الممنوع والمسموح من الفواكه والمشروبات فى الرجيم

يسرا خالد
يسرا خالد
43375

كثير بنكون محتارين واحنا بنعمل رجيم ايه هى الفواكه والمشروبات اللى هتساعدنا وايه هى الانواع اللى ممكن تبوظلنا كل المجهود اللى عملناه من غير ما ناخد بالنا. بنات حوا بتهتم برشاقتكم وجايبالكم قائمة المتاح والممنوع من فواكه ومشروبات الرجيم …

اتعرفوا معانا على فواكه ومشروبات الرجيم

– الفواكه المفيدة فى حرق الدهون

1– الفراولة
الفراولة فيها هرمونات هتساعدك كثير جدا فى حرق الدهون و هتزود قدرة جسمك على الحرق.

2– الجوافة
بتساعد على توازن نسبة الانسولين فى الدم و بتمنع تراكم الدهون.

3– التفاح
التفاح بيزود جدا نسبة الحرق خصوصا لو كلتى 5 تفاحات فى اليوم.

4– الكيوى
كلها الياف مفيدة و سكريات سعراتها الحرارية قليلة و ممكن تعتبريها كتحلية مفيدة.

5– البطيخ
فيه نسبة كبيرة من المياة و بيساعد على امتلاء المعدة و بيخليكى متجوعيش بسهولة.

6– البرتقال
تقريبا مفهوش سعرات حرارية و بيعتبر احسن فاكهة لخسارة الوزن و العصير بتاعه مفيدجدا خصوصا بين الوجبات.

– الفواكه اللى هتسببلك زيادة فى الوزن

الفواكه الاستوائية
بعض أنواع الفواكه كالمانجو، الموز والأناناس ممكن تكون لذيذة، لكنها غنية بكميات هائلة من السكر مقارنةً بأنواع الفواكه التانية، و السعرات فيها عالية جدا .
الفواكه المجففة
مفيهاش سوائل ولا الياف خالص و دى حاجة ممكن تأثر على خسارة وزنك ، و كمان الفواكه المجففة فيها الكثير من السعرات الحرارية في كميات بسيطة. مثلا ، الكوب الواحد من الزبيب المجفف بيحتوي على 500 سعر حراري احسن حاجة انك تستبدليها بالمكسرات الصحية.

– المشروبات الممنوعة فى الرجيم

1– المشروبات الغازية
دى اكبر كارثة فى اى رجيم و متصدقيش الاعلانات اللى بتقول ان ده مشروب دايت لان مفيش حاجة اسمها كده و المشروبات دى كلها سعرات حرارية على الفاضى . المشروب الواحد ممكن يعادل 2 رغيف بلدى.

2– العصائر المعلبة
العصائر دى بيكون مفيهاش فاكهة حقيقة و كلها سكريات على الفاضى استبدليها احسن بعصائر طبيعية.

3– السموزيزاو الفواكه المثلجة

مشروبات الفواكه المثلجة اللى كلنا بنحبها و نطلبها فى الكافيهات دى كلها سكريات و مش مفيدة و السعرات الحرارية فيها عالية جدا . ممكن تبدليها بالزبادى و الفاكهة او لبن خالى الدسم مع فاكهة معمول فى البيت.

4– مشروبات الطاقة
اوعى تفتكرى ان دى حاجة مفيدة خصوصا ان فى بنات بتشربها عشان تقدر تلعب رياضة و تكون نشيطة . المشكلة فيها انها مش بتدى جسمك اى طرطيب و انتى فى الرجيم بتكونى محتاجة سوائل كثير و دى معظمها بيكون فيه كافيين اللى بيحبس المياه فى الجسم و بيخلى جسمك يتنفخ.

– المشروبات المفيدة فى الرجيم

1– المياه
هى الحل السحرى لتقليل احساسك بالجوع و حرق الدهون و تنظيف جسمك من السموم خصوصا لو شربتى كوبيتين مياه قبل كل وجبة.

2– عصائر الخضروات
متستغربيش دى بيكون كلها فوائد و الياف رائعة زى مثلا عصير الطماطم اللى فيه 33 كالورى بس.

3- اللبن المنزوع الدسم
مشروب خفيف و مفيد جدا و مليان كالسيوم بس نبعد عن الدسم اللى فيه.

4– الشاى الاخضر

مضاد للاكسدة رائع و حارق للدهون ممتاز و بيساعدك على التخلص من السموم فى جسمك بسهولة خصوصا لو شربتى 3 كوب فى اليوم.

بنتمتى المعلومات دى تكون مفيدة ليكم و تسهل عليكم الرجيم و توصلوا لأحسن نتايج بتتمنوها بسرعة.

مقالات متعلقه

6 حيل نفسية فعالة لانقاص الوزن

6 حيل نفسية فعالة لانقاص الوزن

نصائح لتخسيس الوزن في رمضان..و 5 وصفات للتخسيس

نصائح لتخسيس الوزن في رمضان..و 5 وصفات للتخسيس

11 طريقة للسيطرة على ادمان الطعام وفقدان الدهون بشكل اسرع

11 طريقة للسيطرة على ادمان الطعام وفقدان الدهون بشكل اسرع