فوائد شرب المياه

بقلميسرا خالد فيتخسيس الوزن visibility3273

فى ناس كثير وسط زحمة اليوم و الشغل بينسوا يشربوا مياه كفاية و بيكتفوا بالمشروبات زى القهوة و العصائر و بيتفجأوا بأعراض بتأثر على صحتهم زى الصداع و المغص و غيرها و بيكونوا مش عارفين ايه السبب . بنات حوا بتقولكم ان السر هو فى عدم شرب كمية مياه كفاية طول اليوم . تعالوا اعرفوا معانا بعض الاسرار و الفوائد اللى مكناش نعرفها و  اللى ممكن ناخدها من شرب المياه …

1 – جلد صحى

المياه بتساعد على الحفاظ على مرونة الجلد لأن جسمنا بيتكون معظمه من السوائل و كمان بتساعد جدا على التخلص من الهرمونات و السموم اللى بتسد مسام البشرة و بتسبب الحبوب و الرؤوس السوداء.

2 – بتزود النشاط

مش زى ما كنتم فاكرين ان القهوة بس هى اللى بتصحصح و بتزود نشاطكم بالعكس لو استغنينا عن المشروبات دى و فى وقت ارهاقنا و عدم احساسنا بالنشاط و ركزنا فى شرب المياه هنزود نشاطنا و انتاجنا  و تركيزنا فى شغلنا من غير مجهود.

3 – مسكن طبيعى

آللام المفاصل و الظهر و التقلصات و الصداع  اللى بتجلنا من غير سبب بيكون سببها جفاف الجسم و المياه بتعتبر مسكن طبيعى للاعراض ديه و بتهديها و تقللها.

4- مقوية للمناعة

شرب المياه الكفاية بيساعد على الوقايم من كثير من الامراض الخطيرة زى السرطان و الالتهابات و بيقوى الجهاز المناعى للجسم و من اهم نصائح للحفاظ عاى صحة القلب شرب كوب مياه قبل النوم مباشرة.

5 – بتحافظ على صحة الكلى

زى ما احنا عارفين ان وظيفة الكلى هى طرد السموم من الجسم و الوقود اللى الكلى بتحتاجه عشان تقوم بالوظائف بتاعتها هى شرب المياه و قلة شرب المياه بتأثر على الجهاز البولى و بتسبب التهابات ممكن توصل للجهاز التناسلى كمان.

6 – بتساعد على حرق الدهون

المياه من اهم اساسيات الرجيم اللى بينصح بيها كل الدكاترة و لازم نشرب على الاقل 8 كوبايات مياه فى اليوم عشان نساعد فى حرق الدهون المتراكمة و كمان المياه بتساعدنا على عدم الشعور بالجوع خصوصا قبل الوجبات و المياه مفيهاش سعرات حرارية و مش هتلاقوا اى مشروب حارق للدهون خالى من السعرات الحرارية زي المياه.

بنات حوا بتنصحكوا انكم ممكن تزودوا للمياه حباية فراولة او ليمون او نعناع عشان تخلوا طعمها احلى و تخليكم تشربوا مياه اكثر طول اليوم