إزاى تختارى حمالة الصدر المناسبة
لو كنتى حاسة بآلام فى الكتفين او الرقبة او حاسة ان صدرك يبدو منخفض او بيأثر على شكل ظهرك و يدفع كتفيك لقدام او حمالات الصدر بتسيب علامات على جلدك فانتى اكيد لابسة الحمالة اللى مش مناسبة ليكى, السطور الجاية هتساعدك إزاى تختارى حمالة الصدر المناسبة و المريحة لجسمك.
1- ازاى اعرف المقاس المناسب ليا؟
– اول حاجة هتقيسى دوران الصدر ( ابدئي القياس تحت صدرك مباشرة حول جسمك) و اكتبي قياساتك و زودى 5 – 6 سم للرقم اللى كتبتيه .
– تانى خطوة هتقيسى دوران الصدر عن طريق قياس المنطقة الاكبر حجما ( واللى غالبا بتكون قرب حلمات الصدر) مرورا بظهرك, فمثلا لو كانت قياساتك الاولى هى 30 وبعد الاضافة بقت 36 وقياسات الثانية هى 38 اطرحى 38 – 36 و هيطلعلك المقاس الحمالة المناسب.
0=AA
1=A
2=B
3=C
4=D
5=DD
6= DDD
2- انواع حمالات الصدر المختلفة:
1 – لو صدرك حجمه صغير:
احسن نوع ليكى هيكون balcony-style bra بحمالات او من غير و ممكن برده تلبسى Half-cup “bra لانهم بيساعدوا على ابراز الصدر بشكل طبيعى وجذاب.
2- لو صدرك حجمه كبير:
احسن انك تختاري حمالات صدر فيها حمالات عريضة للذراع عشان تخفيف الوزن و كمان اختارى قوالب كاملة “ Full cups “ و ابعدى عن عن حمالات الصدراللى فيها اي نقوش ممكن تزود من حجمه.
3- لو لابسه تى شيرت قطن:
حمالات الصدر ال ” seamless bra “ مثالية و تعتبر اريح و احسن نوع لو هتلبسى الجينز والقمصان القطن الخفيفة.
4- لو لابسه ملابس خفيفة او شفافة:
حمالات الصدر اللى تشبه لون الجسم ” Flesh-colored bras ” مناسبة لو هتلبسى الملابس الخفيفة.
3 – حجات لازم تعرفيها و انتى بتختارى حمالة الصدر
– اختيار القطر المناسب للحمالة:
لازم ميكنش القطر واسع جدا، لان المادة المصنوعة منها الحمالة بترتخي بعد وقت قصير وعشان كده لازم يكون قطر الحمالة أقل بمقدار 5 إلى 10 سنتم من قياس محيط الصدر.
– درجة ضيق الحمالة:
لازم تجربى حمالة الصدر في كثير الأوضاع زى الوقوف والجلوس، وفي حالة الشعور بصعوبة التنفس و انتى لابسة الحمالة الجديدة فده بيدل على ان قطرها ضيق وإنها غير مناسبة.
– درجة ثبات الحمالة:
لمل تيجى ترفعى دراعك لازم متتحركش من مكانها، ولو اتحركت معناها ان القطر كبير و انها برده مش مناسبة.
بنات حوا بتقولك ان بعد 6 شهور حمالة الصدر بتفقد مرونتها وصلابتها لازم تحرصي على تغييرها في الوقت المناسب.