير منها الهادى و الرقيق و منها الاشكال الكبيرة اللى فيها سلاسل و شغل اكثر و اللى بيميزها ان اغلبها بيكون باللون الفضى و الذهبى و الاسود.

2 – الحلقان الصغيرة stud earrings

الحلقان دى فى منتهى الرقة و مناسبة لجميع المناسبات و الاوقات ممكن تتلبس على اى اكسسوار تانى و مش هتقيدك فى اختيار الوان معينة فى لبسك عشان هى رقيقة و صغيرة جدا بتيجى فى اشكال كثيرة اوى منها الملون و منها اللى فيه احجار و بيلمع و اغلب الاشكال اللى البنات اقبلوا عليها هى الاشكال الرقيقة زى القلوب و الفراشات و الشموس و الهلال و غيرها.

 3 – حلقان الاحجار الكريمةgemstones earrings

الحلقان مخصوص لواحدة بتعشق الاناقة و انها تكون واضحة و متألقة قدام الناس بتليق جدا على الشعر اللى مرفوع لفوق عشان بتبين جمال وجهك لانها اكبر شوية من الحلقان اللى فاتت فبتكون واضحة الحلقان دى بتكون مناسبة اكثر بليل نازلة بألوان كتيرو و اشكال مختلفة و اكثر الالوان المنتشرة هى الاحجار الازرق و البينك و الموف و ممكن تتلبس على اى لون فى الملابس بس بلاش تلبسيها مع عقد كبير عشان تحافظى على رقة مظهرك.