6 نصائح لخسارة الوزن بسرعة

يسرا خالد
يسرا خالد
7805

مين فينا مش عايز يقلل وزنه وبيمشى على رجيمات غذائية صارمة ويتعب نفسه بالتمارين عشان يخلص من الوزن الزيادة؟ النهردة بنقدملكم 6 نصايح لخسارة الوزن ممكن نمشى عليها بشكل دائم، من غير اى رجيمات غذائية قاسية أو تغيير كبير في النظام والعادات الغذائية اليومية…

نصايح للتخسيس
نصايح للتخسيس

1- احذرى السموم البيضاء :

السكر والملح هما عدو الصحة والرجيم الاول لان زيادة السكر بتساعد على زيادة تراكم الدهون فى الجسم و زيادة الملح بتساعد على مشاكل الدورة الدموية والقلب وكمان بتخلي الجسم يجمع السوائل ويحبسها, فبيزود الوزن ويسبب الانتفاخ ،فحاولى التقليل منهم على قد ما تقدرى.

2- نأكل ببطء ومضغ الاكل كويس:

لمل بناكل بسرعة بيزيد رغبتنا في الاستمرار في الأكل،  لان الإحساس بالشبع وامتلاء المعدة مش بيبدأ إلا بعد حوالي 20 دقيقة من تناول الوجبة عشان تتنقل للمخ فكرة “امتلاء المعدة” . عشان كده يُنصح بتناول الوجبات ببطء واستهلاك القليل من الأغذية.

3- اعرفى أهمية الأغذية الغنية بالكربوهيدرات “الصحية”

معظم الرجيمات اللى بنعملها بتنصح بتفادي الوجبات الغنية بالكربوهيدرات لكنها مهمة جدا، لان اختيار المواد الغذائية المهمة الغنية بالكربوهيدرات ضروري للجسم، وعلى سبيل المثال خبز القمح بيقعد لفترة طويلة في المعدة وبيعطي الإحساس بالشبع. و كمان  الوجبات الغنية بالكربوهيدرات بتمنع من ارتفاع مستوى السكر في الدم بسرعة وتسد الشهية المفرطة.

4- افطار مغذى وعشاء خفيف :

وجبة الافطار مهمة جدا و لازم يكون فيها كمية كبيرة من الألياف والبروتينات عشان تساعدى الجسم على مزيد من حرق الدهون والسعرات الحرارية ،ووجبة العشاء لازم تكون خفيفة عشان يقدر جسمك انه يتخلص من السموم أثناء النوم.

5- يوم للراحة من الريجيم اسبوعيا :

نجاح أى ريجيم بيعتمد بدرجة كبيرة على عدم الملل من الرجيم وأشتهاء الطعام عشان كده لازم يكون فى يوم اسبوعيا تاكلى اللى تحبيه  بعيد عن الرجيم ولكن بمقدار المعقول من غير الأسراف.

6- شرب المياه كثير :

من العوامل الضرورية لخسارة الوزن لازم يوميا تشربى مش اقل  من 2 لتر من الماء عشان تساعدى على عمل الكبد والكلية فى تنظيم الجسم من السموم الضارة واللى بتوقف عملية حرق الدهون خاصة فى الكرش والأرداف.

خسارة الوزن وحلم الرشاقة ليس مستحيل مع بعض النصائح الغذائية لتساعدك على خسارة وزنك بوقت أقل وبطريقة صحية.

مقالات متعلقه

6 حيل نفسية فعالة لانقاص الوزن

6 حيل نفسية فعالة لانقاص الوزن

نصائح لتخسيس الوزن في رمضان..و 5 وصفات للتخسيس

نصائح لتخسيس الوزن في رمضان..و 5 وصفات للتخسيس

8 نصايح سهلة لخسارة الوزن في 14 يوم

8 نصايح سهلة لخسارة الوزن في 14 يوم