توافق برج الدلو مع الابراج التانية

بقلميسرا خالد فيبرج الدلو visibility32256

متمسك بحريته واستقلاله خجول مسالم وطموح جدا هدفه الاساسي انه يوصل لكل الناس ويساعدهم ويكون صداقات كثيرة … جايبنلكم  معلومات هتحبوا تعرفوها عن مدى توافق برج الدلو مع الأبراج الثانية…

الدلو مع الأبراج التانية من أنجح علاقاته بتكون مع (الميزان، الجوزاء، القوس والحمل) ومن أصعبهم واللي بتكون محتاجة شغل وصبر عشان تنجح (الثور والعقرب).

توافق برج الدلو مع الابراج التانية

توافق برج الدلو مع الابراج التانية

1- برج الدلو والحمل:

هما الاتنين شخصيات مستقلة جدا وعلاقتهم دايما مزدهرة لان فيهم ميزة جميلة انهم بيعرفوا يحلوا المشاكل بطريقة واقعية وفيها تفكير ونظام . هما الاتنين مش بيحبوا يتقيدوا بأى تقاليد و دايما بيدوروا على حريتهم و بيفصلوا تفكيرهم تماما وتصرفاتهم عن اى حاجة المجتمع بيفرضها عليهم . الحمل يعتبر شخصية مبدعة اكثر من الدلو والدلو شخصيته اجتماعية اكتر.

نوع العلاقة: فيه بينكم تناغم واتفاق قوي وتفاهم كافي. من السهل عليكم انكم تنجحوا مع بعض.

2- برج الدلو والثور:

الثور شخص تقليدى ومتواضع دايما بيحب الحياة البسيطة اللى متعود عليها ومش بيحب التغيير بعكس الدلو الى دايما بيدور على كل جديد في الحياة العصرية وده بيسبب اختلاف فى الاذواق بينهم تقريبا فى كل حاجة زى الفن والموسيقى والاراء الاجتماعية والسياسية. اختلافهم فى الاذواق وطريقة الحياة مش بيسبب مشاكل كثيرة بينهم بس برضه مكن يكون مزعج فى اوقات كثير لأن هما الاتنين عندهم صفة العند الفظيع اللى بيكون سبب فى ان النقاش أو حوار بيتوقف بينهم.

نوع العلاقة: البرجين بينهم أختلاف, محتاجين وقت ومجهود عشان تعرفوا تتفاهموا, وفيه أحتمال كبير للمشاكل مابينكم.

3- برج الدلو والجوزاء:

اهدافهم ونظرتهم للحياة متشابهه جدا, عندهم إتصال عقلي قوي, بيبحوا خفه دم بعض وبيحبوا يلعبوا بالافكار والمنقاشات, التفاهم الفكري مهم ليهم هما الاتنين وفي العلاقة ما بينهم بيحسوا انهم لقوا شريك قادرين يتفاهموا ويستمعوا بالحياه معاه, فيه احتمال قوي لصداقتهم مش بس حبهم لبعض.

نوع العلاقة: أي علاقة فالدنيا فيها تحدي بس أنتم بتشاركوا بعض علاقة كاملة وسعيدة وده بيغطي على أي تحديات موجودة ما بينكم.

4- برج الدلو والسرطان:

السرطان بيحب جدا جو العائلة و القعدة فى البيت اكثر من الدلو اللى برده يعتبر عاطفى نوعا ما بس مش من اولوياته العيلة و الاهل لانه بيركز اكثر فى هواياته و اهتماماته الخاصة . السرطان مش سهل عليه يسافر او يهاجر او يغير مكان البيت اللى عاش فيه طول عمره لانه بيرتبط بالاماكن و الاشخاص جدا لكن الدلو ممكن يتنقل بسهولة و يغير مكانه لو هو شاف ان التغيير ده هيحققله اى مكاسب خصوصا فى مجال شغله او مستقبله. السرطان دايما بيكون قلقان من المستقبل وانه يوفر الماديات والاساسيات للحياة و للأسف الدلو مش بيقدر يقدم للسرطان القدر الأدني من الإتصال بالمشاعر اللي السرطان بيبقي محتاجة.

نوع العلاقة: متناقضين ومختلفين, صعب انكم تقتنعوا بشخصية بعض, وقدامكم تحدي كبير عشان تقدروا تنجحوا العلاقة ديه.

