إزاي تطولي اظافرك بطرق طبيعية وسريعة؟!

سارة جمال
سارة جمال
في
أظافر
51749

كل البنات نفسها إن أظافرها تطول بسرعة ويبقي شكلها صحي وقوي, لأن الأظافر القوية بتدي جمال ورقة لشكل الإيدين حتي لو مفيش فيهم أي لون مانيكير وشكلهم طبيعي… وده برده بيبقي دليل اد إيه البنت مهتمة بنفسها وبأناقتها.. جايبنلكم 3 طرق إزاي تقدروا تطولوا اظافركم بشكل طبيعي وسريع..

الأظافر مكونة من بروتين الكرياتين زيها زي الشعر بظبط, أظافر الأدين بتطول أسرع من اظافر الرجلين, الأظافر بتطول بمعدل 3 مللي في الشهر.

اثبتت الدراسات إن صعب إن الاظافر تطول في خمس أيام, لكن اللي ممكن نعمله في 5 أيام هو اننا نقويها ونخليها متكسرش وتتقصف وتقدر توصل للطول اللي إنتي نفسك فيه.. بس لو إنتي محتاجة أظافر طويلة في 5 أيام, ممكن تركبي الأظافر الصناعية وتعملي ده بشكل يخليها تبان طبيعية جدا, هنوريكم إزاي خطوة بخطوة.

طرق تطويل الاظافر:

1- وصفة زيت الزيتون:

 عشان تساعدي اظافرك إنها تطول، من المهم إنك تحافظي على ترطيبها. زيت الزيتون هو أحسن ترطيب لما نيجي نتكلم عن عناية بالأظافر. عشان بيتغلغل في الجلد والأظافر، وبيساعد علي تغذيه الاظافر.وكمان بيحتوي على فيتامين E اللي بينشط الدورة الدموية، ويساعد على إصلاح تلف الاظافر ويساعدها تطول.

قبل ماتنامي بالليل، دفي شوية زيت الزيتون, ودلكي بيهم ضوافرك والجلد اللي جنب الضوافر بلطف لمدة 5 دقائق. وبعدين البسي جوانتي قطن ونامي وإنتي لبساه.

ممكن برضه تنقعي ضوافرك في الزيت الدافي لمدة 15 إلى 30 دقيقة.

استمري على الطريقة ديه لمدة أسبوعين أو شهر, مرة كل يوم.

2- وصفة زيت جوز الهند:

زيت جوز الهند بيحتوي على عناصر غذائية مهمة بترطب الاظافر والجلد اللي حواليها بشكل قوي وفعال, وكمان ممكن يستعمل كعلاج من التهابات البشرة اللي بتبقي حوالين الاظافر.

اخلطي 1/4 كوب من زيت جوز الهند + 1/4 كوب من العسل + 4 قطرات من زيت الروزماري.

دفيهم في الميكروويف لمدة 20 ثانية.

انقعي أظافرك في الخليط لمدة 15 دقيقة.

استمري على الطريقة ديه لمدة أسبوعين أو شهر, مرة أو مرتين كل أسبوع.

3- وصفة زيت الزيتون والليمون أو “الطماطم”:

الليمون بيحتوي على فيتامين C اللي هو ضروري جدا لنمو الاظافر. وكمان بتدي الاظافر تألق ولمعة.

اخلطي 1 ملعقة كبيرة من عصير الليمون و 3 ملاعق كبيرة من زيت الزيتون.

سخنيهم في الميكروويف لمدة 20 ثانية , وبعدين انقعي ضوافرك في الخلطة لمدة 10 دقايق.

بعد كده افركي شريحة ليمون على ضوافرك لمدة 5 دقائق، وبعدين أشطفيها بالمية الدافية.وحُطي كريم مرطب.

لو اديكي ملتهبة أو متجرحة يستحسن بلاش تستعملي الليمون وجربي بدالة عصير الطماطم اللي بيحتوي برضه على فيتامين C وفيتامين A.

استمري على الطريقة ديه لمدة أسبوعين أو شهر, مرة كل يوم.

نصايح إزاي تحافظي على اظافرك من التكسير والتقصيف:

  • اتجنبي تعريض أظافرك للمواد الكيميائية، اللي بتبقي موجودة في المنظفات والكلور. يفضل إنك تلبسي جوانتي التنظيف في الوقت ديه.
  • اتجنبي عض ضوافرك وده عادة سيئة عند بنات كتير وللاسف بتضعف الاظافر وتكسرها.
  • قلمي ضوافرك بانتظام وقصيها أول بأول , ده هيخليها تطول اسرع أو اقوي,
  • حطي كريم مرطب على الأظافر واليدين قبل النوم كل يوم.
  • لازم تحتي طبقة مانيكير شفافة قبل طبقة المانيكير اللون عشان تحافظي وتحمي ضوافرك من أي مادة مضرة ممكن تكون في المانيكير نفسه.
  • واظبي على أي من الوصفات أو الخلطات اللي فوق.
  • ممكن كمان تاخدي فيتامينات لتسريع نمو الأظافر. اسألي عليها الدكتور أو الصيدلي..

طريقة تركيب الاظافر الصناعية خطوة بخطوة

بعض الناس بيعانوا من الحساسية للمواد الاصقة اللي بتستخدم للزق الأظافر الاصطناعية. ممكن تكون أغراض خفية زي الحكة والاحمرار، خليكي حريصة لو حسيتي بأي من الاعراض ده يبقي على طول شليها عشان متسببلكيش التهاب أو حساسية.

مقالات متعلقه

بمكون واحد من مطبخك هيساعدك على تطويل وتبييض ضوافرك

بمكون واحد من مطبخك هيساعدك على تطويل وتبييض ضوافرك

ازاي تخلي ضوافرك اقوى بشكل طبيعي في اسبوعين بس

ازاي تخلي ضوافرك اقوى بشكل طبيعي في اسبوعين بس

12 قاعدة بسيطة هتساعدك في الحصول على باديكير مثالي

12 قاعدة بسيطة هتساعدك في الحصول على باديكير مثالي