5 علاجات طبيعية لحب الشباب
كلنا عارفين ايه هو حب الشباب و اد ايه بيسببلنا احراج فى اوقات كثيرة و لكن فى طرق ووصفات طبيعية ممكن نجربها فى البيت وسهلة جدا و بتكون ساعات احسن من الكريمات والعلاجات الغالية اللى جربناها ومش بتجيب نتيجة تعالوا نتابع القراءة و نعرف ايه هما…
1- قناع الاسبرين والعسل والماء:
– امزجى خمس أقراص من الاسبرين العادي مع تحريك الماء بس لازم تتأكدى من أنك طحنتى الأسبرين كويس عشان يحقق التأثير الكامل. – زودى ملعقة صغيرة من العسل، والى بيعتبر كقاتل للجراثيم، العسل مش بس بيقتل البكتريا وإنما كمان بيساعد على تليين وترطيب الجلد. – سيبى القناع على وشك لمدة تصل إلى 15 دقيقة ، و اشطفه كويس بالماء الدافئ و استخدمى فوطة نظيفة لتجفيف وجهك.
2- قناع البيض:
– حطى ثلاث بيضات في طبق، وافصلى صفار البيض عن البياض ، و بعدين حطى بياض البيض على وجهك . – اخفق البياض كويس عشان يتجانس و حطيه على وجهك . -سيبى البيض ينشف لمدة تصل إلى 20 دقيقة و بعدين اشطفيه بالماء والصابون ولأنك بتتعاملى مع البيض النيئ فتأكدى من أنك تغسلى وشك بالكامل وطهرى وشك كويس.
3- قناع دقيق الشوفان:
النشويات زى الشوفان بتزيل الزيوت المتراكمة على الوش و في نفس الوقت بتساهم فى ترطيب الجلد.
– هنحط كوب واحد من دقيق الشوفان العادي (ومش قطع الصلب) مع 2/3 كوب من الماء الساخن بدرجة الغليان ، هنخلطها كويس و نسيب دقيق الشوفان يبرد. -هنزود ¼ كوب من العسل لدقيق الشوفان المبرد، لأن العسل بيعمل كعامل مضاد للجراثيم و بيساعد على الترطيب. -هنحط القناع على وشك لتنظيف الجلد وسيبيه ينشف لمدة تصل إلى 20 دقيقة، و اشطفه كويس بالماء الدافئ والصابون .
4- قناع صودا الخبز:
القناع ده بيستخدم لإزالة خلايا الجلد الميتة . – مزج ½ كوب من صودا الخبز مع ملعقة صغيرة من الماء الدافئ عشان نعمل عجينة . – هنحط القناع على بشرة نظيفة وافركى وجهك بلطف فركك لوجهك بالقناع هيساعد على إزالة الجلد الميت من الوجه. -القناع ده مش بيحتاج وقت معين ، بس ممكن توقفى فرك الوجه وقت ما انتى عايزة و بعدين اشطفيه بالماء والصابون.
5 –استخدام خل التفاح كمنشط:
الأحماض الماليك واللبنيك في خل التفاح هتموت البكتريا وبتشيل الكثير من الدهون على الوجه وبتساعد فى إزالة الكثير من خلايا الجلد الميتة . – مزج خل التفاح مع الماء المقطر وهنحطه فى زجاجه بغطاء ونرجه كويس. – حطى على قطعة قطن وافرك بها وجهك . – لو كنتى بتلاقى رائحة كريهة من عصير التفاح والخل ممكن تتخلصى منها عن طريق إضافة الشاي الأخضر إلى الخليط.
بنات حوا بتنصحك تغيرى من روتينك اليومى و تقللى من توترك اللى بيزود من ظهور الحبوب واحرصى كمان على غسيل شعرك كتير و تغيير مفارش المخدة و السرير اللى بيكون عالق فيها كثير من الدهون اللى بتزود حب الشباب, وقللي من أكل الحلويات والشوكلاتة وأخيرا اشربي ماية كتير جدا…