11 ماسك من مكونات طبيعية لتفتيح البشرة

بقلميسرا خالد فيبشرة visibility32390

بنات حوا بيحبوا يحافظوا دائما على جمالهم و بشرتهم و احنا فى الصيف بنتعرض لعوامل كثير زى الشمس اللى بتأثر على بشرتنا و بتسببلها بعض الغمقان . جايبنلكم وصفات لماسكات رائعة عن تجربة وسهلة جدا مش هتاخد وقت ولا مجهود فى تحضيرها وهتخلى وشكم ينور…

يلا نبدأ وصفات تفتيح البشرة

1- زيت الزيتون و الليمون

معلقة دقيق ابيض ومعلقة زيت زيتون ومعلقة لبن ونص لمونة ويتم فرده على الوجة والرقبة لمدة 20 دقيقة وبعدين نشطفة بالماء الدافى و بعده البارد.

2- اللبن:

برغم انة بسيط جدا الا انة نتيجتة تحفة جدا معلقتين لبن بودرة اى نوع ومعلقتين لبن سايل نخلطهم كويس ونفردة على الوجة والرقبة نصف ساعة ونغسلة بالماء الدافى ثم البارد.

3- الاسبرين و الزبادى:

نصف علبة زبادى وندوب فية قرص اسبرين بعد طحنة الماسك دة بيستخدم فى اكبر مراكز التجميل نفردة نصف ساعة ونشطفة بنفس الطرق السابقة.

4- بودرة جونسون:

2 معلقة بودرة جونسون لاطفال ومعلقة مية ورد ومعلقة لبن الماسك دة غير انة بيبيض كمان بينور وينعم وبيدى ريحة تحفة ونفردة نصف ساعة ونشطفة بنفس الطريقة.

5- البطاطس:

1 بطاطس مسلوقة بقشرها ونص كوب لبن ونضربهم كويس فى الخلاط ويفرد على الوجة بالاضافة لمنطقة تحت العين تحفة بيبيضها والباقى بيتحط فى التلاجة عادى ويشطف بنفس الطريقة.

6- الخيار و الليمون:

نص خيارة مبشورة وناخد عصيرها ونص عصير لمونة و2 معلقة دقيق ابيض ويفرد ويشطف بنفس الطريقة.

7- نشا وزبادى:

معلقة نشا ومعلقة زبادى ونص عصير لمونة ونص معلقة زيت زيتون ونحطة 20 دقيقة ونشطفة بنفس الطريقة.

8- ليمون ولبن:

معلقة دقيق ومعلقة نشا ومعلقة مية ورد ومعلقة زيت زيتون ومعلقة لبن ونص لمونة الماسك دة كمان تحفة للجسم واى منطقة غامقة نصف ساعة ونشطفة بنفس الطريقة.

9- خيار ونشا:

خيارة ومعلقتين نشا ونص كوب مية ورد ونضربة فى الخلاط ونفردة على الوجة والرقبة نصف ساعة ونشطفة بنفس الطريقة.

10- لوز:

3ملاعق لوز مطحون نجيب اللوز وننقعة لغاية ماالقشرة تقع ونسيبة ينشف وبعدين نطحنة ونعجنة بلبن ونحطة نصف ساعة وبعدين نشطفة بنفس الطريقة الماسك دة بيستخدمة اجمل نجوم السينما الامريكية.

11- عصير خيار:

ماسك سايل بشر 3 خيارات وعصرهم وتصفية العصير ونحطة فى زجاجة وكل يوم بالليل ندهن الوجة بقطنة ونشطفة الصبح على فكرة بيقعد فى التلاجة عادى ونرجة قبل كل استعمال.

نصيحة من بنات حوا عشان توصلى لأحسن مفعول و نتيجة للماسك لازم تداومى على الاستعمال و قبل اى حاجة لازم تحافظى على نظافة وشك كويس و تغسليه كويس جدا قبل الماسك, نتمني إن وصفات تفتح البشرة من بنات حوا تكون نالت اعجابكم…