5- برج الدلو والاسد:

الدلو بينجذب جدا للاسد لانه بيلاقى فيه الدفء والحيوية اما لاسد فبيتشد جدا للدلو لانه بيشوف فيه شخصية مميزة جدا ومفيش زيها وفى ذكائها. على الرغم من ان الدلو عنده دايره اصحاب و زمائل شغل و معارف كبرة جدا الا انه مش بيقدر يكون صداقات حميمة زى الاسد اللى بيهمه جدا الموضوع ده انه يكون ليه صديق او اتنين قريبين.  الاسد بيشوف الدلو دايما هادى و بارد و الدلو بيشوف ان الاسد بيحب يعيش في دراما طول الوقت ويكبر المواضيع و بياخد كل مشكلة بحساسية عالية. هما الاتنين مختلفين جدا بس ممكن يستفيدوا من اختلافات ورؤي بعض.

نوع العلاقة: متناقضين ومختلفين, صعب انكم تقتنعوا بشخصية بعض, بس لو حصل ما بينكم انجذاب بيكون قوي وبتقدروا تغيروا وتأثروا في شخصيات بعض.

6- برج الدلو والعذراء:

هما الاتنين بيشوفوا الدنيا من زوايا مختلفة و فكر مختلف. العذراء بيركز جدا فى التفاصيل و يحب يفكر و يحلل اما الدلو فبيبص للموضوع بطريقة عامة و بيشوف الصورة الاكبر ومش بيحب يركز في التفاصيل. ده بيخلى العذراء يساعد الدلو اكثر فى انه يحطله خطط مظبوطة لأى حاجة بيفكر فيها و يساعده فيها. هما الاتنين بيكونوا فريق رائع فى التفكير والتخطيط. على الرغم من انهم شخصيات جادة شوية وعملية لكن مع بعض المحاولة بيقدروا يوصلوا للتفاهم العاطفى اللى لازم يكون موجود فى اى علاقة.

نوع العلاقة: ممكن يحصل مابنكم انجذاب الأضداد بس لو قدرتوا تفهموا بعض, لأنكم فيه بينكم احتمال انكم تكملوا بعض…

7- برج الدلو والميزان:

هما الاتنين شخصيات نشيطة و اجتماعية جدا وفى علاقتهم بيكونوا احلى اصحاب لبعض. طبيعتهم بتخليهم يكونوا صداقات و معارف كثير و دى حاجة بتكون مناسبة شخصيتهم . الميزان ساعات بيحس ان الدلو بيدور اكثر على صديق من انه بيدور على شريك حياة أو حبيب و دى حاجة ممكن تزعجه لان الميزان بطبعه بيحب تكوين العلاقات الجادة اللى بتنتهى بالجواز مش بس صداقات. بس ده مش بيسببلهم مشاكل كثير لان فى الاخر بيعرفوا يوصلوا لحلول وسط لان تفكيرهم وعقليتهم متشابهة ومتناغمة جدا مع بعض.

نوع العلاقة: علاقة مثيره وناجحة , بينكم تفاهم قوي وكافي وبينكم اختلاف بيجذبكم لبعض ويخلي علاقتكم كلها اثارة.

8- برج الدلو والعقرب:

الدلو عقلاني وعملي علي عكس العقرب بيعتمد على احساسه الداخلى و الحاسة السادسة اللى عنده،وممكن يحب و يكره ويحس بكل حاجة بطريقة قوية جدا بتخلى الدلو مش بيعرف يتعامل مع الشخصية الحساسة اللى قدامه لان الدلو شخص مهما كان عاطفى فهو برضه عقلانى وعملى.

من الحاجات اللى ممكن تكون مش مريحه للدلو الهادي ان العقرب بيبقي متمسك جدا باللى قدامه لحد كبير ومعتمد عليه فى كل حاجة و يعتبره الدنيا بتاعته كلها. والدلو شخص غير عاطفي ويحب انه يكون فيه مساحة من الحرية ليه . الدلو بيحب يكون عنده أصحاب ومعارف كتير لكن مش علاقات عميقة وقريبة.

هما الاتنين عندين جدا و مش بيعرفوا يغيروا رأيهم او يتخلوا عنه و ده بيكبر حجم المسافة اللى بينهم و بيسبب مشاكل. هيحتاجوا يحترموا و يقدروا اختلافات بعض لو كانوا عايزين يستمروا فى علاقتهم لفترة طويلة.

نوع العلاقة: التفاهم مابينكم صعب إلى حد ما, وفيه احتمال انه يحصل مابينكم اختلافات كبيره, العلاقة محتاجه مجهود جامد من الطرفين عشان تنجح وتكمل.

9- برج الدلو والقوس:

ﻋﻼﻗﺔ ﻣﻤﯿﺰة و بيلاقى كل واحد فيهم اللى عايزه فى التانى، هما الاتنين اﺟﺘﻤﺎعين و بيستمتعوا بأنهم يتعرفوا على ناس جديدة ويسافروا ويتعرفوا على كل حاجة جديدة في الحياة من موضة, لمزيكا, لسياسة, لفنون..القوس عنده موضوع الفلسفة أكتر شوية من الدلو ويحب أكتر انه يكون عنده هدف في الحياة.. مستقلين وتحبوا يبقي لكم مساحتكم من الحرية الشخصية. 
 
نوع العلاقة: عندكم تناغم وتعاون وفيه بينكم حاجات كتيرة مشتركة, بتقدروا بعض ومن السهل جدا انكم تنجحوا مع بعض عاطفيا.

10- برج الدلو والجدى:

الاتنين بيستثمروا اغلب وقتهم فى الشغل وهواياتهم و اهتمامتهم دايما بتكمل بعض. الجدى شخصية يعتمد عليها, عقلانى جدا, عملي وموضوعي , اما الدلو فهو عنده قدرة اكبر على الابداع واكتشاف الحاجات الجديدة ومتواكب أكتر مع التغيرات وعنده قدرة اقوي على تكوين علاقات جديدة. فى مشكلة بتنشأ بينهم انهم بيركزوا اكثر على الحاجات من بره ومعندهمش عمق في علاقتهم مع بعض, ممكن لومركزوش في المشكلة ديه كفاية, يلاقوا نفسهم بعاد عن بعض وبيفقدوا الصلة و الاهتمامهمات المشتركة بنهم و ده بيأثر على الجانب العاطفى فى العلاقة و بيضعفها. ممكن يحاولوا يقربوا لبعض اكثر و يتجنبوا فكرة الروتين وعدم الاهتمام ده و بسهولة هيقدروا يخلوا علاقتهم تكون ناجحة.

نوع العلاقة: البرجين بينهم أختلاف, محتاجين وقت ومجهود عشان تعرفوا تتفاهموا, بس بمجرد إن ده يحصل علاقتكم هتكون رائعة عشان هتكملوا بعض.

11- برج الدلو والدلو:

شخصيات مفتحة , نشيطة , مش بيحبوا ابدا قعدة البيت بيحبوا الخروج والحركة وتكوين العلاقات والاصحاب والاشتراك فى النشاطات الاجتماعية اللى حواليهم . هما الاتنين افكارهم و رأيهم فى كل حاجة متماشي مع بعض وبيشاركوا بعض اهتمامات فكرية ومثل عالية وبتقدروا قوي الحاجة ده مع بعض, لكن اوقات ممكن بيفتقدوا المشاعر الدافية فى علاقتهم, لدرجة إن ساعات الناس لما تشوفهم ممكن تفتكر انهم اصحاب مش حبايب.

نوع العلاقة: قوية جدا! لأنكم بتبقوا فاهمين بعض كويس قوي كأنه كتاب مفتوح…

12- برج الدلو والحوت:

هما الاتنين شخصيات مرنة و افكارهم متفتحة على الحياة لكن بيواجهوا مشكلة ان الحوت عاطفى جدا وبيفكر بقلبة بشكل اكبر بكثير من الدلو الهادى الطباع . الحوت دايما شخص حساس بيفكر فى مشاعر الاخرين و بيحس بآلامهم بعكس الدلو اللى بيركز فى الجانب العقلاني اكثر و فى الافعال مش الاحاسيس. الدلو بيكون مش مرتاح فى العلاقة دى بسبب حساسية الحوت و مشاعره الجياشة اللى بتخليه دايما محتاج للحب و الحنان والامان من الدلو اللى مش بيعرف يوفرله ده ساعات.

نوع العلاقة: علاقة صعبة جدا واختلاف كبير! لازم محاوله للتغيير والمرونه من الطرفين.

في النهاية حابين نقولكم إن موضوع الأبراج مش لازم ينطبق علي كل الناس زي بعض وبنفس النسبة عشان كده لو فيه بينكم مش بينطبق عليه الكلام ده, ده شيء طبيعي جدا. احنا قدمنا المقارنة من من جانب واحد بس, لكن في الحياة فيه جوانب تانية كتيرة جدا بتأثر في العلاقة احنا متأكدين طبعا انكم بتاخدوا بيها في حكمكم, وفيه في العالم علاقات كتيرة جدا ناجحة بين كل علامات الأبراج, لأن اهم حاجتين ممكن ينجحوا أي علاقة هما (الحب والتفاهم)…

اقروا كمان : القوية المستقلة انثى برج الدلو

المبتكر: رجل برج الدلو